ជីវិតកម្សាន្ដ

ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ

បានផុស

៨ ខែ មុន

នៅ

ថ្ងៃអង្គារ ២៨ ឧសភា ២០២៤

ដោយ

លោក បាន សំណាង ហៅ ពូ ណុយ ដែលជាតារាកំប្លែងស្ងួតកំពុងតែល្បីក្នុងបណ្ដាញសង្គមហ្វេសប៊ុក និងTikTok មានការចាប់អារម្មណ៍ភ្ញាក់ផ្អើលគ្រប់គ្នា ខណៈមានដំណឹងថា លោក និងពិធីការិនី យ៉ែម ស្រីពេជ្រ ត្រៀមដឹកដៃគ្នាចូលរោងការនាថ្ងៃទី០៧ ខែមិថុនា ឆាប់ៗខាង មុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងដ៏ភ្ញាក់ផ្អើលនេះត្រូវបានអ្នកសិល្បៈរួមអាជីពកំពុងបង្ហោះចែកចាយជាហូរហែនៅលើបណ្ដាញសង្គមបន្ទាប់ពីពួកគេទទួលបានសំបុត្រអញ្ជើញចូលរួមពិធីអាពាហ៍ពិពាហ៍របស់តារាកំប្លែង ពូ ណុយ ដែលកូនក្រមុំត្រូវបានគេដឹងថា ជាតារាសម្តែង និងពិធីការិនី កញ្ញា យ៉ែម ស្រីពេជ្រ។ យ៉ាងណាមិញ អ្នកទាំងពីរក៏ជាដៃគូរធ្វើការជាមួយគ្នានៅក្នុងកម្មវិធីរបស់ទូរទស្សន៍ក្នុងស្រុក ១ផងដែរ។

នៅលើគណនីហ្វេសប៊ុកតារាប្រុសលោក យ៉ារ៉ូ បានបង្ហោះខ្លឹមសារចូលរួមអបអរថា «ចាំថ្ងៃនេះយូរហើយមិនហ៊ាននិយាយទុកឱ្យម្ចាស់គេជាអ្នកបង្ហាញធ្វើការ កម្មវិធីអ្នកជិតខាងជាមួយគ្នាយូរមានចិត្តលើគ្នា។ ចូលរួមអបអរសាទរថ្ងៃពិសេសប្អូនស្រី យ៉ែម ស្រីពេជ្រ និង ពូ ណុយ ជួបគ្នាថ្ងៃទី៧ ណា »។

ចំណែកពិធីកររូបសង្ហា វីជេ អាឡាស្កូ បានបញ្ជាក់ដែរថា «ចុម ពូ ណុយ និង យ៉ែម ស្រីពេជ្រ រៀបការ? អ៊ីចឹងតើបានជាមីអូនចង់ផឹកកាហ្វេរ វាចង់ជូនធៀបការ ហ្នឹង Yem Srey Pich»។ ជាមួយគ្នានេះក៏មានសិល្បករ- សិល្បការិនី មួយចំនួនទៀតបានបង្ហោះសំបុត្រអញ្ជើញភ្ជាប់នឹងសារចូលរួមអបអរហើយជូនពរដល់តារាកំប្លែង ពូ ណុយ និង យ៉ែម ស្រីពេជ្រ ផងដែរ។

ទោះបីបែបនេះ ក៏ពិតមែនក៏មានទស្សនិកជនខ្លះទៀតបានមានមន្ទិលសង្ស័យថា តើនេះជាការពិត ឬមួយយ៉ាងណា ខណៈពិធីមង្គលការនេះបែរជារៀបចំធ្វើឡើងនៅក្នុងបរិវេទស្ថានីទូរទស្សន៍មួយពោល គឺផ្ទុយស្រឡះពីអ្នកសិល្បៈដទៃទៀតដែលពួកគេជ្រើសរើសកន្លែងផ្សេងៗគ្នា?៕

អត្ថបទ៖ ចាន់រ៉ា