ជីវិតកម្សាន្ដ

លទ្ធផលធ្វើកោសល្យវិច័យសពតារាចម្រៀង Park Bo Ram ទីបំផុតដឹងការពិតហើយ

បានផុស

៩ ខែ មុន

នៅ

ថ្ងៃព្រហស្បតិ៍ ២៣ ឧសភា ២០២៤

ដោយ

នាយកដ្ឋានប៉ូលិស Namyang បានទទួលលទ្ធផលធ្វើកោសល្យវិច័យរបស់តារាចម្រៀង Park Bo Ram ពីសេវាកោសល្យវិច្ច័យជាតិ នេះបើយោងតាមប្រព័ន្ធផ្សព្វផ្សាយបានរាយការណ៍នៅថ្ងៃទី២៣ ខែឧសភា ដោយសារព័ត៌មាន Allkpop។

យោងតាមរបាយការណ៍របស់សេវាកោសល្យវិច្ច័យជាតិ មូលហេតុនៃការស្លាប់របស់ Park Bo Ram ត្រូវបានគេជឿថា ជាការពុលស្រាធ្ងន់ធ្ងរ។ នៅពេលទទួលមរណភាព តារាចម្រៀងស្រីរូបនេះ មានបញ្ហាសុខភាព ដូចជាជំងឺខ្លាញ់រុំថ្លើម និងដំបៅថ្លើមជាដើម។ ក្នុងនោះផងដែរ សេវាកោសល្យវិច្ច័យជាតិថែមទាំងបញ្ចាក់ដែរថា ពួកគេរកមិនឃើញភ័ស្តុតាងនៃមូលហេតុផ្សេងទៀតនៃការស្លាប់នាងឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀង Park Bo Ram ត្រូវបានគេប្រទះឃើញសន្លប់នៅក្នុងផ្ទះរបស់អ្នកស្គាល់គ្នានៅម៉ោងប្រហែល ៩:៥៥ ល្ងាច នៅថ្ងៃទី ១១ ខែមេសា។ ក្រោយមក នាងត្រូវបានគេបញ្ជូនទៅមន្ទីរពេទ្យដែលជាកន្លែងដែលនាងត្រូវបានគេប្រកាសថាបានស្លាប់ភ្លាមៗក្នុងវ័យ៣០ឆ្នាំ។

សូមជម្រាបជូនថា Park Bo Ram ទទួលបានការចាប់អារម្មណ៍នៅពេលដែលនាងបង្ហាញខ្លួនក្នុងកម្មវិធី Mnet audition ‘SuperStar K2’ ក្នុងឆ្នាំ ២០១០។ នាងទទួលបានការទទួលស្គាល់សម្រាប់ជំនាញច្រៀងពិសេសរបស់នាង និងវត្តមាននៅលើឆាក។ ក្រោយមកទៀត នាងបានចេញចម្រៀងទោលជាផ្លូវការក្នុងឆ្នាំ ២០១៤ ជាមួយនឹងបទ “Beautiful” ដែលទទួលបានការពេញនិយម និងជាប់ចំណាត់ថ្នាក់លេខ ១៩ ក្នុងតារាងតន្ត្រីប្រចាំឆ្នាំនោះ។ Park Bo Ram បានបន្តសកម្មក្នុងវិស័យចម្រៀង ដោយបានចេញបទជាច្រើនរួមមានបទ “Celepretty” “Sorry” “Pretty Bae” “Dynamic Love” និងជាច្រើនទៀត៕