ផ្ទុះរឿងនារីម្នាក់រងការបំពាន! ឌីជេ ក្តិប លើកឡើង ៣ ចំណុច ជាសារដាស់តឿនជៀសវាងស្ដាយក្រោយ

ក្រោយ​ផ្ទុះរឿងរ៉ាវនារី​ម្នាក់ដ៏ភ្ញាក់ផ្អើលករណីត្រូវបានក្រុម Rappers ល្បីឈ្មោះ ២នាក់រួម​នឹងបក្សពួក​បៀតបៀនផ្លូវភេទ ខណៈ​ជនរង​គ្រោះ​មិនទាន់​ទទួលបានយុត្តិធម៌​ពេល​កំពុងក្លាយជា​​ប្រធានបទក្តៅនៅ​លើ​បណ្តាញ​សង្គម​លើកមកវែកញែក។

ដោយ​ឡែក ងាកមកចាប់អារម្មណ៍តារាច​ម្រៀងរ៉េបជើងចាស់ ឌីជេ ក្តិប  បាន​បញ្ចេញយោបល់​ផ្ទាល់​ខ្លួន​ចំនួន ៤ចំណុច​ដើម្បី​ជា​សារដាស់តឿនដល់នារីៗផងដែរ។ ឌីជេ ក្តិប បាន​បញ្ជាក់​ថា បងប្អូនកូន​ក្មួយស្រីៗ​ត្រូវ​ចាំ ថា ”បើមនុស្សគេមាន​បំណងមិនល្អចំពោះបងប្អូនកូន​ក្មួយហើយ” ទោះបីជាបងប្អូនកូនក្មួយ​ចេះផឹកត្រឹមតែទឹក​សុទ្ធក៏​ដោយ ក៏​ពួកគេអាចរំលោភបងប្អូនកូនក្មួយបានដែរ។

លោកនិយាយថា បញ្ហាទី១.គឺដោយសារថ្នាំសម្រើប​ផ្សាយ​លក់ពេញ fb(ហ្វេសប៊ុក) ។ ទី២.ហើយ​បើ​បង ប្អូនកូនក្មួយចេះផឹកទៀត គឺកាន់តែងាយពីព្រោះពួក គេនឹង​អាច​ដាក់(K)តែបន្តិចប៉ិនចុងក្រចកដៃគឺបងប្អូ នកូនក្មួយនឹងកាន់តែស្រវឹងធីងធោងរហូតសន្លប់​លែង​ដឹងអីក៏មាន។ ទី៣.កញ្ឆា ទឹក​សប្បាយ​ រួម​ និងគ្រឿងញៀនជាច្រើនភេទ​ណាស់ ដែល​អាចធ្វើ​ឲ្យស​តិអារម្មណ៍របស់បងប្អូនកូនក្មួយៗឆាប់​វង្វេង​វង្វាន់​ស្រើបស្រាល ឬបាត់បង់​ម្ចាស់​ការ​លើខ្លួនឯងបានគ្រប់ពល។

តារាចម្រៀងរ៉េប ឌីជេ ក្តិប បានបញ្ជាក់បន្ថែម​ថា ដូច្នេះសូម​ប្រុងប្រយ័ត្ន​ឲ្យបានខ្ពស់ពេលចេញ​ដើរហើរ​ទៅណាមកណា​កុំ​ញាំ​អី្វផ្ដេសផ្ដាស់​ដែលគេ​ចេះតែហុចឲ្យញាំ​ កុំផឹកអី្វផ្ដេសផ្ដាស់​ដែល​គេហុច​ឲ្យផឹក បើស្រលាញ់ និងគោរពខ្លួន(ជៀសវាង​ស្ដាយ​ក្រោយ)៕

អត្ថបទ​៖