ជីវិតកម្សាន្ដ

បវរកញ្ញាល្បីម្នាក់ ត្រូវអ្នកគ្រូរបាំបុរាណទម្លាយរឿងកើតចរិតតួឯក

បានផុស

១១ ខែ មុន

នៅ

ថ្ងៃចន្ទ ១៣ ឧសភា ២០២៤

ដោយ

ជារឿងដ៏គួរឱ្យចាប់អារម្មណ៍ និងហួសចិត្តខ្លាំងចំពោះមហាជនដែលតែងនិយមតាមដានវិស័យបវរកញ្ញានៅកម្ពុជាបន្ទាប់ពីមានការចែករំលែកជុំវិញករណីបវរកញ្ញាខ្មែរម្នាក់កើតជំងឺតួរឯកប្រើសម្តីខ្វះសីលធម៌មិនសមរម្យទៅលើរៀមច្បងដែលជាគ្រូបង្ហាត់របាំបុរាណ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធរឿងរ៉ាវនេះឃើញមានការចែករំលែកនៅលើទំព័រហ្វេសប៊ុករបស់អ្នកគ្រូបង្ហាត់របាំបុរាណដែលមានឈ្មោះថា ថៅ ពេជ្រអម្រិត ដោយបញ្ចេញខ្លឹមសារហួសចិត្តជាខ្លាំងចំពោះទង្វើរខ្វះសីលធម៌ និងការប្រើប្រាស់ពាក្យសម្តីមិនសមរម្យ។ អ្នកគ្រូ ថៅ ពេជ្រអម្រិត បានរៀបរាប់ថា «បវរកញ្ញាចរិតតួឯកប្រមាថគ្រូបាំបុរាណ! កុំគិតថាបវរកញ្ញាទាំងអស់សុទ្ធតែដូចប្អូន»។

ម្ចាស់គណនីហ្វេសប៊ុកខាងលើបាននិយាយទៀតថា “ខ្ញុំទៅបង្ហាត់គេ បវរកញ្ញាគេអត់ដែលឈ្លើយដូចប្អូនអញ្ចឹងទេ (ចង់បានវីដេអូអប្សរា ឬបវរកញ្ញាខ្លះផ្សេងទៀតក៏ខ្ញុំមានដែរតែខ្ជិលនាំរឿងច្រើន) ខ្ញុំចង់បញ្ជាក់ប្អូនថា សារសម្លេងរបស់ប្អូនគឺខ្ញុំមិនទាន់បានចុចស្តាប់ទេជាង ១០នាទីដោយសារកំពុងរវល់ការងារជាមួយអ្នកកាត់ត ហើយគ្រាន់តែខ្ញុំមិនទាន់តប ប្អូនចង់ថាខ្ញុំមិនឱ្យតម្លៃប្អូនយ៉ាងម្តេច? បងមិនមែនសេរីបែបទុកសារគេចោលរាប់ខែឯណា បងទើបតែមិនទាន់បានតបតែ ២ម៉ោងសោះ ហើយប្អូនលើកសុទ្ធតែពូជពង្សដូនតាអី្វក៏ច្រើនម្លេះប្អូន?”

ថៅ ពេជ្រអម្រិត បានបន្តថា «ប្រធានបទនិយាយតែរឿងកុំឱ្យស្រែកគំហក និងឱ្យនិយាយភាសាឱ្យពីរោះពិសាជាមួយថ្នាក់ដឹកនាំជាមួយគ្រូ របាំសោះបែរជាចេញឯណាឯណីវិញ ប្អូនលើកតាំងពីដូនតាលើកតាំងពីសញ្ញាបត្រលិខិតសរសើរ សុំទោសផងពុកម៉ែបងប្អូនថ្ងៃ នេះខ្ញុំសុំលាំងមួយហើយ»។

អ្នកគ្រូ របាំបុរាណខាងលើបានលើកឡើងបន្ថែមថា «បង្រៀនសិស្សរាប់រយនាក់ ១០ឆ្នាំមកនេះ គឺទើបតែជួបមួយនេះមួយទេទ្រង់ចរិតតួឯកខុសគេមិនបានឯកមិនធ្វើទេហើយមួយម៉ាត់ណាក៏បវរកញ្ញា មួយម៉ាត់ណាក៏បវរកញ្ញាតែមើលចរិតទៅ មើលរបៀបគេនិយាយ ទៅការងារខ្លួនឯងមិនគោរពហើយនៅមកស្រែកឱ្យគ្រូទៀត»។

ទោះបីជាយ៉ាងណា គ្រូរបាំខាងលើមិនបានបញ្ចេញឈ្មោះ និងអត្តសញ្ញាណទេថាតើបវរកញ្ញាចរិតតួឯករូបនោះជានរណាឡើយ ខណៈអ្នកគ្រូក៏បានលើកសរសើរពីអត្តចរិតបវរកញ្ញា កុយ អេនណា ផងដែរ៕

អត្ថបទ៖ ចាន់រ៉ា