ជីវិតកម្សាន្ដ
មានទ្រព្យច្រើនមែនពិត តែ តួ ឈិន ឡុង ពិបាកបែងចែកឲ្យកូនៗ
ប្រព័ន្ធផ្សព្វផ្សាយតៃវ៉ាន់ធ្លាប់រាយការណ៍ថា ទ្រព្យសម្បត្តិសុទ្ធរបស់ Jackie Chan ឬតួ ឈិនឡុង ត្រូវគេប៉ាន់ស្មានថាមានចំនួន ៤០០លានដុល្លារ ប៉ុន្តែតាមពិត ទ្រព្យសម្បត្តិពិតរបស់លោកប្រហែលជាខ្ពស់ជាងចំនួនដែលប្រព័ន្ធផ្សព្វផ្សាយបានរាយការណ៍ជាច្រើនដង។ ស្របពេលដែលតារាសម្ដែងហុងកុងរូបនេះ បែរជាមានការលំបាកក្នុងការសម្រេចចិត្តបែងចែកទ្រព្យសម្បត្តិក្នុងចំណោមកូនៗរបស់ខ្លួន។
![](https://www.kampucheathmey.com/wp-content/uploads/2024/06/image-1292.png)
តារាសម្ដែងក្បាច់គុនចិន បច្ចប្បន្នមានអាយុ ៧០ ឆ្នាំ ហើយគាត់បានធ្វើការផ្លាស់ប្តូរការចែកចាយជាច្រើននៅក្នុងឆន្ទៈរបស់គាត់ ក្នុងរយៈពេលប៉ុន្មានទសវត្សរ៍កន្លងមកនេះ។ សាធារណជន និងប្រព័ន្ធផ្សព្វផ្សាយ មិនដឹងច្បាស់ថា មរតកនឹងត្រូវបែងចែកយ៉ាងណានោះទេ។
ថ្វីដ្បិតតែគាត់មានទ្រព្យសម្បត្តិច្រើនក៏ដោយ ក៏ Jackie Chan នៅតែមានបញ្ហាជាមួយនឹងការបែងចែកសិទ្ធិមរតកនៅពេលដែលកូនប្រុសតែមួយរបស់គាត់ធ្លាក់ចូលក្នុងពន្ធធនាគារ។ កន្លងមករឿងស្នេហាមិនចេះទប់ចិត្ត និងកូនក្រៅច្បាប់របស់តារារូបនេះ បានក្លាយជាស្រមោលជុំវិញខ្លួន។ ទោះបីជាដឹងថា ឈិន ឡុង មានប្រពន្ធកូនក៏ដោយ អតីតភរិយាលោក នៅតែទទួលយកទំនាក់ទំនងនេះរហូតមានផ្ទៃពោះ។
អតីតបវរកញ្ញាសម្រស់ Elaine Ng និងជាអតីតភរិយាក៏បានបញ្ជាក់ដែរថា នាងមិនដែលត្រូវបានឈិនឡុង ផ្ដល់ប្រាក់ដើម្បីមើលថែឬចិញ្ចឹមកូនស្រីរបស់នាងទេតាំងពីកើតមក។ ក្នុងកិច្ចសម្ភាសន៍នាងក៏បាននិយាយដែរថា កូនស្រីមិនដែលជួបឪពុក ឬទទួលបានការចាប់អារម្មណ៍ពីលោកសូម្បីតែម្ដងឡើយ។ ប៉ុន្តែនៅពេលដែល Jackie Chan ឈានចូលវ័យចាស់បន្តិចម្ដងៗ គាត់បានចាប់ផ្តើមគិតពីរបៀបបែងចែកទ្រព្យសម្បត្តិដែលគាត់ប្រមូលបានពេញមួយជីវិតសម្រាប់កូនៗ ។ នៅឆ្នាំ ២០២៣ ប្រព័ន្ធផ្សព្វផ្សាយហុងកុងបានរាយការណ៍ថាតារាប្រុស Jackie បានផ្លាស់ប្តូរឆន្ទៈរបស់គាត់សារជាថ្មី។
![](https://www.kampucheathmey.com/wp-content/uploads/2024/06/image-1290.png)
លើកនេះលោកបានសម្រេចចិត្តទុកទ្រព្យសម្បត្តិភាគច្រើនរបស់ខ្លួនទៅប្រពន្ធស្របច្បាប់ឈ្មោះ Joan Lin ហើយទ្រព្យសម្បត្តិដែលនៅសល់នឹងត្រូវបរិច្ចាគទៅអង្គការសប្បុរសធម៌ក្នុងទីក្រុងហុងកុង និងដីគោកដើម្បីជួយកុមារជាច្រើនក្នុងទីក្រុងហុងកុងទៅវិញ។
ទោះបីជាយ៉ាងណា ទស្សនិកជននៅតែរង់ចាំមើលថា តើតួឈិនឡុងព្រមបែងចែកទ្រព្យឲ្យទៅកាន់កូនស្រីក្រៅខោដែរឬទេ ខណៈពេលដែលស្ថានភាពរបស់នាងបច្ចុប្បន្ន ត្រូវបានប្រព័ន្ធផ្សព្វផ្សាយអន្តរជាតិជាច្រើនបានបង្ហាញថា នាងរស់នៅដូចជនអនាថា គ្មានទីពឹងអាស្រ័យ ហើយរង់ចាំតម្រង់ជួរសុំអាហារពីគេតែប៉ុណ្ណោះ៕
![](https://www.kampucheathmey.com/wp-content/uploads/2024/06/image-1291.png)
អត្ថបទ៖ សាង ស្រីល័ក្ខ
ចុចអាន៖តួហុងកុង Eric Tsang បង្ហាញសកម្មភាពលួចមើលដើមទ្រូងនារីម្នាក់ ខណៈមហាជនហៅថាមិនសមរម្យ
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក