ជីវិតកម្សាន្ដ

ចម្រៀង ៨ បទល្បីៗ របស់ ខាន់ ជេមស៍ តាមពិតសុទ្ធសឹងជាស្នាដៃនិពន្ធកវី សួន ពិសិដ្ឋ

បានផុស

៨ ខែ មុន

នៅ

ថ្ងៃព្រហស្បតិ៍ ៦ មិថុនា ២០២៤

ដោយ

ទោះបីរំលងផុតយូរឆ្នាំងហើយក្តីតារាចម្រៀងលោក ខាន់ ជេមស៍ នៅតែមិនភ្លេច និងរក្សាការដឹងគុណចំពោះសិល្បៈរាមច្បងលោក សួន ពិសិដ្ឋ ដែលធ្លាប់បណ្ដុះបណ្ដាល និងនិពន្ធបទចម្រៀងល្បីៗជាច្រើនបទសម្រាប់ខ្លួនរហូតមានកេរ្តិ៍ឈ្មោះល្បីដល់បច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាងចម្រៀងចំនួន ៨បទត្រូវបានតារាចម្រៀងចាស់វស្សាលោក ខាន់ ជេមស៍ លើកមករម្លឹកពីការដឹងគុណចំពោះលោក សួន ពិសិដ្ឋ។ ជាមួយគ្នានេះលោក ខាន់ ជេមស៍ ក៏បានបង្ហើបគោលបំណងចង់ឲ្យ លោក សួន ពិសិដ្ឋ និពន្ធបទថ្មីសម្រាប់ខ្លួនដើម្បីបម្រើអារម្មណ៍ទស្សនិកជនអ្នកគាំទ្រផងដែរ។

លោក ខាន់ ជេមស៍ បានបញ្ជាក់ឲ្យដឹងថា «បងប្រុស សួន ពិសិដ្ឋ គឺជាគ្រូផង ជាបងប្រុសផង គាត់នេះហើយជាអ្នកនិពន្ធបទ,១.ស្ដាយក្រោយ, ២.សម្រែកបេះដូង, ៣.រយពាន់ផ្ញើសារ , ៤.គ្មានលើកទី២, ៥.ផឹកមិនឆ្អែត , ៦.មោទនភាពជាតិខ្មែរ, ៧.យុវជនខ្មែរ, ៨.បើមិនស្រលាញ់អាណិតធ្វើអ្វី? ឲ្យខ្ញុំច្រៀងនឹងបានបង្ហាត់ខ្ញុំជាច្រើនទៀត»។

តារាចម្រៀងលោក ខាន់ ជេមស៍ បានបន្ថែមថា «លោកពិតអរគុណខ្លាំងណាស់ចំពោះលោក សួន ពិសិដ្ឋ ។ តើពុកម៉ែប្អូនចង់ឲ្យគាត់និពន្ធបទឲ្យខ្ញុំបាទច្រៀងទៀតទេ?» ដោយឡែកលោក សួន ពិសិដ្ឋ ក៏បានលើកឡើងភ្ជាប់រូបភាពថា បងប្អូនពិតគឺ មានវត្តមានក្បែរគ្នាគ្រប់កាលៈទេសៈ។

ជាការពិត ទស្សនិកជនបានដឹងហើយថា លោក សួន ពិសិដ្ឋ កន្លងមកបានសាងស្នាដៃជាច្រើនតាមរយៈការនិពន្ធបទចម្រៀងល្បី និងពិរោះៗសម្រាប់អ្នកសិល្បៈចាស់ ក្មេងប្រុស-ស្រី ជាច្រើនដួង ។ អ្វីដែលកាន់តែពិសេសថែមទៀតនោះលោក សួន ពិសិដ្ឋ ក៏មានទេពកោសល្យផ្នែកសម្តែងទៀតផង។

អ្នកនិពន្ធល្បីឈ្មោះ សួន ពិសិដ្ឋ គឺបានបន្សល់ទុកនូវស្នាដៃជាច្រើនសម្រាប់សង្គមជាតិ ជាពិសេសក្នុងវិស័យសិល្បៈមិនថាការសម្ដែងភាពយន្ដ ឬការតែងនិពន្ធបទចម្រៀង ប្រភេទស្នេហាម នោសញ្ចេតនា បទប្រភេទជីវិតលើកកម្លាំងចិត្ត ជាពិសេសទៅទៀតនោះ គឺបទសម្រាប់លើកឡើងពីមោទនភាពរបស់ប្រទេសជាតិផ្ទាល់តែម្ដង៕

អត្ថបទ៖ ចាន់រ៉ា