ជីវិតកម្សាន្ដ

Diva Faye Wong លក់ផ្ទះល្វែងនៅហុងកុង តម្លៃ ៨.៣ លានដុល្លារ

បានផុស

៨ ខែ មុន

នៅ

ថ្ងៃចន្ទ ២៧ ឧសភា ២០២៤

ដោយ

តារាចម្រៀងប៉ុបហុងកុង Faye Wong ត្រូវបានគេរាយការណ៍ថា បានលក់លំនៅឋានរបស់នាងក្នុងតម្លៃ ៦៤.៥ លានដុល្លារហុងកុង (៨.២៦ លានដុល្លារ) ដោយរកបានប្រាក់ចំណេញជាង ១០ លានហុងកុង។

យោងតាម Sinchew បានបញ្ចាក់ថា Wong បានបញ្ចប់ការលក់ផ្ទះល្វែងរបស់នាងនៅក្នុងតំបន់ Aberdeen របស់ហុងកុងកាលពីចុងខែមេសា។ របាយការណ៍បង្ហាញថា ក្រៅពីអាផាតមិននេះ នាងមានទ្រព្យសម្បត្តិ ៥០០លានដុល្លារហុងកុង នៅក្នុងតំបន់លំនៅដ្ឋានកម្រិតមធ្យមរបស់ហុងកុង រួមជាមួយនឹងអចលនទ្រព្យជាច្រើនទៀត។

Wong ដែលបានចំណាយពេលភាគច្រើនក្នុងប៉ុន្មានឆ្នាំថ្មីៗនេះនៅទីក្រុងប៉េកាំង កម្រទៅលេងហុងកុងណាស់។ នាងរស់នៅក្នុងវីឡាលំដាប់ខ្ពស់មួយក្នុងសង្កាត់ Chaoyang ទីក្រុងប៉េកាំង ដែលមានតម្លៃជិត ៣០០ លានដុល្លារហុងកុង។

លើសពីនេះទៀត នាងមានអចលនទ្រព្យចំនួនបួនបន្ថែមទៀតនៅក្នុងទីក្រុងប៉េកាំង ដែលចំនួនបីនៅសង្កាត់ Chaoyang និងមួយនៅក្នុងស្រុក Shunyi ដែលនីមួយៗមានតម្លៃរាប់រយលានដុល្លារហុងកុង ដែលធ្វើឲ្យទ្រព្យសម្បត្តិសរុបរបស់នាងត្រូវបានគេប៉ាន់ស្មានថាមានតម្លៃជាច្រើនពាន់លានដុល្លារហុងកុង។

Wong អាយុ ៥៥ ឆ្នាំបានផ្លាស់ពីទីក្រុងប៉េកាំងទៅហុងកុងនៅពេលនាងមានអាយុ ១៨ ឆ្នាំ ហើយបានលេចធ្លោនៅដើមទសវត្សរ៍ឆ្នាំ១៩៩០ ជាមួយនឹងបទចម្រៀង Cantonese របស់នាង។ កេរ្តិ៍ឈ្មោះអន្តរជាតិរបស់នាងបានកើនឡើងជាមួយនឹងការបង្ហាញខ្លួនរបស់នាងនៅក្នុងខ្សែភាពយន្តដែលដឹកនាំដោយ Wong Kar-wai ជាពិសេស “Chungking Express” និង “២០៤៦” ។

តារាចម្រៀងរូបនេះបានរៀបការពីរដងហើយ។ អាពាហ៍ពិពាហ៍ដំបូងរបស់នាងគឺជាមួយតន្ត្រីករចិន Dou Wei ក្នុងឆ្នាំ ១៩៩៦ ប៉ុន្តែពួកគេបានចែកផ្លូវគ្នាបីឆ្នាំក្រោយមក។ អាពាហ៍ពិពាហ៍លើកទីពីររបស់នាងគឺជាមួយតារាសម្ដែងចិន Li Yapeng ឆ្នាំក្នុងឆ្នាំ ២០០៥ ហើយបញ្ចប់ដោយការលែងលះក្នុងឆ្នាំ ២០១៣។ ក្រោយមកនាងបានភ្ជាប់ទំនាក់ទំនងឡើងវិញជាមួយអតីតមិត្តប្រុសរបស់នាងគឺតារាសម្តែងហុងកុង Nicholas Tse អាយុ ៤៤ ឆ្នាំ៕