ជីវិតកម្សាន្ដ

លោក លៀក លីដា ស្នើសុំការចូលរួមសហការពីបណ្តាផលិតករខ្មែរ ដើម្បីវិស័យភាពយន្តជាតិ

បានផុស

៧ ខែ មុន

នៅ

ថ្ងៃសុក្រ ២៤ ឧសភា ២០២៤

ដោយ

លោក លៀក លីដា ប្រធានសមាគមផលិតករភាពយន្តខ្មែរ និងជាអ្នកដឹនាំសម្តែងល្បីឈ្មោះមួយរូប ថ្មីៗនេះបានចេញមុខស្នើសុំការចូលរួមសហការពីបណ្តាផលិតករខ្មែរមួយចំនួនដើម្បីជួយលើកស្ទួយឲ្យវិស័យភាពយន្តជាតិកាន់តែមានសន្ទុះទីផ្សារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផលិតករខ្មែរលោក លៀក លីដា បានលើកឡើងពីចំណុចសំខាន់របស់ខ្លួនថា លោកតែងព្យាយាមស្វែងរកគ្រប់មធ្យោបាយដើម្បីវិស័យភាពយន្តកម្ពុជា ការលើកលែងពន្យារពេលការបង់ពន្ធមួយចំនួនគឺ ជាកត្តាសំខាន់សម្រាប់អភិវឌ្ឍន៍វិស័យភាពយន្តកម្ពុជាដែលស្ថិតនៅក្នុងអន្តរកាលចាំបាច់ក្នុងការត្រូវការជួយពីរាជរដ្ឋាភិបាល។

លោក លៀក លីដា និយាយពន្យល់ថា“ការប្រឹងប្រែងនេះ មើលទៅវាហាក់បីដូចជាខ្ញុំប្រឹងតវ៉ាដើម្បីតែប្រយោជន៍របស់ខ្ញុំតែបុគ្គល តែតាមការពិតវាគឺ ជាការផ្ដល់នូវប្រយោជន៍យ៉ាងសំខាន់ដល់វិស័យទាំងមូលក៏ដូចជាផលិតករទូទៅនៅក្នុងប្រទេសទាំងអស់ ចុះហេតុអី្វបានផលិតករខ្មែរមួយចំនួនមិនសហការ បែរជាអង្គុយរង់ចាំតែប្រយោជន៍ និងគិតពីការឆ្លៀតឱកាសពីនាក់ដែលខំប្រឹងប្រែង”។

ប្រធានសមាគមផលិតករភាពយន្តខ្មែររូបនេះបានធ្វើការអំពាវនាវដល់បណ្តាផលិតករខ្មែរទាំងអស់ថា សូមចូលរួមជាមួយខ្ញុំដើម្បីជាសំឡេងតែមួយក្នុងការស្នើសុំដើម្បីវិស័យភាពយន្តជាតិរបស់យើង។ គេនៅចាំដែរថា លោក លៀក លីដា កន្លងមកលោកធ្លាប់បានបញ្ជាក់ថា បើចង់បានរឿងក្នុងស្រុកមានគុណភាពល្អទាល់តែអ្នកក្នុងស្រុកគាំទ្រច្រើន ក្នុងនោះលោក លៀក លីដា បានទទូចឲ្យមានការចូលរួមគាំទ្រ និងលើកកម្ពស់វិស័យភាពយន្តជាតិកាន់តែផុសផុល៕

អត្ថបទ៖ ចាន់រ៉ា