ជីវិតកម្សាន្ដ

កែវ ចាន់និមល ប្រកាន់គោលការណ៍មិនត្រាប់តាម ឬចម្លងស្តាយ៍គេក្នុងអាជីពពិធីការិនី

បានផុស

១០ ខែ មុន

នៅ

ថ្ងៃអង្គារ ៤ មិថុនា ២០២៤

ដោយ

បច្ចុប្បន្នអ្នកនាង កែវ ចាន់និមល ត្រូវបានគេកត់សម្គាល់គឺជាពិធីការិនីឆ្នើមមួយរូបប្រចាំទូរទស្សន៍ក្នុងស្រុក និងក្ដោបក្ដាប់តំណែងក្នុងកម្មវិធីធំៗជាច្រើនជាហេតុធ្វើឲ្យប្រជាប្រិយភាពរបស់អ្នកនាងក៏កាន់តែលេចធ្លោឡើងពីមួយថ្ងៃទៅមួយថ្ងៃគួរឲ្យកត់សម្គាល់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលដែលប្រជាប្រិយភាពកំពុងលេចធ្លោនេះដែរ តារាសម្ដែង និងជាពិធិការិនីល្បីឈ្មោះអ្នកនាង កែវ ចាន់និមល បានបង្ហើបពីបទពិសោធន៍របស់ខ្លួនក្នុងការងារអាជីពជាពិធីការិនីដែលអាចឈរជើងក្នុងវិស័យមួយយូរឆ្នាំកន្លងមកថា មកដល់ពេលនេះគោលដៅចម្បងគឺប្រកាន់គោលការណ៍មិនត្រាប់តាម ឬចម្លងស្ទាយ៍និយាយតាមគេក្នុងអាជីពពិធីការិនីឡើយ។

អ្នកនាង កែវ ចាន់និមល បានបញ្ជាក់ថារឿងល្អនឹងបន្តមាននៅក្នុងជីវិតមួយនេះដរាបណាយើងមិនបោះបង់ហើយព្យាយាមអស់ពីលទ្ធភាពតួនាទីជាអ្នកអត្ថាធិប្បាយក្នុងកម្មវិធីធំៗនីមួយៗគឺជាឱកាស និងមោទនភាពសម្រាប់ជីវិត។

អ្នកនាងនិយាយបន្ថែមថា “ដូច្នេះទើបខ្ញុំប្រកាន់គោលការណ៍មិនត្រាប់តាមរិតតែមិនយកស្ដាយតាមនរណាម្នាក់ព្រោះខ្ញុំត្រូវបង្ហាញអ្វីដែលជាខ្ញុំទោះខ្វះខាត ឬល្អតិចតូចក៏រីករាយនឹងទទួលយកដោយក្តីសុខ អ្នករួមអាជីពសុទ្ធតែជាគ្រូរបស់ខ្ញុំ បញ្ចប់កម្មវិធីម្តងៗលើសពីពាក្យអរគុណគឺការដឹងគុណ”។

សូមបញ្ជាក់ដែរថា មកដល់ពេលនេះអ្នកនាង កែវ ចាន់និមល បានរៀបការជាមួយស្វាមីអស់រយៈពេលជាង ១០ឆ្នាំមកហើយដោយទទួលបាននូវចំណងដៃកូនស្រី-ប្រុសចំនួន ២នាក់ជាដំណក់ឈាមរួមគ្នាផងដែរ៕

អត្ថបទ៖ ចាន់រ៉ា