អតីត​ស្វាមី​ Zhao Liying បដិសេធ​ការ​ចោទ​ប្រកាន់​ដែលនាំស្រីទៅដេកនៅផ្ទះ

តារាសម្ដែង Feng Shaofeng អតីតស្វាមីរបស់តារាសម្ដែងចិន Zhao Liying បានច្រានចោលការអះអាងដែលថាលោកនាំស្រីស្នេហ៍ដល់ទៅពីរនាក់ ទៅដេកពេញមួយយប់នៅឯគេហដ្ឋានរបស់លោក។ យោងតាម Sinchew នៅក្នុងសេចក្តីថ្លែងការណ៍ដែលចេញផ្សាយដោយទីភ្នាក់ងារគ្រប់គ្រងរបស់គាត់កាលពីថ្ងៃអាទិត្យ តារាប្រុសរូបនេះថា “ព័ត៌មានគឺមិនពិត ហើយខ្ញុំសង្ឃឹមថាមនុស្សនឹងឈប់បង្កើតរឿងអំពីខ្ញុំ” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាមានការបដិសេធក៏ដោយ Shaofeng មិនបានផ្តល់នូវព័ត៌មានលម្អិតអំពីអត្តសញ្ញាណរបស់ស្ត្រីទាំងពីរនាក់ ឬលក្ខណៈនៃដំណើរទស្សនកិច្ចរបស់ពួកគេ ដែលនាំឲ្យមានការរំពឹងទុកជាបន្តបន្ទាប់ថានេះគឺជាព័ត៌មានពិតប្រាកដ។

ទន្ទឹមនោះទៀតសោត ការចោទប្រកាន់នេះបានកើតឡើងបន្ទាប់ពី paparazzi បានរាយការណ៍ថា បានឃើញ តារាសម្ដែងកូនមួយរូបនេះត្រឡប់ទៅផ្ទះឯកជនរបស់គាត់ជាមួយនឹងស្ត្រីពីរនាក់ បន្ទាប់ពីដើរលេងមួយយប់នៅបារមួយកាលពីចុងខែមេសា។ យោងតាមសេចក្តីរាយការណ៍ ស្ត្រីទាំងនោះបានស្នាក់នៅផ្ទះរបស់គាត់មួយយប់ ហើយមិនបានចាកចេញទេ រហូតដល់រសៀលថ្ងៃបន្ទាប់ ដោយស្ត្រីម្នាក់ក្នុងចំណោមស្ត្រីទាំងនោះ បានត្រឡប់ទៅផ្ទះរបស់លោក Shaofeng ម្តងទៀតនៅល្ងាចនោះ។

Feng Shaofeng បច្ចប្បន្ននេះលោកមានអាយុ ៤៦ ឆ្នាំ គឺជានិស្សិតបញ្ចប់ការសិក្សានៅសាលា Shanghai Theatre Academy ហើយបានចូលប្រឡូកក្នុងឧស្សាហកម្មកម្សាន្តតាំងពីឆ្នាំ១៩៩៨។ គាត់បានល្បីល្បាញជាមួយនឹងតួនាទីរបស់គាត់នៅក្នុងរឿងភាគទូរទស្សន៍ឆ្នាំ ២០១១ “Palace” ។ ក្រោមក គាត់បានរៀបការជាមួយ Zhao Liying អាយុ ៣៧ ឆ្នាំក្នុងឆ្នាំ ២០១៨ ហើយប្តីប្រពន្ធនេះបានលែងលះគ្នាជាសាធារណៈនៅឆ្នាំ ២០២១។ ចាប់តាំងពីពួកគេបែកគ្នាមក កូនប្រុសរបស់ពួកគេបានរស់នៅជាមួយគ្រួសាររបស់ខាង Feng Shaofeng ៕

អត្ថបទ៖ សាង ស្រីល័ក្ខ

ចុចអាន៖អតីត​ស្វាមី​ Zhao Liying ត្រូវគេ​ប្រទះ​ឃើញ​នាំ​ស្រី ស្នេហ៍ ២ នាក់​ទៅគេងផ្ទះផ្ទាល់ខ្លួន