ជីវិតកម្សាន្ដ

ផ្ទុះពាក្យចចាមអារ៉ាមថា Selena មានផ្ទៃពោះ ស្របពេលព័ត៌មាន Justin មានកូនដំបូង

បានផុស

៩ ខែ មុន

នៅ

ថ្ងៃអង្គារ ២១ ឧសភា ២០២៤

ដោយ

Selena Gomez បានធ្វើឲ្យអ្នកគាំទ្រភ្ញាក់ផ្អើលនៅឯកម្រាលព្រំក្រហមទីក្រុង Cannes ប្រទេសបារាំង ក្នុងសម្លៀកបំពាក់ពណ៌ស និងខ្មៅដ៏ប្រណិត ដែលឱបរូបរាងរបស់នាងកាន់តឺឃើញច្បាស់ជាងមុន។ ប៉ុន្តែគ្រប់គ្នាបានកត់សម្គាល់ឃើញថា ក្បាលពោះរបស់នាងរាងខ្ទាតបន្តិច រហូតបង្កឲ្យមានពាក្យចចាមអារ៉ាមបានកើតឡើងភ្លាមៗ។

តារាចម្រៀងស្រីវ័យ ៣១ឆ្នាំរូបនេះ បច្ចុប្បន្នកំពុងមានទំនាក់ទំនងស្នេហាជាមួយផលិតករតន្ត្រី Benny Blanco ត្រូវបានគេមើលឃើញថាកំពុងឱបពោះ ហើយថែមទាំងប្រើចលនាដៃដូចជាព្យាយាមលាក់បាំងអ្វីមួយស្ថិតក្នុងសំលៀកបំពាក់ដ៏តឹងណែនរិបរាងរបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក ងាកទៅកាន់អ្នកគាំទ្រនៅលើប្រព័ន្ធផ្សព្វផ្សាយសង្គម បានលោតទៅសន្និដ្ឋានយ៉ាងឆាប់រហ័សថា Selena Gomez អាចនឹងរំពឹងថាបានកូនដំបូងជាមួយនឹងមិត្តប្រុសរបស់នាង។ ការរំពឹងទុកនេះកើតមានតែពីរសប្តាហ៍ បន្ទាប់ពី Justin Bieber អតីតមិត្តប្រុស និងភរិយា Hailey បានបង្ហាញថា ពួកគេមានផ្ទៃពោះ បន្ទាប់ពីរៀបការបានប្រាំមួយឆ្នាំ។

ទោះយ៉ាងណាក៏ដោយ កាលពីដើមខែនេះ The Only Murders in the Building star’s beau ផលិតករតន្ត្រី Blanco ក៏បានបង្ហាញក្នុងកម្មវិធី Howard Stern’s Show ថា គាត់ចង់មានកូនជាមួយតារាចម្រៀង Selena ។ នាពេលនោះ Blanco បាននិយាយថា “ខ្ញុំចង់មានកូន នោះជាគោលដៅបន្ទាប់របស់ខ្ញុំ ។ ខ្ញុំមានកូនព្រះជាច្រើន ខ្ញុំបានក្មួយប្រុសមួយតោន ខ្ញុំស្រឡាញ់ការនៅជុំវិញកុមារ”។

យ៉ាងណាមិញ ទាំងនេះគ្រាន់តែពាក្យចចាមអារ៉ាមរវាង Selena Gomez និងមិត្តប្រុសដែលសេពគប់គ្នាមកជាង១ឆ្នាំប៉ុណ្ណោះ។ ចំពោះព័ត៌មានការពិតឬយ៉ាងណា ទស្សនិកជនមានតែចាំការបកស្រាយ និងការបង្ហោះផ្ទាល់ដោយសាម៉ីខ្លួនទាំងសងខាងនោះទេ៕