ជីវិតកម្សាន្ដ

អ៊ីវ៉ា បំផុសចូលរួមយុទ្ធនាការមូលនិធិ ១ ម៉ឺនរៀល ដើម្បីកុមារកម្ពុជា

បានផុស

៨ ខែ មុន

នៅ

ថ្ងៃពុធ ២៩ ឧសភា ២០២៤

ដោយ

តារាចម្រៀងស្រីរូបស្រស់កញ្ញា ឃីន ស្រីនាថ ហៅ អ៊ីវ៉ា បានចេញមកបំផុសមហាជន និងអ្នកគាំទ្រក្នុងសកម្មភាពមនុស្សធម៌ចូលរួមយុទ្ធនាការមូនិធិ ១ម៉ឺនរៀលដើម្បីជួយដល់កុមារកម្ពុជា។ នាងក៏ចាត់ទុកថា ការជួយចែករំលែករបស់ទាំងអស់គ្នាគឺដើម្បីកុមារកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានៃការអំពាវនាវនេះតារាចម្រៀងមានដើមកំណើតមកពីដឹកដីខេត្តកំពង់ស្ពឺ កញ្ញា អ៊ីវ៉ា បានបញ្ជាក់ថា សម្រាប់នាងបានចូលរួមបរិច្ចាគរួចរាល់ហើយមិនតែប៉ុណ្ណោះ នាងក៏បានបរិ ឮច្ចាគថវិការផ្ទាល់ខ្លួនមួយចំនួនទៀងផងដែរដើម្បីជួស(ចេញជំនួស)ក្រុមការងារជិត ៤០នាក់។

តារាចម្រៀង អ៊ីវ៉ា បានបញ្ជាក់ឲ្យដឹងបន្ថែមថា “តោះចូលរួមយុទ្ធនាការមូនិធិ ១ម៉ឺនរៀល ១ម៉ឺននាក់ដើម្បីកុមារកម្ពុជា ហើយនាងខ្ញុំសូមចូលរួម ១ម៉ឺនរៀល និងចូលរមជួសក្រុមការងារបុគ្គលិកនាងខ្ញុំចំនួន ៣៩នាក់ផងដែរ“។

ទង្វើរនេះត្រូវបានទស្សនិកជន និងអ្នកប្រើប្រា ឮស់បណ្តាញសង្គមហ្វេសប៊ុកចាត់ទុកថា ជាសកម្មភាពមនុស្សធម៌ដ៏គំរូល្អមួយក្នុងការងារចូលរួមចំណែកជួយដល់សង្គមពិសេសគឺកុមារកម្ពុជា។

តាមរយៈនេះ អ៊ីវ៉ាក៏ត្រូវបានអ្នកនិយមលេងបណ្តាញសង្គមហ្វេសប៊ុកជាច្រើនបានដាក់ក្តីរំពឹងថា នាងនឹងបន្តធ្វើសកម្មភាពមនុស្សធម៌នេះបន្ថែមទៀតដើម្បីក្លាយជាតារាគំរូល្អដល់តារាប្រុស-ស្រី ដទៃទៀតដែលគួតែឆ្លៀតឱកាស ឬពេលវេលាផ្ទាល់ខ្លួនរួមចំណែកការងារសង្គមតាមរយៈការចូលរួមយុទ្ធនាការមូនិធិ ១ម៉ឺន រៀលដើម្បីកុមារកម្ពុជា៕

អត្ថបទ៖ ចាន់រ៉ា