ជីវិតកម្សាន្ដ

មកុដតម្លៃជាង 1M របស់ MGC 2024 រំលេចរូបរាងដ៏ប្រណិតរចនារូបហង្សពាំតំណក់ទឹក នៃគ្រាប់ពេជ្រ

បានផុស

៨ ខែ មុន

នៅ

ថ្ងៃអង្គារ ៤ មិថុនា ២០២៤

ដោយ

គិតមកដល់ពេលនេះកម្មវិធីប្រឡងបវរកញ្ញា Miss Grand Cambodia 2024 បាននឹងកំពុងដំណើរការឈានដល់វគ្គនៃការបង្ហាញឈុតហែលទឹកហើយ ដើម្បីប្រកួតប្រជែងជ្រើសរើសអ្នកដែលមានសមត្ថភាពដ៏អស្ចារ្យគ្រង់មកុដឆ្នាំ២០២៤ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា ខណៈពេលដែលកម្មវិធីប្រឡងកញ្ញាឯកដ៏អស្ចារ្យនៃកម្ពុជាឆ្នាំ២០២៤ បាននឹងកំពុងដំណើរការនេះដែរ ស្រាប់តែថ្មីៗនេះមានការបញ្ចេញនូវមកុដតម្លៃជាង 1M របស់ MGC 2024 រំលេចរូបរាងដ៏ប្រណិតរចនារូបហង្សពាំតំណក់ទឹកនៃគ្រាប់ពេជ្ររាប់ពាន់។ តើបវរកញ្ញារូបណាដែលក្លាយជាម្ចាស់ជ័យលាភីដែលបានគ្រងនៅមកុដពេជ្រដ៏ស្រស់ស្អាតមួយនេះ?

នៅលើផេកផ្លូវការរបស់ Miss Grand Cambodia បានបញ្ចេញរូបភាពភ្ជាប់ខ្លឹមសារថា នេះគឺជាសកម្មភាពដោយព្រះនាងតូចនរោត្តម ជេនណា ប្រគល់ជូនទៅកាន់អ្នកស្រី អ៉ឹម សុគន្ធា ជា National Director of Miss Grand Cambodia ។ ដោយមកុដ Miss Grand Cambodia 2024 ថ្មីបំផុសឡើងនូវគំនិតសត្វហង្សពាំតំណក់ទឹកនៃគ្រាប់ពេជ្រដោយក្បាច់រចនារំលេចឡើងដោយគ្រាប់ពេជ្ររាប់ពាន់សក្ដិសម និងមានអំណាចសម្រាប់ម្ចាស់ក្សត្រីថ្មីនៅក្នុងឆ្នាំ២០២៤ នេះ។

ស្ថាប័ន MGC បានបញ្ជាក់ទៀតថា គ្រឿងអលង្ការគឺ ជាផ្នែកមួយដ៏សំខាន់ក្នុងការជំរុញភាពជឿជាក់ និងទំនុកចិត្តដល់បវរកញ្ញារបស់យើង។ ចំណែកអ្នកគ្រប់គ្រងស្ថាប័ន Miss Grand Cambodia គឺអ្នកនាង អ៉ឹម សុគន្ធា បានឲ្យដឹងថា តម្លៃមកុដឆ្នាំនេះ គឺមានតម្លៃខ្ទង់ជាង ១លានដុល្លារសម្រាប់បំពាក់ឲ្យបេក្ខភាពដែលដណ្តើមបានជ័យជំនះឆ្នាំនេះ។

មកុដដែលមានតម្លៃរហូតជាង ១M នេះគឺមានឈ្មោះថា “មកុដហង្សសួគ៍” ហង្សកំពុងពាំនូវដំណក់គ្រាប់ពេជ្ររំលេចនូវសោភណ្ឌភាពដ៏ល្អឯក និងប្រណិតបំផុត ដែលបង្ហាញឲ្យឃើញពីភាពច្នៃប្រឌិត ការយកចិត្តទុកដាក់ក្នុងការកែច្នៃពីមួយដំណាក់កាល ទៅមួយដំណាក់កាល ដើម្បីទទួលបាននូវភាពស្រស់ស្អាត និងភាពល្អឥតខ្ចោះ។

ថ្វីត្បិតមានការប្រាប់ពីតម្លៃមកុដដែលចំណាយខ្ទង់លានដុល្លាររចនាយ៉ាងប្រណិត និងស្រស់ស្អាតបែបនេះក្តី ប៉ុន្តែគេនៅមិនទាន់ដឹងទេថា តើបេក្ខភាពរូបណាអាចមានសមត្ថភាព និងទេពកោសល្យដណ្តើមបានក្លាយជាម្ចាស់មកុដ Miss Grand Cambodia 2024 នៅឡើយទេ ដូច្នេះមានតែការរង់ចាំតាមដានលទ្ធផលនៃការប្រកួតផ្លូវការក្នុងវគ្គផ្ដាច់ព្រ័ត្រនាពេលឆាប់ៗខាងមុខនេះ៕

អត្ថបទ៖ ចាន់រ៉ា