ជីវិតកម្សាន្ដ

ជនភៀសខ្លួនកូរ៉េខាងជើងម្នាក់ បង្ហាញខ្លួនលើកដំបូងក្នុងកម្មវិធី ‘Make Mate 1’ របស់ KBS2

បានផុស

១០ ខែ មុន

នៅ

ថ្ងៃព្រហស្បតិ៍ ១៦ ឧសភា ២០២៤

ដោយ

កាលពីថ្ងៃទី១៥ ខែឧសភា កម្មវិធីរស់រានមានជីវិតតារាថ្មីរបស់ទូរទស្សន៍ KBS2 ‘Make Mate 1’ បានចាក់ផ្សាយវគ្គដំបូងរបស់ខ្លួនដោយណែនាំទស្សនិកជនពីបេក្ខជនវ័យក្មេងមកពីជុំវិញពិភពលោក ហើយក៏សង្ឃឹមថានឹងទទួលបានឱកាសនៅក្នុងវិស័យតារា K-Pop ។

នៅក្នុងវគ្គនេះ រឿងរ៉ាវរបស់បេក្ខជនវ័យក្មេងម្នាក់បានធ្វើឲ្យគ្រូបង្វឹក និងបេក្ខជនផ្សេងទៀតមានការភ្ញាក់ផ្អើរយ៉ាងខ្លាំង។ លោក Kim Hak Sung បានបង្ហើបថា លោកបានរត់ចោលស្រុកពីប្រទេសកូរ៉េខាងជើងក្នុងឆ្នាំ ២០១៧ នៅអាយុ ១៤ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសជនជាតិកូរ៉េខាងជើងរូបនេះបាននិយាយថា “ក្តីបារម្ភធំបំផុតរបស់ខ្ញុំគឺរបៀបកែខ្លួនទៅនឹងសង្គមថ្មីនេះ ខ្ញុំបានមើលទូរទស្សន៍ជាច្រើនដើម្បីស្វែងយល់អំពីវប្បធម៌នៅទីនេះ ខ្ញុំបានឃើញ idols នៅលើកញ្ចក់ទូរទស្សន៍ ហើយពួកគេឡូយណាស់ ដែលខ្ញុំសុបិនចង់ក្លាយជាពួកគេ ។ មិនស្រួលក្នុងការចែករំលែកប្រវត្តិរបស់ខ្ញុំជាមួយមនុស្ស ប៉ុន្តែខ្ញុំមានអារម្មណ៍ថាប្រសិនបើខ្ញុំមិននិយាយអំពីវានៅទីនេះទេ ខ្ញុំនឹងមិនប្រឈមមុខនឹងវាទេ ហើយបន្តរត់គេចពីវា ដូច្នេះហើយខ្ញុំបានសម្រេចចិត្តបើកចិត្តឲ្យកាន់តែខ្លាំង”។

ក្រោយឮបែបនេះ គ្រូបង្វឹក Hanhae បានកត់សម្គាល់ថា “ខ្ញុំពិតជាមានមោទនភាពចំពោះអ្នកសម្រាប់រឿងនោះ” ខណៈពេលដែលបេក្ខជនផ្សេងទៀតក៏បានបញ្ចេញមតិថា “វាពិតជាការសម្រេចចិត្តដ៏លំបាកមួយ។ វាពិតជាអស្ចារ្យណាស់ដែលគាត់មានភាពក្លាហាន” ។

នៅពេលសួរអំពីគោលដៅរបស់លោក Kim Hak Sung បានឆ្លើយថា “ខ្ញុំចង់ផ្តល់ក្តីសង្ឃឹមដល់អ្នកដែលអាចមានស្ថានភាពលំបាក ឬមិនអាចធ្វើអ្វីដែលពួកគេចង់ធ្វើ”។

អ្នកលេងអ៊ីនធឺណែត K-net ឬក្នុងប្រទេសកូរ៉េខាងត្បូងជាច្រើន ក៏មានការភ្ញាក់ផ្អើលជាមួយនឹងការបង្ហាញមុខអ្នករត់ចោលស្រុកកូរ៉េខាងជើងដំបូងគេក្នុងកម្មវិធីរស់រានមានជីវិតរបស់តារា ដោយបានសម្តែងការគាំទ្រចំពោះ Kim Hak Sung ។ អ្នកខ្លះបានបញ្ចេញមតិថា “នេះជាអនុស្សាវរីយ៍មួយកំឡុងពេលផលិត, មនុស្សតែងតែនិយាយថា ចុះយ៉ាងណាបើអ្នករត់ចោលស្រុកចេញមកក្នុងកម្មវិធីជាបេក្ខជន ហើយឥឡូវនេះវាក្លាយជាការពិត, គាត់ស៊ូទ្រាំខ្លាំងណាស់។ សង្ឃឹមថាគាត់ធ្វើវាបាន!, “វាល្អណាស់ដែលឃើញមានឱកាសកាន់តែច្រើនសម្រាប់មនុស្សពីស្ថានភាពផ្សេងៗគ្នា,គាត់ជាមនុស្សម្នាក់ក្នុងចំណោមពួកយើង! គាត់នឹងមិនចាំបាច់បំពេញកាតព្វកិច្ចយោធាទេ, ការចុះចាញ់ត្រូវតែជាការលំបាកដែលមិននឹកស្មានដល់ ប៉ុន្តែឥឡូវនេះគាត់កំពុងតាមសុបិនរបស់គាត់ នោះទាមទារភាពក្លាហានច្រើន និងច្រើនទៀត”។

ទន្ទឹមនឹងនេះដែរ ‘Make Mate 1’ របស់ KBS2 មានបេក្ខជនចំនួន៣៥ នាក់មកពីជុំវិញពិភពលោក។ កម្មវិធីនេះតម្រូវឲ្យបេក្ខជនធ្វើការរួមគ្នា និងកសាងមិត្តភាពជាមួយគ្នា ដើម្បីបង្កើតឆាកសុបិនរបស់ពួកគេទៅថ្ងៃអនាគត៕