ជីវិតកម្សាន្ដ

គេរិះគន់បំផ្លាញវប្បធម៌ ឯម រៀម ឆ្លើយតបថា អ្នកដៀលប្រមាថខ្លះ រកតែកងជើងអប្សរាម្ខាងដាក់តាំងផ្ទះគ្មាន

បានផុស

៨ ខែ មុន

នៅ

ថ្ងៃចន្ទ ៣ មិថុនា ២០២៤

ដោយ

បណ្ឌិតច្នៃម៉ូដលោក ឯម រៀម ជាថ្មីម្តងទៀតបានចេញមុខឆ្លើយតបទៅកាន់ការរិះគន់របស់មហាជនខណៈមានមតិមួយចំនួនចាត់ទុកថា ឯម រៀម បាននឹងកំពុងបំផ្លាញវប្បធម៌ដ៏ផូរផង់របស់ខ្មែរ។ ជាការឆ្លើយតបលោក ឯម រៀម លើកឡើងថា អ្នកដៀលប្រមាថខ្លះរកតែកងជើងអប្សរាម្ខាងដាក់តាំងនៅផ្ទះគ្មានផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេកត់សម្គាល់ថា អ្នកច្នៃម៉ូដល្បីឈ្មោះលោក ឯម រៀម ថ្មីៗនេះបានរងការរិះគន់យ៉ាងចាស់ដៃពីសំណាក់មហាជនព្រមទាំងអ្នកប្រើប្រាស់បណ្ដាញសង្គមហ្វេសប៊ុកបន្ទាប់ពីលោកបានតុបតែងខ្លួនប្លែកដោយការច្នៃគ្រឿងអេឡិចត្រូនិច(រាជនីAI) ទៅចូលរួមកម្មវិធីសម្ភោធ Mv បទ “ទេវរាជ” របស់តារាចម្រៀង ទេព បូព្រឹក្ស។

ប្រាកដណាស់កន្លងមកទោះបីរងព្រនង់នៃការរិះគន់ជេរប្រមាថដូចទឹកបាក់ទំនប់ពីសំណាក់មហាជនយ៉ាងណាក្តីតែបណ្ឌិតច្នៃម៉ូដ ឯម រៀម ហាក់មិនខ្វល់ឡើយ ផ្ទុយទៅវិញលោកបែរជាចាត់ទុកថា ការរិះគន់ ឬជេរ ប្រមាថនោះជារឿងធម្មតាព្រោះមិនមែនជាលើកទី១ ទេសម្រាប់ខ្លួន។

លោក ឯម រៀម បានបញ្ជាក់បន្ថែមនៅព្រឹកថ្ងៃទី០៣ ខែមិថុនា ឆ្នាំ២០២៤ ទៅកាន់អ្នករិះគន់ថា «អ្នកខ្លះដៀលជេរប្រមាថ ឯម រៀម អាបំផ្លាញវប្បធម៌តែអត់មើលក្នុងផ្ទះខ្លួនឯងរកតែកងជើងអប្សរាម្ខាងដាក់តាំងក៏គ្មាន កុំបានតែដៀលគេទិញទៅកុំគ្រាន់តែស្រឡាញ់កុំគ្រាន់តែ Like ឬ Share ឬស្លៀកថតផុសអួតគេ គឺក្នុងផ្ទះបងប្អូនគួតែមានគ្រឿងសិល្បៈខ្មែរខ្លះដាក់តាំងផ្ទះឲ្យកូនៗបានស្គាល់បើស្រឡាញ់ និងចូលចិត្តសិល្បៈនិងវប្បធម៌ខ្មែរទិញទុក»។

គួររម្លឹកថា មហាជន និងអ្នកប្រើប្រាស់បណ្តាញសង្គមជាច្រើនបានផ្ទុះការវែកញែក និងរិះគន់យ៉ាងចាស់ ដៃលើសកម្មភាពអ្នកច្នៃម៉ូដលោក ឯម រៀម ដែលបានគ្រងគ្រឿងអេឡិចត្រូនិកទៅចូលរួមកម្មវិធីធំដែលមាន ការចូលរួមពីសំណាក់តារាប្រុស-ស្រីល្បីៗជាច្រើននាក់ខណៈអ្នកចូលរួមសុទ្ធសឹងតែតុបតែងខ្លួនស្លៀកសំលៀកបំពាក់សម័យបុរាណយ៉ាងលេចធ្លោគ្រប់ទម្រង់៕

អត្ថបទ៖ ចាន់រ៉ា