ជីវិតកម្សាន្ដ

តួឯកស្រី F4កូរ៉េ រស់ក្នុងចំណតរថយន្តនៅសាកលវិទ្យាល័យ ក្រោយលែងលះជាមួយស្វាមី

បានផុស

៤ ខែ មុន

នៅ

ថ្ងៃអង្គារ ២១ ឧសភា ២០២៤

ដោយ

តារាសម្ដែង Goo Hye Sun និងជាតួឯកស្រីក្នុងរឿងតួស្រី F4កូរ៉េ បានលាតត្រដាងនៅក្នុងកម្មវិធីទូរទស្សន៍មួយថា បច្ចុប្បន្ននេះនាងមិនមានទីលំនៅអចិន្ត្រៃយ៍ ហើយបានរស់នៅក្នុងចំណតរថយន្តរបស់សាកលវិទ្យាល័យតែប៉ុណ្ណោះ។ ដំណឹងនេះបានធ្វើឲ្យទស្សនិកជនជាច្រើនហាក់មានការភ្ញាក់ផ្អើលសឹងមិនជឿឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម Nate បញ្ចាក់ថា ក្នុងអំឡុងពេលបង្ហាញខ្លួនក្នុងកម្មវិធី “Real or Reel” របស់ទូរទស្សន៍ tvN កាលពីថ្ងៃទី ១៦ ខែឧសភា Goo Hye Sun បានបង្ហាញថានៅពេលដែលនាងកំពុងរៀបចំសម្រាប់ការប្រលងចុងក្រោយនៅសកលវិទ្យាល័យ នាងបានជ្រើសរើសស្នាក់នៅក្នុងចំណតរថយន្តរបស់សាលាជាកន្លែងដែលនាងញ៉ាំនិងគេងក្នុង រថយន្តផ្ទាល់ខ្លួនតែម្ដង។

តារាស្រីរូបនេះបានរក្សាអនាម័យខ្លួនជាមួយនឹងកន្សែងសើម ហើយម្តងម្កាលបានទៅមើលបណ្ណាល័យសាលាដោយស្លៀកខោ និងអាវធំ ដោយជ្រើសរើសសាប៊ូកក់សក់ស្ងួតជាងការកក់សក់បែបបុរាណ។ ក្នុងនោះផងដែរ នាងបានពន្យល់ថា «បច្ចុប្បន្នខ្ញុំមិនមានកន្លែងជាក់លាក់សម្រាប់រស់នៅទេ ខ្ញុំស្ទើរតែគ្មានផ្ទះសម្បែង។ ខ្ញុំធ្លាប់ទៅផ្ទះម្តាយខ្ញុំនៅ Incheon ប៉ុន្តែអំឡុងពេលប្រឡង ឬថ្ងៃសំខាន់ៗ ខ្ញុំដេកក្នុងឡាន ឬនៅបណ្ណាល័យ»។

លើសពីនេះ តារាសម្ដែងស្រីកូរ៉េថែមទាំងបញ្ចាក់ទៀតថា ដំបូងឡើយនាងរស់នៅក្នុងបន្ទប់សិក្សាមួយទល់មុខសាលា ប៉ុន្តែត្រូវផ្លាស់ទៅចំណតរថយន្ត នៅពេលដែលកិច្ចសន្យារបស់នាងបានបញ្ចប់ឆមាសចុងក្រោយ ហើយកន្លែងនោះបានឈប់ផ្តល់ការជួលរយៈពេលខ្លី។

តារាស្រីវ័យ៣៩ឆ្នាំរូបនេះបានសង្កត់ធ្ងន់ថា “ការសិក្សា និងបញ្ចប់ការសិក្សារបស់ខ្ញុំបច្ចុប្បន្នមានសារៈសំខាន់បំផុតសម្រាប់ខ្ញុំ ដូចដែលឪពុកម្តាយរបស់ខ្ញុំប្រាថ្នា” ដោយបន្ថែមថា ម្តាយរបស់នាងមានបំណងចង់ឲ្យនាងបន្តការសិក្សាថ្នាក់បណ្ឌិត។

ថ្វីបើយ៉ាងណាក៏ដោយ បន្ទាប់ពីរឿងភាគទូរទស្សន៍ មានការព្រួយបារម្ភជាសាធារណៈថាជីវិតរបស់ Goo Hye Sun បានធ្លាក់ចុះគួរឲ្យកត់សម្គាល់ចាប់តាំងពីការលែងលះ ពីតារាសម្តែង Ahn Jae Hyun ក្នុងឆ្នាំ ២០១៩ រួមទាំងការបាត់បង់ផ្ទះរបស់នាងផងដែរ។ ជាការឆ្លើយតប នាងបានធានាដល់អ្នកតាមដានរបស់នាងនៅលើ Instagram ថា “ហេតុផលដែលខ្ញុំមិនមានផ្ទះនៅពេលនេះ គឺខ្ញុំកំពុងសាងសង់ផ្ទះនៅជិតសាលារៀន”។

នាងបានបន្ថែមថា “ខ្ញុំបានទិញផ្ទះមួយសម្រាប់សមាជិកគ្រួសាររបស់ខ្ញុំម្នាក់ៗ ហើយមួយផ្នែកធំនៃហិរញ្ញវត្ថុផ្ទាល់ខ្លួនរបស់ខ្ញុំកំពុងត្រូវបានបែងចែកសម្រាប់ការចំណាយលើថ្លៃសិក្សា និងអាហារសម្រាប់កូនតូចៗរបស់ខ្ញុំ។ ខ្ញុំកំពុងរៀបចំសម្រាប់ថ្នាក់បរិញ្ញាបត្រជាន់ខ្ពស់ ហើយគ្រោងនឹងវិនិយោគទ្រព្យសម្បត្តិរបស់ខ្ញុំទាំងអស់ក្នុងការចំណាយលើការអប់រំនាពេលអនាគត”។

Goo Hye Sun ត្រូវបានគេស្គាល់ថា ដោយសារតែនាងបានដើរតួនាទីនៅក្នុងរឿងភាគទូរទស្សន៍កូរ៉េខាងត្បូង “Boys Over Flowers” ឬ F4 យ៉ាងល្អឯកបំផុត ហើយកាលណោះរឿងភាគមួយនេះទទួលនានការគាំទ្រយ៉ាងភ្លូកទឹកភ្លូកដីសូម្បីតែប្រទេសកម្ពុជា។ បច្ចុប្បន្ននេះ នាងក៏សកម្មជាអ្នកដឹកនាំ អ្នកនិពន្ធ វិចិត្រករ និងតន្ត្រីករផងដែរ៕