ជីវិតកម្សាន្ដ

Charmaine Sheh ដាច់ចិត្តខ្ចីលុយម្ដាយនិងមិត្តភ័ក្ដិ ដើម្បីសងបំណុលរាប់លានដុល្លារ

បានផុស

៨ ខែ មុន

នៅ

ថ្ងៃព្រហស្បតិ៍ ៦ មិថុនា ២០២៤

ដោយ

តារាសម្តែងហុងកុង Charmaine Sheh បានលាតត្រដាងថា នាងត្រូវខ្ចីលុយពីម្តាយ និងមិត្តភ័ក្តិរបស់នាង ដើម្បីសងបំណុលដែលកើតឡើងពីការវិនិយោគភាគហ៊ុនមិនជោគជ័យ។ នេះបើយោងតាមការចុះផ្សាយពី VN កាលថ្ងៃទី០៤ ខែមិថុនា ឆ្នាំ២០២៤។

យោងតាម AsiaOne តារាសម្តែងហុងកុងរូបនេះ បានពិភាក្សាអំពីកំហុសផ្នែកហិរញ្ញវត្ថុរបស់នាងនៅក្នុងវគ្គទី ៣០ ខែឧសភា នៃកម្មវិធីជជែករបស់ Carina Lau “Jia Ren Zi You Yue” ។ នាងបានរំឮកពីភាពទាក់ទាញនៃការវិនិយោគភាគហ៊ុនដែលរកបានប្រាក់ចំណេញ នៅពេលដែលនាងបានចូលក្នុងឧស្សាហកម្មកម្សាន្តក្នុងឆ្នាំ ១៩៩៨។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Charmaine Sheh បានរំលឹកឡើងវិញពីការវិនិយោគលើភាគហ៊ុន និងបានជួបប្រទះការខាតបង់យ៉ាងច្រើនចំនួនជាង ២០០,០០០ ដុល្លារហុងកុង (២៥,៦០០ ដុល្លារអាមេរិក) ដែលធ្វើឲ្យនាងលើសលប់ផ្នែកហិរញ្ញវត្ថុ។ នាងបានសារភាពថា នាងត្រូវបានបង្ខំឲ្យខ្ចីប្រាក់ពីម្តាយនាង ដើម្បីគ្រប់គ្រងបំណុលទាំងនេះ ។

នៅពេលដែលរដូវកាលពន្ធខិតជិតដល់ដំណាច់ឆ្នាំនេះ តារាស្រីវ័យ៤៩ឆ្នាំបានប្រឈមមុខនឹងសម្ពាធផ្នែកហិរញ្ញវត្ថុបន្ថែម។ ដោយមានអារម្មណ៍ខ្មាសអៀនខ្លាំងក្នុងការសុំលុយបន្ថែមពីម្ដាយ នាងបានងាកទៅរកមិត្តភ័ក្ដិ ដើម្បីរកជំនួយក្នុងការរុករកបញ្ហាហិរញ្ញវត្ថុរបស់នាង។ ក្រោយមក នាងបានសម្រេចចិត្តថានឹងមិនវិនិយោគលើភាគហ៊ុនម្តងទៀតទេ ហើយបានសង្កត់ធ្ងន់លើមេរៀនដ៏សំខាន់ដែលខ្លួនបានរៀនអំពីសារៈសំខាន់នៃការសន្សំ បន្ទាប់ពីបញ្ហាបានកើតឡើងជាបន្តបន្ទាប់។

ដោយឡែកសូម្បីតែតារាស្រីហុងកុង Carina Lau ដែលជាភរិយាតារាសម្តែង Tony Leung ក៏បានចែករំលែកថា នាងបានរៀនមេរៀនលំបាកពីការផ្សងព្រេងទីផ្សារភាគហ៊ុនផ្ទាល់ខ្លួនរបស់នាងនាពេលកន្លងមកថាសឹងតែរកលុយដើម្បីមកដោះបំណុលដែលជំពាក់គេតែប៉ុណ្ណោះ។

ទោះយ៉ាងណាក៏ដោយ ទាំងCarina Lau និង Charmaine Sheh តារាស្រីទាំងពីរឥឡូវមានទ្រព្យសម្បត្តិច្រើនសន្ធឹកសន្ធាប់។ Sheh កាន់កាប់អចលនទ្រព្យចំនួន ៥នៅទូទាំងទីក្រុងហុងកុងជាមួយនឹងតម្លៃទីផ្សាររួមគ្នាចំនួន ១៨០លានដុល្លារហុងកុង ។ ចំណែក Lau មានទ្រព្យសម្បត្តិរបស់នាងលើសពី៨០០ លានដុល្លារហុងកុងឯណោះ៕