ជីវិតកម្សាន្ដ

តារាប្រុស ៥ រូប គ្រងតំណែងជាបុរសសង្ហាបំផុតលើលោក ក្នុងឆ្នាំ ២០២៤

បានផុស

១០ ខែ មុន

នៅ

ថ្ងៃអង្គារ ២៨ ឧសភា ២០២៤

ដោយ

និយមន័យនៃភាពស្រស់សង្ហានៅតែបន្តវិវឌ្ឍ ទាក់ទាញបេះដូង និងការស្រមើស្រមៃរបស់មនុស្សជុំវិញពិភពលោក។ ប៉ុន្តែអ្វីដែលធ្វើឲ្យបុរសពិតជាសង្ហា? យោងតាមការសិក្សាចុងក្រោយនៃឆ្នាំ ២០២៤ ខាងក្រោមនេះគឺជាបញ្ជីឈ្មោះបុរសសង្ហាបំផុតទាំង១០ក្នុងពិភពលោកដែលមានឈ្មោះខាងក្រោមត្រូវបានមនុស្សទូទាំងពិភពលោកស្គាល់យ៉ាងច្បាស់ ចំពោះរូបរាងដ៏ទាក់ទាញ និងសមត្ថភាពគួបផ្សំ។

១ Kim Taehyung (V)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Kim Taehyung ដែលត្រូវបានគេស្គាល់ជាទូទៅថា V គឺជាឥស្សរជនដ៏មានឥទ្ធិពលនៅក្នុងឧស្សាហកម្មតន្ត្រីពិភពលោក។ គាត់ត្រូវបានគេស្គាល់ដោយសារតួនាទី ក្នុងនាមជាសមាជិកនៃក្រុមក្មេងប្រុសកូរ៉េខាងត្បូង BTS ។

V ជារឿយៗត្រូវបានរំលេចដោយរូបភាពដ៏ទាក់ទាញ ហើយជាញឹកញាប់ត្រូវបានគេចាត់ចំណាត់ថ្នាក់ថាជាសង្ហាបំផុតជាច្រើនដង។ ស្ទីលប្លែក និងសកម្មភាពរស់រវើករបស់គាត់ បានបន្ថែមពណ៌ដល់បទចម្រៀងរបស់ BTS ដែលធ្វើឲ្យពួកគេមានលក្ខណៈពិសេសសម្រាប់ក្រុម។ ម៉ូដរបស់គាត់ក៏ត្រូវបានគេកោតសរសើរយ៉ាងទូលំទូលាយផងដែរ។ ពួកគេត្រូវបានគេមើលឃើញជាញឹកញាប់ថាជានិន្នាការទាំងក្នុងឧស្សាហកម្ម K-pop និងពិភពម៉ូដសកល។

២ Robert Pattinson

Robert Pattinson តារាសម្តែងវ័យក្មេងមកពីចក្រភពអង់គ្លេស ដែលល្បីល្បាញទូទាំងពិភពលោក ជាពិសេសសម្រាប់តួនាទីរបស់គាត់នៅក្នុងរឿង Twilight និង The Batman ។ បុរសសង្ហារូបនេះមានថ្គាមពិសេស និងរូបរាងល្អឥតខ្ចោះ តាមទ្រឹស្តី នៅពេលវាស់សមាមាត្រមាស លោក Robert Pattinson ទទួលបានពិន្ទុមិនគួរឲ្យជឿ ដល់ទៅ៩២.១៥ ភាគរយ លើសតារាល្បីផ្សេងទៀត។

៣ David Beckham

អតីតកីឡាករបាល់ទាត់អាជីព រូបតំណាងម៉ូដ និងជាម្ចាស់ក្លឹបបាល់ទាត់ Inter Miami មានភាពល្បីល្បាញទូទាំងពិភពលោកសម្រាប់អាជីពបាល់ទាត់ដ៏លេចធ្លោរបស់គាត់។ ជាពិសេសក្នុងអំឡុងពេលដែលគាត់នៅជាមួយ Manchester United និង Real Madrid គាត់ក៏ត្រូវបានគេទទួលស្គាល់ថាមានស្ទីលនៃម៉ូដដ៏អស្ចារ្យផ្ទាល់ខ្លួនថែមទៀតផង។ ជារឿយៗពួកគេបង្ហាញខ្លួននៅក្នុងយុទ្ធនាការម៉ូដផ្សេងៗ។

តាមរយៈទឹកមុខ និងភ្នែកដ៏ប្លែករបស់ Beckham ធ្វើឲ្យគាត់សង្ហាជាងគេ។ នេះរួមផ្សំនឹងរូបរាងដ៏រឹងមាំរបស់គាត់ រួមចំណែកដល់ភាពទាក់ទាញ ជារឿយៗវាត្រូវបានគេមើលឃើញថាជានិមិត្តសញ្ញានៃសុខភាពនិងភាពរឹងមាំ។

៤ Henry Cavill

តារាសម្ដែងវ័យក្មេងដែលទទួលស្គាល់ជាអន្តរជាតិ ត្រូវបានគេស្គាល់សម្រាប់តួនាទីរបស់គាត់ជា Superman នៅក្នុង DC Extended Universe ។

Henry មានការរួមផ្សំដ៏កម្រនៃភាពទាក់ទាញ និងបុគ្គលិកលក្ខណៈសុភាព រួមផ្សំជាមួយនឹងមុខដែលមានថ្គាមដ៏គួរឲ្យទាក់ទាញ និងថ្ពាល់ដែលលេចចេញជាចំណុចលេចធ្លោនៃភាពស្រស់ស្អាតរបស់គាត់។ នេះធ្វើឲ្យគាត់មានភាពទាក់ទាញ និងលេចធ្លោខ្លាំងបំផុត។

៥ Hrithik Roshan

តារាសម្តែងបូលីវូដដ៏ល្បីល្បាញ ត្រូវបានគេស្គាល់ដោយសារតួនាទីរបស់គាត់នៅក្នុង “Kaho Naa” Pyaar Hai, “War” និង “Jodhaa Akbar” លោកត្រូវបានគេចាត់ទុកថាជាតារាសម្តែងហូលីវូដសង្ហាបំផុត។ មិនត្រឹមប៉ុណ្ណឹងនោះទេ លោកនៅមានភ្នែកពណ៌ខៀវ ច្រមុះតូច និងកម្ពស់លេចធ្លោជាងគេថែមទៀត។ Hrithik ត្រូវបានគេស្គាល់ថាជាព្រះក្រិកនៃប្រទេសឥណ្ឌា ដោយសារតែរាងកាយសាច់ដុំរបស់គាត់ និងមានថ្គាមរឹងមាំក្នុងនាមជាបុរសសង្ហា៕

អត្ថបទ៖ សាង ស្រីល័ក្ខ

ចុចអាន៖ប្រទេសទាំង ១៦ ល្បីថា សំបូរបុរសសិចស៊ី និងទាក់ទាញស្រីៗទូទាំងពិភពលោក