តារាថៃ Chakrit ត្រូវទស្សនិកជ​នសរសើរថា ស័ក្តិសមនឹងម៉ូដ​សក់​​គ្រប់រឿង​ដែលសម្ដែង

ជាមួយនឹងរូបរាងចុងក្រោយសម្ដែងក្នុងរឿង “សង្គ្រាមអាពាហ៍ពិពាហ៍” របស់តារាសម្តែង​ប្រុស Chakrit Yamnam ក្នុងរូបរាងអ្នកទោសសក់ច្រឹប បាន​ធ្វើ​ឲ្យអ្នក​លេង​អ៊ីនធឺណិត​ស្រឡាំងកាំង រហូតបើកកកាយម៉ូដ​សក់​ក្នុង​រឿង​ភាគកន្លង​មករបស់លោក ដោយលើកសរសើរថា ស័ក្តិសមនឹងម៉ូដ​សក់​​គ្រប់រឿងគ្មានទាស់នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនថាតួនាទីអ្វីនោះទេ តារាសម្តែងប្រុសវ័យ៤៥រូបនេះ មិនធ្លាប់ធ្វើឲ្យទស្សនិកជនមានការខកចិត្តឡើយ។ ទោះបីជាលោកត្រូវគេតម្រូវឲ្យផ្លាស់ប្តូររូបរាងជាតួអង្គបែបណាក៏ដោយ​ ក៏លោកមិន​ដែល​ខ្លាចនឹងសម្ដែងដែរ។ ជាពិសេសតាមរយៈរឿងភាគកំពុងតែចាក់បញ្ចាំងក្នុងប្រទេសថៃកាលពីថ្ងៃទី២៨ ខែឧសភា ក្រោមចំណងជើងថា”សង្គ្រាមអាពាហ៍ពិពាហ៍” ក្នុងវគ្គទី២០ ធ្វើឲ្យអ្នកនិលេងអ៊ីនធឺណែតជាច្រើនមានការភ្ញាក់ផ្អើល ចំពោះរូបរាងថ្មីស្រឡាងរបស់ Chakrit យ៉ាងភ្លូកទឹកភ្លូកដី។

ទន្ទឹមនោះដែរ ក៏មានអ្នកលេងអ៊ីនធឺណែតជាច្រើនបានចែករំលែករូបភាពពីរឿងភាគមុនៗរបស់លោក ដែលធ្លាប់សម្ដែងកន្លងមក។ ក្នុងនោះ Chakrit បានផ្លាស់ប្តូររូបរាងជាច្រើនមិនថាស្គម សក់ទំពែក, សក់ខ្លី, សក់វែងឬតុបតែងខ្លួនបែបមនុស្សស្រីនោះទេ លោកសក្តិសមបំផុតសឹងតែអាចដើរតួច្រើនក្នុងពេលកតែមួយបាន។

សូមជម្រាបជូនដែរថា Chakrit Yamnam គឺជាតារាសម្ដែងរៀមច្បងដែលសាងកេរ្តីឈ្មោះជាយូរណាស់មកហើយ តាមរយៈស្នាដៃក្នុងភាពយន្តថៃជាច្រើន។ ជាពិសេស លោកទើបតែបញ្ចប់រឿងភាគបុរាណមួយដោយដើរជា ឈុនឆាង លោកល្បីល្បាញដោយសារតែពូកែសម្ដែង និងការតុបតែងម៉ូដសក់សក្តិសមគ្មានកន្លែងទាស់ឡើយ៕

អត្ថបទ៖ សាង ស្រីល័ក្ខ

ចុចអាន៖ទោះមានស្វាមីជាមហាសេដ្ឋី តែ Pu Praya នៅតែសស្រាក់សស្រាំធ្វើការគ្មានថ្ងៃឈប់សម្រាក