ជីវិតកម្សាន្ដ

YoonA បញ្ចេញឈុតពណ៌ឈូក លើកកម្រាលព្រំក្រហម Cannes លើកទី៧៧

បានផុស

៨ ខែ មុន

នៅ

ថ្ងៃចន្ទ ២០ ឧសភា ២០២៤

ដោយ

នៅរសៀលថ្ងៃទី ១៩ នេះ តារាចម្រៀង និងសម្ដែង YoonA បានចូលរួមក្នុងមហោស្រពភាពយន្ត Cannes លើកទី ៧៧ ដែលប្រារព្ធឡើងនៅ Palais des Festivals ក្នុងទីក្រុង Cannes ប្រទេសបារាំង ក្នុងឋានៈជាទូតសុឆន្ទៈសម្រាប់ម៉ាកគ្រឿងអលង្ការ។

នៅថ្ងៃនោះ YoonA បានចូលរួមក្នុងព្រឹត្តិការណ៍កម្រាលព្រំក្រហម ដែលរៀបចំឡើងមុនពេលការបញ្ចាំងលើកដំបូងនៃ ‘Horizon: American Saga’ ដែលដឹកនាំនិងសម្តែងដោយ Kevin Costner ជាខ្សែភាពយន្តដែលមិនមានការប្រកួតប្រជែង។ នាងបានបង្ហាញខ្លួនក្នុងសម្លៀកបំពាក់ពណ៌ផ្កាឈូកដ៏គួរឲ្យស្រឡាញ់ ទទួលបានការចាប់អារម្មណ៍ជាខ្លាំងពីទូទាំងពិភពលោក ខណៈដែលអ្នកគាំទ្របានស្រែកហៅឈ្មោះរបស់នាងជាបន្តបន្ទាប់ ដែលនេះប្រៀដូចជាការបង្ហាញពីឥទ្ធិពលពិភពលោកដ៏ធំធេងរបស់តារាស្រីកូរ៉េរូបនេះយ៉ាងខ្លាំងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមក YoonA បានផ្លាស់ប្តូរទៅជារ៉ូបពណ៌សសម្រាប់អាហារពេលល្ងាចដោយរីករាយក្នុងពិធីបុណ្យតាមស្ទីលនៃទឹកដីអឺរ៉ុប។ នាងក៏បានធ្វើទស្សនកិច្ចដ៏គួរឲ្យភ្ញាក់ផ្អើលមួយទៅកាន់ទីផ្សារភាពយន្តនៅទីក្រុង Cannes ដើម្បីផ្សព្វផ្សាយភាពយន្តរបស់នាងដែលមានចំណងជើងថា ‘The devil has move in’ ដែលបានរៀបចំស្តង់ផ្សព្វផ្សាយមុនពេលចេញលក់ ដោយបន្ថែមភាពរំភើបដល់ការផ្សព្វផ្សាយជាសកល។

ទន្ទឹមនឹងនោះ YoonA គ្រោងនឹងចេញសម្តែងរឿង “The Devil has move in” របស់នាងនៅក្នុងពាក់កណ្តាលឆ្នាំចុងក្រោយនេះ។ លើសពីនេះទៀត នាងនឹងរៀបចំព្រឹត្តិការណ៍ខួបកំណើតមួយ ‘So Wonderful Day’ ចាប់ពីថ្ងៃទី ២៤ ខែឧសភា ដល់ថ្ងៃទី ០២ ខែមិថុនា នៅទីកន្លែងវប្បធម៌ Ilssangbienalsang ដោយ U+។

សូមជម្រាបជូនដែរថា មហោស្រពភាពយន្ត Cannes លើកទី ៧៧ ដែលប្រារព្ធឡើងនៅ Palais des Festivals ក្នុងទីក្រុង Cannes ប្រទេសបារាំងឆ្នាំនេះ បានប្រារព្ធចាប់ពីថ្ងៃទី១៤ ដល់ថ្ងៃទី ២៥ ខែឧសភា ជាថ្ងៃបញ្ចប់៕