ជីវិតកម្សាន្ដ

នី មុន្នីនាថ ប្រកាសស្វែងរកការបរិច្ចាគឈាមជួយសង្គ្រោះបុរសវ័យចំណាស់ម្នាក់

បានផុស

៧ ខែ មុន

នៅ

ថ្ងៃពុធ ២៩ ឧសភា ២០២៤

ដោយ

តារាសម្តែង និងជាប្រធានមូលនិធិផ្តល់ឈាមកញ្ញា នី មុន្នីនាថ បានធ្វើការអំពាវនាវដល់សប្បុរសជនមេត្តាចូលរួមបរិច្ចាគឈាមជួយសង្គ្រោះបុរសវ័យចំណាស់ម្នាក់ផង ខណៈពេលនេះកំពុងត្រូវការបន្ទាន់នូវឈាមចំនួន ៥ប្លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់តារាសម្ដែងទឹកភ្នែក នី មុន្នីនាថ ជាបន្តបន្ទាប់គេតែងតែឃើញនាងបង្ហាញសារចូលរួមបំផុសស្មារតីដល់ប្រជាពលរដ្ឋខ្មែរ និងសិល្បករ-សិល្បការិនី ក្នុងកិច្ចការងារសង្គមដូចជាការចូលរួមបរិច្ចាគឈាមជួយសង្គ្រោះអាយុជីវិតអ្នកដែលត្រូវការឈាមបន្ទាន់, ផ្សព្វផ្សាយការអប់រំផ្សេងៗជាដើម។

តួយ៉ាងតារាស្រី នី មុន្នីនាថ បានប្រកាសស្វែងរកការបរិច្ចាគឈាមដូច្នេះថា «ជំរាបសួរពុកម៉ែបងប្អូន អ្នកជំងឺត្រូវការឈាមបន្ទន់ឥឡូវនេះដោយសារឈាមហូរជ្រាបតាមក្រពេះ និងខ្វះឈាមធ្ងន់ធ្ងរច្រើនបញ្ហាដែលពេទ្យតម្រូវឲ្យបញ្ចូលឈាមជាបន្ទាន់។ ត្រូវការឈាមចូលវះកាត់បន្ទាន់ចំនួន ៥ប្លោកអ្នកជំងឺ ត្រូវជាឪពុករបស់ប្អូនស្រី ឈ្មោះ អេនី»។

តារាសម្តែង នី មុន្នីនាថ បានបន្ថែមទៀតថា «អ្នកជំងឺគាត់ឈ្មោះ ជា គឹម ឆែម ភេទប្រុស អាយុ ៦៧ឆ្នាំ ឥឡូវនេះគាត់កំពុងនៅមន្ទីរពេទ្យមិត្តភាពកម្ពុជាចិនត្បូងឃ្មុំ»។

សូមបញ្ជាក់ថា កញ្ញា នី មុន្នីនាថ កន្លងមកត្រូវបានគេស្គាល់ថា នាងក្តោបក្តាប់បានឱកាសសម្តែងតួឯកស្ទើគ្រប់រឿងនៅក្នុងវិស័យភាពយន្តរបស់ខ្មែរ។ មិនតែប៉ុណ្ណោះនាងក៏ត្រូវបានទស្សនិកជនសរសើរតាមរយៈសកម្មភាពការងារសង្គម និងជាប្រធានមូលនិធិផ្តល់ឈាមផងដែរ៕

អត្ថបទ៖ ចាន់រ៉ា