ជីវិតកម្សាន្ដ

Zhang Linghe ទម្លាយថា បុគ្គលិកលក្ខណៈពិតរបស់ Dilraba គឺខុសគ្នាខ្លាំង លើអ៊ីនធឺណិត

បានផុស

៧ ខែ មុន

នៅ

ថ្ងៃពុធ ៥ មិថុនា ២០២៤

ដោយ

នៅក្នុងបទសម្ភាសន៍ថ្មីៗនេះ តារាសម្ដែងប្រុស Zhang Linghe ទម្លាយថា បុគ្គលិកលក្ខណៈពិតរបស់ Dilraba គឺខុសគ្នាខ្លាំងលើអ៊ីនធឺណិត ហើយជីវិតពិតរបស់នាងក៏ខុសគ្នាខ្លាំងពីពិភពអនឡាញដែរ។

Linghe និង Dilraba បានចូលរួមក្នុងកម្មវិធី Let’s Start Thinking វគ្គ២ ហើយទទួលបានការចាប់អារម្មណ៍ពីទស្សនិកជនយ៉ាងច្រើនកុះករ នេះក៏ជាកម្មវិធីប្រកួតដ៏ពេញនិយមទីពីរនាពេលថ្មីៗនេះផងដែរ។ ពេញមួយកម្មវិធី ទំនាក់ទំនងដ៏គួរឲ្យស្រលាញ់របស់ Linghe តែងតែយកចិត្តទុកដាក់ចំពោះ Dilraba ត្រូវហើយបានទស្សនិកជនសរសើរមិនដាច់ពីមាត់ ពីភាពប៉ិនប្រសប់ពូកែនិយាយរវាងអ្នកទាំងពីរនៅលើបណ្ដាញសង្គម Weibo។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ នៅក្នុងបទសម្ភាសន៍ថ្មីៗនេះ Linghe ក៏មិនស្ទាក់ស្ទើរបើកកាយពីអត្តចរិតពិតរបស់តារាស្រីវ័យ៣២ឆ្នាំរូបនេះផងដែរ។ ក្នុងនោះ លោកបានសរសើរពីភាពភាពចាស់ទុំរបស់នាង ហើយស្របពេលជាមួយគ្នាដែរ តួឯកក្នុងរឿង Story of Kunning Palace បាននិយាយទៀតថា “បន្ទាប់ពីបានប្រាស្រ័យទាក់ទងជាមួយនាង ខ្ញុំបានរកឃើញថានាងពិតជាមានភាពខុសប្លែកគ្នានៅលើអ៊ីនធឺណិត ឧទាហរណ៍ នៅពេលដែលខ្ញុំមើលនាងតាមអ៊ីនធឺណិត ខ្ញុំមានអារម្មណ៍ថានាងខុសពីគេ។ នាងស្រស់ស្អាតខ្លាំងប្លែក! ប៉ុន្តែតាមពិតពេលខ្ញុំបានស្គាល់នាង ខ្ញុំបានរកឃើញថានាងពិតជាស្លូតត្រង់ និងគួរឲ្យស្រលាញ់ជាងនៅលើកញ្ចក់ទូរទស្សន៍ទៅទៀត”។

ថ្វីបើយ៉ាងណា បន្ទាប់ពីកម្មវិធី Let’s Start Thinking 2 ត្រូវបានថត និងចាក់ផ្សាយជាសាធារណៈទស្សនិកជនជាច្រើនហាក់យល់ស្របនឹងការលើកឡើងរបស់តារាសម្ដែង Linghe ដោយសារតែម្នាក់ៗបានដឹងថា នាងពិតជាប្រភេទមនុស្សបែបនេះពិតប្រាកដមែន៕

Trương Lăng Hách tiết lộ tính cách thật của Địch Lệ Nhiệt Ba khác xa trên mạng Ảnh 1