ក្រុម Seventeen តែងតាំងជាឯកអគ្គរដ្ឋទូតសុច្ឆន្ទៈរបស់អង្គការយូណេស្កូ

នៅក្នុងព្រឹត្តិការណ៍ដ៏សំខាន់មួយ សមាជិកក្រុម Seventeen ត្រូវបានតែងតាំងជាឯកអគ្គរដ្ឋទូតសុច្ឆន្ទៈរបស់អង្គការយូណេស្កូ សម្រាប់យុវជន ហើយនេះជាលើកទីមួយហើយដែលសិល្បករ K-pop ទទួលបានកិត្តិយសបែបនេះ ពីអង្គការយូណេស្កូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Pledis Entertainment ដែលជាភ្នាក់ងាររបស់ក្រុមនេះ បានសន្មតថា ការទទួលស្គាល់នេះជាការប្តេជ្ញាចិត្តមិនរសាយរបស់សមាជិកក្រុម Seventeen ក្នុងការបញ្ចូលដំណើរតន្ត្រីរបស់ពួកគេជាមួយនឹងការចូលរួមជាមួយយុវវ័យជាសាកល ចាប់តាំងពីការបង្ហាញខ្លួនដំបូងរបស់ពួកគេក្នុងឆ្នាំ ២០១៥ ។

ជាពិសេស អង្គការយូណេស្កូបានតែងតាំងបុគ្គលដែលមានកិត្តិនាមទូទាំងពិភពលោក លើវិស័យផ្សេងៗជាឯកអគ្គរដ្ឋទូតសុច្ឆន្ទៈ ដើម្បីបង្កើនចំណាប់អារម្មណ៍ទូទាំងពិភពលោក និងការចូលរួមនៅក្នុងឧត្តមគតិ និងសកម្មភាពរបស់ខ្លួន។

លើសពីនេះទៀតដែរ ក្រុម Seventeen និងអង្គការ UNESCO បានសហការគ្នានាពេលកន្លងមក លើយុទ្ធនាការ #GoingTogether ដែលមានឥទ្ធិពល ធ្វើការតស៊ូមតិសម្រាប់សារៈសំខាន់នៃការអប់រំ។ លើសពីនេះទៅទៀត Seventeen បានចូលរួមក្នុងវេទិកាយុវជនរបស់អង្គការលើកទី១៣ ដែលធ្វើឡើងនៅទីស្នាក់ការកណ្តាលរបស់អង្គការយូណេស្កូកាលពីខែវិច្ឆិកាឆ្នាំមុន ហើយពួកគេបានធ្វើទំនាក់ទំនងជាមួយតំណាងយុវជនមកពីជាង ១៧០ ប្រទេស។ក្នុងឱកាសនោះ សមាជិកបានថ្លែងនូវវគ្គពិសេសមួយ ដោយថ្លែងសារថា សាមគ្គីភាពរវាងយុវជន និងការអប់រំ អាចផ្លាស់ប្តូរអនាគតយុវជន និងភពផែនដី។

ទន្ទឹមនោះដែរ Seventeen គ្រោងនឹងចូលរួមក្នុងពិធីតែងតាំងឯកអគ្គរដ្ឋទូតយុវជននៅទីស្នាក់ការកណ្តាលរបស់អង្គការយូណេស្កូនៅទីក្រុងប៉ារីស ប្រទេសបារាំង នៅថ្ងៃទី ២៦ ខែមិថុនា ។ ក្នុងឱកាសនេះ សមាជិកនឹងចូលរួមពិភាក្សាជាមួយអគ្គនាយក UNESCO លោក Audrey Azoulay និងចែករំលែកផែនការ និងមនោសញ្ចេតនាជាក់លាក់របស់ពួកគេ តាមរយៈសុន្ទរកថាទទួលយក។

លោក Audrey Azoulay បានសម្តែងការសាទរចំពោះភាពជាដៃគូដោយនិយាយថា “Seventeen និង UNESCO ចែករំលែកការប្តេជ្ញាចិត្តក្នុងការផ្តល់អំណាចដល់យុវជនដើម្បីដឹកនាំការផ្លាស់ប្តូរ និងដោះស្រាយបញ្ហាប្រឈមនានានៃពេលវេលារបស់យើង។ តាមរយៈតន្ត្រី និងថាមពលវិជ្ជមានរបស់ពួកគេ Seventeen បានបំផុសគំនិត និងគាំទ្រដល់យុវជនទូទាំងពិភពលោក។ បន្ទាប់ពីទទួលបានជោគជ័យជាច្រើនដងl;កិច្ចសហការ។ ខ្ញុំមានសេចក្តីសោមនស្សរីករាយក្នុងការស្វាគមន៍សមាជិកចំនួន ១៧ នាក់ ដែលជាផ្នែកមួយនៃឯកអគ្គរដ្ឋទូតសុច្ឆន្ទៈរបស់អង្គការយូណេស្កូ នៅថ្ងៃទី ២៦ ខែមិថុនា”៕

អត្ថបទ៖ សាង ស្រីល័ក្ខ

ចុចអាន៖V ក្រុម BTS បញ្ចេញរាងក្នុងឯកសណ្ឋានពណ៌ខ្មៅ​ ដើរល្បាតជាមួយក្រុមយោធា