ជីវិតកម្សាន្ដ

ខាត់ សុឃីម ចង់បង្កើតសារមន្ទីរគ្រួសារថែរក្សាសំលៀកបំពាក់ និងឧបករណ៍ភ្លេងបុរាណខ្មែរ

បានផុស

៩ ខែ មុន

នៅ

ថ្ងៃព្រហស្បតិ៍ ៣០ ឧសភា ២០២៤

ដោយ

តារាស្រីពហុ ជំនាញអ្នកនាង ខាង់ សុឃីម កាន់តែធ្វើឲ្យអ្នកគាំទ្រមានការចាប់អារម្មណ៍ថែមទៀត ខណៈនាងបានបង្ហើបពីគោលបំណងរបស់ខ្លួនមួយទៀតគឺ ការបង្កើតសារមន្ទីគ្រួសារដើម្បី ថែរក្សាសំលៀកបំពាក់ និងឧបករណ៍ភ្លេងបុរាណខ្មែរត្រកូល “ខាត់” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ហើបពីគោលបំណងរបស់តារាស្រីសម្ដីចាក់ទឹកមិនលិចអ្នកនាង ខាត់ សុឃីម នាពេលនេះគេឃើញមានមហាជនមួយចំនួនបានបង្ហាញការគាំទ្រ ខណៈមានមួយចំនួនទៀតរំពឹងថា ខាត់ សុឃីម នឹងអាចបង្កើតឲ្យលេចចេញជារូបរាងនាពេលអនាគតឆាប់ៗខាងមុខនេះ។

អ្នកនាង ខាត់ សុឃីម បានបញ្ជាក់ពីឆន្ទៈរបស់ខ្លួនថា «សង្ឃឹមថា ខ្ញុំនឹងអាចមានសារមន្ទីរគ្រួសារដែលអាចរក្សានូវសំលៀកបំពាក់ និងឧបករណ៍ភ្លេងបុរាណ ទុកសម្រាប់កូនក្មួយចៅៗបានយល់ពីសមិទ្ធផលរបស់គ្រួសារយើង។ ក្នុងនោះក៏មានការជំរុញលើកទឹកចិត្តពីសំណាក់អ្នកគាំទ្រមួយចំនួនផងដែរ។

ដោយឡែកគេចាំបានដែរថា កន្លងទៅតារាស្រីពហុ ជំនាញអ្នកនាង ខាត់ សុឃីម បានដាក់ក្តីរំពឹងថា ថ្ងៃណាមួយនាងនឹងអាចមានសមត្ថភាពដើម្បីបើកសាលាបណ្ដុះបណ្ដាលសាលាបង្រៀន ឧបករណ៍ភ្លេងបុរាណខ្មែរដល់ក្មេងជំនាន់ក្រោយៗដែលជាអ្នកបន្តវេនអ្នកជំនាន់មុន។

ស្របពេលជាមួយគ្នានៃការដាក់ក្តីរំពឹងរបស់តារាស្រីល្បីឈ្មោះអ្នកនាង ខាត់ សុឃីម ដែលមានបំណងចង់បើកសាលាបង្រៀនឧបករណ៍ភ្លេងបុរាណខ្មែរ នាងក៏បានទទូចចង់ឃើញក្មេងៗជំនាន់ក្រោយមានឆន្ទៈក្នុងការហាត់រៀនភ្លេងចម្រៀងបុរាណ និងស្គាល់ឧបករណ៍ខ្មែរហោចណាស់ក៏បានម្នាក់ ១ដែរ ព្រោះនោះជាការថែរក្សាទុកបន្តដល់កូនចៅ៕

អត្ថបទ៖ ចាន់រ៉ា