ជីវិតកម្សាន្ដ

ក្រោយបញ្ចេញស្នាមសាក់លើដងខ្លួន Han So Hee ត្រូវគេរិះគន់កប់ៗមាត់

បានផុស

៩ ខែ មុន

នៅ

ថ្ងៃសុក្រ ៣១ ឧសភា ២០២៤

ដោយ

កាលពីថ្ងៃទី ២៩ ខែឧសភា Han So Hee បានចូលរួមក្នុងព្រឹត្តិការណ៍បង្ហាញម៉ូដរបស់ Dior ដែលប្រារព្ធឡើងនៅទីក្រុង Seongsudong ទីក្រុងសេអ៊ូល តារាស្រីរូបនេះមើលទៅគួរឲ្យភ្ញាក់ផ្អើលក្នុងសម្លៀកបំពាក់ពណ៌បៃតងទឹកសមុទ្រពី Dior’s Dioliviera collection ដែលនាងបានរចនាដោយ Maria Grazia Chiuri ជានាយកច្នៃប្រឌិត។

ទោះបីជានាងមើលទៅឆើតឆាយក៏ដោយ ប៉ុន្តែអ្នកលេងអ៊ីនធឺណិតបានសម្ដែងការមិនពេញចិត្តចំពោះស្នាមសាក់លើដងខ្លួន ជាមួយនឹងការលើកឡើងជាច្រើនថា រូបសាក់របស់នាងធ្វើឲ្យនាងមើលទៅដូចមនុស្សគ្មានតម្លៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះទៀតសោត ស្នាមសាក់របស់នាងបានបង្កឲ្យមានការរិះគន់នៅក្នុងសហគមន៍អនឡាញ ដែលគ្របដណ្តប់លើរូបរាងដ៏ស្រស់ស្អាតរបស់នាងនៅក្នុងព្រឹត្តិការណ៍នេះ។ អ្នកលេងអ៊ីនធឺណិតបានប្រកែកថា ស្នាមសាក់នេះប៉ះពាល់នឹងរូបភាពទំនើប និងជានារីរបស់ Dior ដែលបង្ហាញថា ពួកគេបានបង្វែរអារម្មណ៍ពីភាពឆើតឆាយរួមនៃសម្លៀកបំពាក់របស់នាង។

តាមរយៈរូបភាពដែលនាងបញ្ចេញក្នុងព្រឹត្តិការណ៍ Dior បានបង្កឲ្យភាពចម្រូងចម្រាស់កាន់តែខ្លាំងឡើងៗ ជាពិសេសអ្នកលេងអ៉ិនធើណេតកូរ៉េជាច្រើនបង្ហាញការមិនពេញចិត្តក្នុងមតិរៀងៗខ្លួនថា “ការចាក់សាក់មើលទៅដូចជាមនុស្សគ្មានតម្លៃជានារី នាងស្អាតហើយ ប៉ុន្តែស្នាមសាក់នោះមិនសមនឹងយីហោ Dior ទេ”។ ក្នុងនាមជាទូតសុឆន្ទៈឲ្យប្រេនលំដាប់ខ្ពស់នាងគួរណាស់តែគោរពនិងមានសីលមធ៌។ គេមិនប្រកាន់ទេចំពោះការចាក់សាក់ ប៉ុន្តែអតិថិជនគេអត់ពេញចិត្តហើយអាចលែងប្រើ Dior ទៀតផង។

គួរបញ្ជាក់ដែរថា Han So Hee ត្រូវបានគេស្គាល់ថា ជាតារាស្រីមានសម្រស់គួរឲ្យទាក់ទាញ និងជំនាញសម្ដែងដែលមានភាពប៉ិនប្រសប់ តែងតែទាក់ទាញចំណាប់អារម្មណ៍អ្នកគាំទ្រ ជាមួយរូបរាង និង Style តែងខ្លួនរបស់នាង។ ប៉ុន្តែ ចាប់តាំងពីមានបញ្ហានៃទំនាក់ទំនងស្នេហាត្រីកោណមក តារាស្រីរូបនេះរងការរិះគន់មិនឈប់ឡើយ សូម្បីស្នាមសាក់របស់នាង ក៏ធ្វើឲ្យមានការរិះគន់នៅលើបណ្តាញអ៊ីនធើណែតមិនឈប់ឈរផងដែរ៕