ជីវិតកម្សាន្ដ

ងិន ម៉ារ៉ាឌី ប្តេជ្ញារក្សាបណ្តុះគំនិតកូនស្រីឱ្យដើរតាមគន្លងប្រពៃណីខ្មែរ ទោះទៅនៅអាមេរិក

បានផុស

១០ ខែ មុន

នៅ

ថ្ងៃសុក្រ ៧ មិថុនា ២០២៤

ដោយ

អ្នកនាង ងិន ម៉ារ៉ាឌី ម្ចាស់មកុដ Miss Universe Cambodia 2021 ខណៈដែលឱកាសចេញទៅរស់នៅឯក្រៅប្រទេសជិតមកដល់ក្នុងពេលឆាប់ខាងមុខ នាងបានប្រកាសប្តេជ្ញាចិត្តរក្សាដើរតាមគន្លងប្រពៃណីខ្មែរ ពិសេសមិនឱ្យកូនស្រីភ្លេចអត្តសញ្ញាណជាតិខ្មែរទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតគេនៅចាំបានថាបវរកញ្ញា ងិន ម៉ារ៉ាឌី បានសម្រេចចូលរោងការជាមួយស្វាមីលោក ទិត្យ វ៉ាន់ណូរ៉ា កាលពីថ្ងៃទី០២ ខែមេសា ឆ្នាំ២០២៣ កន្លងទៅ។ បន្ទាប់ពីមង្គលការគូស្នេហ៍អ្នកទាំងពីរក៏តែងបង្អួតភាពផ្អែមល្ហែមយ៉ាងមានសេចក្តីសុខ ខណៈចំណងដៃអាពាហ៍ពិពាហ៍ពួកគេក៏ទទួលបានកូនស្រីជាទីស្រលាញ់ម្នាក់ផងដែរ។

ទន្ទឹមគ្នានៃការត្រៀមចេញទៅរស់នៅសាងសុភមង្គលគ្រួសារតាមស្វាមីនាទឹកដីប្រទេសសម្បូរដុល្លារសហរដ្ឋអាមេរិក បវរកញ្ញា ងិន ម៉ារ៉ាឌី បានបញ្ជាក់ពីជំហររបស់ខ្លួនថាទោះបីនាងទៅដល់ទីណារស់នៅប្រទេសណាក៏ដោយគឺ នាងមិនភ្លេចពីតម្លៃវប្បធម៌ប្រពៃណីខ្មែរ និងអត្តសញ្ញាណជាតិឡើយ។

អ្នកនាង ងិន ម៉ារ៉ាឌី បញ្ជាក់ថា «ទោះទៅដល់ទីណាខ្ញុំមិនអាចបំភ្លេចទឹកដីកំណើតបានឡើង..ចិត្តជាកុលស្រ្តីខ្មែរ និងជាស្ត្រីនៃចក្រវាលកម្ពុជា ខ្ញុំប្តេជ្ញារក្សាកូនស្រីឱ្យដើរតាមគន្លងប្រពៃណីខ្មែរជាស្រ្តីដែលមានអត្តចរិតថ្លៃថ្នូរ ស្រស់ស្អាត សុភាពរាបសារ ទន់ភ្លន់ ជារួមគឺមិនឱ្យកូនស្រីភ្លេចអត្តសញ្ញាណជាតិខ្មែរនោះឡើយទោះបីរស់នៅធំធាត់លើទឹកដីសហរដ្ឋអាមេរិកក៏ដោយ»។

គួរបញ្ជាក់ថា អតីតបវរកញ្ញាចក្រវាលកម្ពុជា ២០២១ ងិន ម៉ារ៉ាឌី កាលពីថ្មីៗកន្លងទៅបានសម្តែងក្តីរំភើបចិត្តខ្លាំងនៅពេលដែលកូនស្រីទើបតែវ័យ ៥ខែរបស់ខ្លួនទទួលបានសញ្ជាតិអាមេរិកដូចជាឪពុករបស់គេ។ ថ្វីដ្បិតតែកូនស្រីរបស់ខ្លួនទទួលបានសញ្ជាតិអាមេរិកក៏ពិតមែន តែ ងិន ម៉ារ៉ាឌី នៅមិនទាន់បានចេញទៅរស់នៅអាមេរិកជុំគ្រួសារនៅឡើយទេ ខណៈនាងក៏កំពុងរត់ការធ្វើឯកសារដើម្បីចេញទៅរស់នៅទីនោះដែរ៕

អត្ថបទ៖ ចាន់រ៉ា