ជីវិតកម្សាន្ដ

គេហទំព័រម៉ូដមួយ រិះគន់ Chompoo ដែលស្លៀកពាក់មិនសមទំនង លើកម្រាលព្រំក្រហម Cannes

បានផុស

៩ ខែ មុន

នៅ

ថ្ងៃសុក្រ ១៧ ឧសភា ២០២៤

ដោយ

ប៉ុន្មានថ្ងៃមុននេះ តារាសម្ដែងស្រី Chompoo Araya ត្រូវបានគេនិយាយច្រើននៅលើបណ្តាញសង្គម។ បន្ទាប់ពីបានបង្ហាញខ្លួននៅលើកម្រាលព្រំក្រហមនៃមហោស្រពភាពយន្តទីក្រុង Cannes លើកទី ៧៧ ដែលជាមហោស្រពដែលទទួលបានការចាប់អារម្មណ៍ទូទាំងពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរូបរាងទី៣ តារាស្រីវ័យ៤២ឆ្នាំ បានជ្រើសរើសស្លៀករ៉ូបសាច់ក្រណាត់ពណ៌ខ្មៅវែងបិទដងខ្លួនរបស់នាងជិតគ្មានសល់ប៉ុន្តែអ្វីដែលគេចាប់អារម្មណ៍ខ្លាំងបំផុតនោះគឺឈុតនេះរំលេចឲ្យឃើញសាច់ខាងក្នុងគ្មានសល់នោះទេ។ ក្រោយមករូបភាពរបស់នាងបានបង្ហោះពេញបណ្ដាញអ៉ិនធើណេត រហូតគេហទំព័រម៉ូដល្បី redcarpet-fashionwards.com បានសរសេរប្រកាសពីសម្លៀកបំពាក់របស់នាងថាមិនសមនឹងបង្ហាញដល់ភ្នែកបរទេសឡើយ។

គេហទំព័រម៉ូដល្បីនោះបានសរសេរសារយ៉ាងវែងអន្លាយថា “Araya បានត្រលប់មកកម្រាលព្រំក្រហមក្នុងពិធីបើកមហោស្រពភាពយន្ត Cannes។ នៅប្រទេសបារាំងយប់នេះ យើងបានតាមដានស្ទីលស្លៀកពាក់របស់ទូតសុឆន្ទៈម៉ាក L’Oréal របស់ថៃមួយរយៈមកហើយ។ រ៉ូបចរនេះគឺជារូបរាងដ៏អាក្រក់បំផុតរបស់នាង នៅលើកំរាលព្រំក្រហម យើងពិតជាមានការខកចិត្តយ៉ាងខ្លាំងចំពោះឈុតបែបនេះ។ ទោះជារ៉ូបសាច់ក្រណាត់ស្អាត តែជឿថា Araya អាចធ្វើបានល្អជាងនេះ”។

លើសពីនេះ គេហទំព័របានប្រៀបធៀបរូបភាពរបស់តារាម៉ូដែលស្លៀកឈុតដូចគ្នានឹង Chompoo Araya ហើយថាគេមានរបៀបនៃការស្លៀកពាក់ស្អាតបាតជាងនាងផង។ តែនាងបែរជាបង្ហាញគេនូវឈុតមិនសមទំនងមួយទៅកាន់ព្រឹត្តិការណ៍លំដាប់អន្តរជាតិ។ នេះជាអ្វីដែលធ្វើឲ្យហ្វេនមានការខកចិត្តជាខ្លាំង មិនដូចឆ្នាំមុនៗ ដែលនាងស្អាតភ្លឹងៗរកកន្លែងទាស់គ្មានឡើយ៕