តារាសម្តែងលោក សឿន វីតា អង្វរម្ចាស់បំណុលទុកឱកាសឲ្យរកលុយសងតាមលទ្ធភាព

ខណៈ​ដែល​មាន​ម្ចាស់​បំណុល​មួយ​ចំនួន​បាន​ឆាត និងទូរស័ព្ទ​តាមទារ​លុយ​តារា​សម្តែង​លោក សឿន វីតា បាន​ចេញមក​អង្វរដោយ​ទទូច​សុំ​ការ​យោគ​យល់​ដើម្បី​មាន​ឱកាស​រកស៊ី​ដោះ​បំណុលទាំងនោះ។

តារា​សម្តែង​លោក សឿ​ន វី​តា កន្លង​មក​ធ្លាប់​បាន​ចេញ​មកទម្លាយ​ការ​ពិត​ជុំវិញ​រឿងរ៉ាវ​ធ្លាក់​ខ្លួន​ស្ទើរ​ដល់​ចំណុច​សូន្យ​បន្ទាប់​ពី​លោក​លង់​ខ្លួន​ក្នុង​បំណុល​ដោយ​សារការ​ចាញ់​បោក និង​ជួយ​អាសា​ដល់​បុគ្គល​មួយ​ចំនួន​ដែលជា​មនុស្ស​ស្គាល់​រាប់អានគ្នា។ យ៉ាងណាមិញ បច្ចុប្បន្ន​​លោក វីតា បាន​នឹង​កំពុង​តស៊ូ​ព្យាយាម​រក​ស៊ី​លក់​ម្ហូប ត្រី សាច់​គ្រប់​មុខ​នៅ​តាម​អនឡាញ ដើម្បី​​រក​លុយ​ដោះ​​បំណុល​គេ និង​សម្រាប់​ផ្គត់ផ្គង់​គ្រួសារ។

ជាក់ស្តែង​លោក សឿន វីតា បាន​រៀបរាប់​ថា «​ខ្ញុំចេញ​វីឌីនេះ​ គឺ​សុំម្ចាស់​បំណុល​ខ្ញុំទាំង​អស់​ទុកពេល​ឲ្យខ្ញុំបន្តទៀតផង ខ្ញុំ​រាល់​​ថ្ងៃ​គឺ​មាន​ម្ចាស់​បំណុល​​ឆាតទា​លុយនឹងតេទាលុយ​មិនក្រោម ៥នាក់នោះ​ទេក្នុង ១ថ្ងៃ តែខ្ញុំពិតជា​អត់​មាន​មែន​ហើយ​មិនដឹងថាពេលណាម្ចាស់លុយអស់ការអត់ធ្មត់នោះទេ»។

លោកនិយាយបន្តថា «ខ្ញុំទុកពេល​ឲ្យខ្ញុំមើល​ថែរក្សា​កូន​ៗខ្ញុំ ហើយ​ខ្ញុំប្រឹងប្រែង​រក​លុយ​សង​បងប្អូន បើខ្ញុំមិនស្លាប់ ឬបងប្អូន​ម្ចាស់​លុយមិនចាប់ខ្ញុំទេ ក្តីសង្ឃឹម​ខ្ញុំនៅតែមាន ព្រោះខ្ញុំប្រឹងរាល់ថ្ងៃហើយ»។ លោក សឿន វីតា បាន​លើក​ឡើងបន្ថែម​ថា លោករាល់ថ្ងៃមិនមែន​មិនដឹងថាម្ចាស់បំណុលរបស់លោកលំបាក់​នោះទេ ហើយលោកតែងឆាត​តបតជា​មួយម្ចាស់លុយរាល់ថ្ងៃ។

តារា​សម្តែង​លោក សឿន វីតា បាន​បន្តទៀតថា លោកតែង​ចេញ​វីឌីអូ​សំពះ​​សុំការ​លើក​លែង​ពី​ម្ចាស់​បំណុល​គ្រប់រូប​ហើយ​មិន​ដែល​ផុស​យក​ខ្លួន​ឯង​ល្អ​ម្ចាស់​បំណុល​អាក្រក់​ទេ​ហើយ​ម្យ៉ាង​ទៀត​អ្នក​ថា​ លោកពូ​កែ​សម្តែងdram ឲ្យ​បង​ប្អូន​អាណិត គឺ​លោក​មិន​បាន​សម្តែង​ទេ​បង​អ្វីដែល​លោក​ធ្វើគឺ​សុំការ​ជួយ​ឲ្យ​បង​ប្អូន​ជួយ​ទិញ​ម្ហូប​ដើម្បីបានលុយសងគេប៉ុណ្ណោះ៕

អត្ថបទ៖ ចាន់រ៉ា