ជីវិតកម្សាន្ដ

អតីតស្វាមី Zhao Liying ត្រូវគេប្រទះឃើញនាំស្រី ស្នេហ៍ ២ នាក់ទៅគេងផ្ទះផ្ទាល់ខ្លួន

បានផុស

១០ ខែ មុន

នៅ

ថ្ងៃអង្គារ ២១ ឧសភា ២០២៤

ដោយ

តារាសម្ដែងចិន Feng Shaofeng ដែលធ្លាប់រៀបការជាមួយតារាសម្ដែងល្បីឈ្មោះ Zhao Liying ត្រូវបានគេឃើញបណ្ដើរនារីវ័យក្មេង២នាក់ ហើយនាំពួកគេទៅលំនៅដ្ឋានផ្ទាល់ខ្លួនបាត់ដល់មួយយប់ ដែលនេះរិតតែធ្វើឲ្យមហាជនមានការមិនចូលចិត្តលើរូបលោកកាន់តែធ្ងន់លើសមុនទៀត។

លើសពីនេះទៀតដែរ របាយការណ៍ពី Sinchew បានបង្ហាញថា paparazzo បានថតរូបអ្នកបើកឡានរបស់ Feng Shaofeng ដែលត្រសងស្ត្រីពីរនាក់កំពុងធ្វើដំណើរទៅកាន់បារមួយកន្លែងដែលរូបលោក និងមិត្តភក្តិជិតស្និតកំពុងប្រារព្ធនៅចុងខែមេសា។ ក្រោយការប្រមូលផ្តុំគ្នា គេឃើញស្ត្រីទាំងនេះចូលក្នុងរថយន្តរបស់តារាសម្ដែងប្រុសរូបនេះ បន្ទាប់មកទើបឃើញធ្វើដំណើរទៅកាន់លំនៅដ្ធានរបស់ Feng Shaofeng តែម្ដង។

នៅថ្ងៃបន្ទាប់ Feng Shaofeng បានចាកចេញពីផ្ទះរបស់គាត់តែម្នាក់ឯងទៅជួបមិត្តភក្តិ ចំណែកស្ត្រីពីរនាក់ដែលគាត់បាននាំមកផ្ទះមិនបានចាកចេញរហូតដល់ល្ងាច។ ក្រោយពេលយប់ ស្ត្រីម្នាក់ក្នុងចំណោមស្ត្រីនោះបានត្រឡប់ទៅលំនៅឋានរបស់ Shaofeng វិញ។

សូមបញ្ចាក់ដែរថា Feng Shaofeng អាយុ ៤៦ ឆ្នាំ គឺជាអតីតនិស្សិតនៃសាលា Shanghai Theatre Academy ហើយបានចូលប្រឡូកក្នុងវិស័យសម្តែងក្នុងឆ្នាំ ១៩៩៨ ។ គាត់ទទួលបានការទទួលស្គាល់យ៉ាងទូលំទូលាយបន្ទាប់ពីតួនាទីរបស់គាត់នៅក្នុងរឿងភាគទូរទស្សន៍ឆ្នាំ ២០១១ “Palace” ។ តារាសម្ដែងប្រុសរូបនេះ បានរៀបការជាមួយ Zhao Liying ក្នុងឆ្នាំ ២០១៨ ។ ប្តីប្រពន្ធនេះបានប្រកាសលែងលះគ្នាជាសាធារណៈនៅឆ្នាំ ២០២១ ចាប់តាំងពីការបែកគ្នារបស់ពួកគេមក កូនប្រុសរបស់ពួកគេបានស្ថិតនៅក្រោមការមើលថែរបស់គ្រួសារ Feng ទាំងអស់៕