ជីវិតកម្សាន្ដ

Ahreum បដិសេធការចោទប្រកាន់ថា នាងបានរំលោភលើសិទ្ធកុមារ

បានផុស

១០ ខែ មុន

នៅ

ថ្ងៃព្រហស្បតិ៍ ៦ មិថុនា ២០២៤

ដោយ

យោងតាមរបាយការណ៍របស់ Sports Kyunhyang កាលពីថ្ងៃទី ០៤ ខែមិថុនា អតីតសមាជិកក្រុម T-ara គឺ Ahreum បានបដិសេធការអះអាងដែលថា នាងត្រូវបានបញ្ជូនទៅកាត់ទោសលើការចោទប្រកាន់ពីបទរំលោភលើកុមារ។

នាងបានពន្យល់ថា “នោះជារឿងមិនសមហេតុផល។ ខ្ញុំមិនដែលទទួលបានការជូនដំណឹងណាមួយអំពីការត្រូវបានបញ្ជូនទៅកាត់ទោសពីបទរំលោភបំពានលើកុមារ។ កូនដំបូងរបស់ខ្ញុំបាននិយាយថា ពួកគេត្រូវបានឪពុករបស់គេធ្វើបាប ដូច្នេះខ្ញុំក៏យកវាទៅជាមួយ។ ខ្ញុំកំពុងស្ថិតក្នុងដំណើរការស៊ើបអង្កេតជាមួយកូនរបស់ខ្ញុំ”។

លើសពីនេះទៀតដែរ នាងបាននិយាយបន្តទៀតថា “ខ្ញុំបានទទួលការស៊ើបអង្កេតយ៉ាងហ្មត់ចត់របស់ប៉ូលិសទាក់ទងនឹងរឿងនេះ។ នៅពេលនោះ អ្នកស៊ើបអង្កេតបានចូលរួមជាមួយខ្ញុំ” ។

ទាក់ទិននឹងការចោទប្រកាន់ថា នាងបានប្រឌិតរឿងរំលោភកូនលើអតីតស្វាមីនោះ នាងបានបដិសេធថា ខ្លួនមិនបានប្រឌិតការថត និងចែករំលែកថា «កូននិយាយដដែលៗថាឪពុកគេវាយធ្វើបាប ដូច្នេះហើយទើបខ្ញុំបើកម៉ាស៊ីនថត។ ខ្លឹមសារដែលបានថត វាគ្រាន់តែជាផ្នែកមួយប៉ុណ្ណោះ ហើយវាមិនដែលត្រូវបានរៀបចំឡើងទេ។

កាលពីថ្ងៃទី ០៣ ខែមិថុនា ស្ថានីយ៍ប៉ូលិស Gwangmyeong ក្នុងខេត្ត Gyeonggi បានប្រកាសថាពួកគេបានបញ្ជូន Ahreum ទៅកាន់អយ្យការដោយចោទប្រកាន់ពីបទរំលោភលើកុមារ ការបោះបង់ចោលកុមារ និងការធ្វេសប្រហែស និងការចាប់ពង្រត់ និងល្បួងអនីតិជន។ ម្តាយរបស់ Ahreum ក៏ត្រូវបានបញ្ជូនទៅអយ្យការដោយចោទប្រកាន់ពីបទចាប់ជំរិត និងល្បួងអនីតិជន។

លើសពីនេះទៀត វាត្រូវបានគេរាយការណ៍ថាមានការវិភាគមួយដែលបង្ហាញថា Ahreum បានជះឥទ្ធិពលដល់កូនៗរបស់នាង ដោយនាំឲ្យពួកគេបង្កើតទីបន្ទាល់របស់ពួកគេដោយផ្ទាល់។

ជាការឆ្លើយតប Ahreum បានចេញមុខក្នុងបទសម្ភាសមួយដោយបញ្ជាក់ថា នាងមិនបានទទួលការជូនដំណឹងណាមួយអំពីការបញ្ជូនទៅអយ្យការទេ ហើយបច្ចុប្បន្នកំពុងសម្រាកព្យាបាលនៅមន្ទីរពេទ្យ ដោយបដិសេធទាំងស្រុងនូវរបាយការណ៍នេះ។ ទន្ទឹមនឹងនេះ Ahreum បានរៀបការជាមួយអតីតស្វាមីក្នុងឆ្នាំ ២០១៩ និងមានកូនពីរនាក់។ យ៉ាងណាមិញ នាងបានលាតត្រដាងកាលពីខែធ្នូកន្លងទៅថា នាងបានផ្ដួចផ្ដើមពាក្យបណ្ដឹងលែងលះ៕