ជីវិតកម្សាន្ដ

យក់ ឋិតរដ្ឋា គិតមិនយល់ពេលនារីម្នាក់រិះគន់ MV “ទេវរាជ“មិនអាចជួយខ្មែរខ្វះខាត

បានផុស

៨ ខែ មុន

នៅ

ថ្ងៃពុធ ២៩ ឧសភា ២០២៤

ដោយ

ស្របពេលដែលមានទស្សនិកជន និងអ្នកគាំទ្រជាច្រើនបង្ហាញការសារទរព្រមជួយមួយការកោតសរសើរ MV បទ “ទេវរាជ“ ដែលទើបត្រូវបានសម្ពោធផ្លូវការនាពេលថ្មីៗនេះ ក៏ស្រាប់តែមាននារីម្នាក់បានបញ្ចេញគំនិតថាចម្រៀងនេះមិនអាចជួយដល់ខ្មែរដែលខ្វះខាតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់គណនីហ្វេសប៊ុកឈ្មោះ Ly Phanny បាននិយាយថា «ខ្ញុំយល់ថា ចម្រៀងហ្នឹងជួយវប្បធម៌ខ្មែរតែចម្រៀងហ្នឹងមិនអាចជួយដល់ខ្មែរដែលខ្វះខាតនោះទេ»។ ការបញ្ចេញមតិបែបនេះបានធ្វើឲ្យមហាជនមួយចំនួនសម្តែងការហួសចិត្តខណៈខ្លះទៀតហាក់អស់សំណើចចំពោះការលើកឡើងនេះផងដែរ។

ដោយឡែកតារាចម្រៀងចាស់វស្សាអ្នកនាង យក់ ឋិតរដ្ឋា បាននិយាយថា «មែនតាស់! គិតមិនយល់ឆ្ងល់មិនកើតដល់ពេលគាត់ comment អ៊ីចឹងបងប្អូនអើយ ! គាត់ខំបង្កើតបទចម្រៀងដើម្បីលើកស្ទួយវប្បធម៌ទាំងចំណាយទាំងលុយព្រមទាំងចំណាយកម្លាំងកាយនឹងចិត្តហើយសូមជួយលើកទឹកចិត្តដោយផ្តល់តម្លៃ និងក្តីស្រលាញ់ឲ្យពួកគាត់តែបន្តិចក៏ពួកគាត់អស់ចិត្តដែរ»។

តារាស្រីអ្នកនាង យក់ ឋិតរដ្ឋា បានបន្ថែមថា «ពួកយើង ជាប្រជាជនខ្មែរនឹងមានឈាមជ័រខ្មែររស់នៅលើទឹកដ៏ល្អស្រស់ស្អាតផូរផង់មួយនេះទាំងអស់គ្នណាបងប្អូន។ ចំណែកស្វាមីរបស់នាងគឺលោក ឃុំ ប៉ុណ្ណាដែត ក៏បានបញ្ចេញមតិហួសចិត្តចំពោះការលើកឡើងរបស់ម្ចាស់គណនីហ្វេសប៊ុករូបនេះផងដែរ។

លោក ឃុំ ប៉ុណ្ណាដែត បាននិយាយថា «តើចម្រៀងបទណាដែលនៅលើលោកនេះអាចជួយឱ្យខ្មែរឈប់ក្រីក្របាន សូមប្អូនបង្ហាញក្រែងបងចេះមិនដល់?។ តើប្អូនយល់ពីសិល្បៈចម្រៀងទេ?បើមានពិតមែន គឺពិតជាអស្ចារ្យណាស់សម្រាប់ប្រជាជនលើលោកប្អូនដូចខ្វះពាក្យសរសេរហើយ។ ទោះបីយ៉ាងណាក៏មានខ្លះនិយាយដែរថា ការលើកឡើងរបស់នារីខាងលើជារឿងចង់អស់សំណើចទៀតផង៕

អត្ថបទ៖ ចាន់រ៉ា