ជីវិតកម្សាន្ដ

ហុយ យ៉ាឡេង រំពឹងមានដៃគូសហការ ដើម្បីនាំភាពយន្តខ្មែរទៅកាន់ពិភពលោក

បានផុស

៤ ខែ មុន

នៅ

ថ្ងៃអង្គារ ២៨ ឧសភា ២០២៤

ដោយ

ផលិតករភាពយន្តរបស់ខ្មែរលោក ហុយ យ៉ាឡេង បានដាក់ក្តីរំពឹងថា ប្រសិនបើមានដៃគូរសហការក្នុងការចូលរួមឧបត្ថម្ភទុនខ្ទង់រាប់សែនដុល្លារដើម្បីផលិតកុនខ្មែរនោះគឺលោកសន្យានឹងធ្វើឲ្យល្បីល្បាញពាក់កណ្តាលពិភពលោកតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់ផលិតកររឿង “ដើម្បីកូន” លោក ហ៊ុយ យ៉ាឡេង នាពេលនេះដោយលោកមើលឃើញថា វិស័យចម្រៀងកំពុងរីកចម្រើនខ្លាំង ខណៈដែល MV ១បទត្រឹមតែ ៥នាទីគឺ គេហ៊ានចាយលុយរហូតដល់ ៣០ម៉ឺនដុល្លារដោយក្នុងនោះក៏មានបណ្តាក្រុមហ៊ុនធំៗហ៊ានចាយលុយឧបត្ថម្ភទៀតផង។

លោក ហ៊ុយ យ៉ាឡេង បាននិយាយថា «សូមអបអរសាទរដែលវិស័យចម្រៀងកំពុងរីកចម្រើនខ្លាំងដែល MV ១បទ ៥នាទី គេហ៊ានចាយដល់ ៣០ម៉ឺនដុល្លារក្រុមហ៊ុនធំៗហ៊ានចាយលុយឧបត្ថម្ភដោយក្តីរីករាយនៅឡើយតែវិស័យភាពយន្តដែលខ្មែរតែងតែហៅតាមបារាំងថា ពួកថតកុនចាយទុនត្រឹមតែ ៥ម៉ឺន ទៅ ៧ម៉ឺនដុល្លារសោះហាក់ដូចនៅកំសត់មិនសូវមានអ្នកជួយជ្រង»។

ផលិតករ ហ៊ុយ យ៉ាឡេង និយាយទៀតថា «បើមានអ្នកជួយឲ្យ ៣០ម៉ឺនដុល្លារដូចគេយកមកថតកុនវិញសុំលេងឲ្យអស់ដៃហើយបើមិនបានល្បីមួយពិភពលោកក៏បានល្បីពាក់កណ្តាលពិភពលោកដែរ តែនេះនៅគ្រាន់តែជាការស្រមៃនៅឡើយទេ សង្ឃឹមមានអ្នកចិត្តបុណ្យជួយបំពេញក្តីស្រមៃនេះដើម្បីនាំភាពយន្តខ្មែរទៅកាន់ពិភពលោក»។

បន្ថែមពីនេះផលិតករលោក ហ៊ុយ យ៉ាងឡេង លើក ឡើងដែរថា «ឈប់ហៅពួកខ្ញុំថា ពួកថតកុនទៅកុំឲ្យចេះតែកុនទៅកុនទៅដូចមាត់សូមហៅថាអ្នកភាពយន្ត អង់គ្លេសគេហៅថា Film Maker។ ជាការពិតលោក ហ៊ុយ យ៉ា ឡេង ផលិករភាពយន្ត និងជាអ្នកដឹកនាំសម្តែងកត់សម្គាល់កន្លងមកលោកតែងលេចមុខខ្នះខ្នែងក្នុងការចូលរួមលើកស្ទួយវិស័យភាពខ្មែរតាមរយៈការផលិត និងផ្សព្វផ្សាយទៅកាន់ឆាក់អន្តរជាតិជាដើម។

ជាមួយគ្នានោះ លោក ហ៊ុយ យ៉ាឡេង ជារឿយៗក៏តែងបង្ហាញឆន្ទៈមិនបោះបង់ចោលក្តីស្រមៃរបស់ខ្លួនក្នុងការនាំភាពយន្តខ្មែរទៅកាន់ឆាកអន្តរជាតិក៏ដូចជាការគៀងគរផលិតករ ឬក្រុមហ៊ុនបរទេសចូលមកសហការផលិត និងថតភាពយន្តនៅក្នុងស្រុកផងដែរ៕

អត្ថបទ៖ ចាន់រ៉ា

Related Topics:ផលិតករភាពយន្ត