ជីវិតកម្សាន្ដ

ព្រឹទ្ធាចារ្យសិល្បៈ សិល្បករ-សិល្បការិនី ប្រមាណ ២ ពាន់នាក់ នឹងចូលរួមកម្មវិធី ”អ្នកស្នងមរតក”

បានផុស

៩ ខែ មុន

នៅ

ថ្ងៃអង្គារ ២១ ឧសភា ២០២៤

ដោយ

ប្រធានសមាគមសិល្បករខ្មែរអ្នកឧកញ៉ា ម៉ៅ ចំណាន បានគូសបញ្ជាក់ថាកម្មវិធី “អ្នកស្នងមរតក” ដែលគ្រោងនឹងរៀបចំឡើងនាបំណាច់ខែឧសភា ឆ្នាំ២០២៤ នេះ គឺមានព្រឹទ្ធាចារ្យសិល្បៈ សិល្បករ-សិល្បការិនី ប្រមាណ ២០០០នាក់ចូលរួមយ៉ាងច្រើនកុះករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវអ្នកឧកញ៉ា ម៉ៅ ចំណាន បានឲ្យដឹងនៅក្នុងឱកាសដឹកនាំកិច្ចប្រជុំដើម្បីពិនិត្យវឌ្ឍនភាពការងារត្រៀមរៀបចំកម្មវិធី “អ្នកស្នងមរតក” ដែលបានកំណត់ប្រារព្ធឡើងនាថ្ងៃសុក្រ ទី៣១ ខែឧសភា ឆ្នាំ២០២៤ ខាងមុខនេះ នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វា(OCIC)។

កម្មវិធី “អ្នកស្នងមរតក” ផ្ដួចផ្ដើមបង្កើតឡើងដោយប្រធានសមាគមសិល្បករខ្មែរអាណត្តិទី៦ គឺ លោកជំទាវអ្នកឧកញ៉ា ម៉ៅ ចំណាន ដោយមានការអញ្ជើញចូលរួមពីព្រឹទ្ធាចារ្យសិល្បៈ សិល្បករ-សិល្បការិនី ប្រមាណ ២០០០នាក់ ដើម្បីជាការលើកទឹកចិត្ត និងផ្សព្វផ្សាយពីគោលការណ៍ដែលជាបេសកកម្មរបស់សមាគមសិល្បករខ្មែរក្នុងការការពារលើកស្ទួយសិល្បករចាស់ជរាគ្រប់ទម្រង់។

ម្យ៉ាងទៀតនេះក៏ជាមធ្យោបាយមួយជំរុញឱ្យសិល្បក-សិល្បការិនី ទាំងអស់មានសាមគ្គីភាពគ្នាល្អហើយរួបរួមកម្លាំងគ្នា ដើម្បីរួមចំណែកក្នុងការកសាងសេដ្ឋកិច្ចជាតិស្របតាមយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជាតាមរយៈសកម្មភាពនានានៃវិស័យសិល្បៈ និងវប្បធម៌។

កម្មវិធី ”អ្នកស្នងមរតក” នេះគឺនឹងមានការអញ្ជើញចូលរួមជាអធិបតីភាពដ៏ខ្ពង់ខ្ពស់ពីសំណាក់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី។

សមាគមសិល្បករខ្មែរក៏សូមគោរពថ្លែងអំណរគុណយ៉ាងជ្រាលជ្រៅជូនចំពោះដោយលោកទាំងពីបានផ្ដល់កិត្តិយសយ៉ាងធំធេងដល់សមាគមសិល្បករខ្មែរក៏ដូចជាសិល្បកររៀមច្បងទាំងអស់ក្នុងការអញ្ជើញចូលរួមជាអធិបតីដ៏ខ្ពង់ខ្ពស់ក្នុងកម្មវិធីនេះ៕

អត្ថបទ៖ ចាន់រ៉ា