ជីវិតកម្សាន្ដ

ភាពយន្ត “The Idol” ធ្លាប់រងការរិះគន់ថាមានឈុតស្រើបស្រាលច្រើន តែពេលនេះ Jennie កាន់តែល្បី

បានផុស

១០ ខែ មុន

នៅ

ថ្ងៃពុធ ១២ មិថុនា ២០២៤

ដោយ

Jennie ធ្លាប់ទទួលរងការរិះគន់យ៉ាងខ្លាំង ចំពោះតួនាទីរបស់នាងក្នុងភាពយន្ត The Idol ខណៈដែលឈុតឆាករសើបរបស់តារាចម្រៀងស្រីក្នុងរឿងនេះ បានធ្វើឲ្យអ្នកគាំទ្រមួយចំនួនមិនអាចទទួលយកបានរហូតបញ្ចេញមតិរិះគន់ថាជារឿងកុនអាសអាភាសមិនគួរនាងទទួលថតឡើយ។

ភាពយន្តនេះ ក៏បានធ្វើឲ្យកេរ្តិ៍ឈ្មោះ និងមុខមាត់របស់សមាជិកក្រុម BlackPink ត្រូវរងផលប៉ះពាល់យ៉ាងខ្លាំងជាយូរមកហើយ។ ដោយសារតែ Jennie ត្រូវបានគេចាត់ទុកថា មិនស័ក្តិសមសម្រាប់ការបង្ហាញឈុតឆាក 18+ ដ៏ហួសហេតុពេកនៅក្នុងរឿងបរទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ ពេលមើលទៅផ្នែកវិជ្ជមាន Jennie ក៏ទទួលបានផលច្រើនពីគម្រោងភាពយន្តនេះ។ នោះគឺជាការរួមចំណែកដល់បទចម្រៀងចំណងជើង One Of The Girls ជាមួយតារាចម្រៀង The Weeknd និង LiLy Rose Depp ។

មកទល់ពេលនេះ បទចម្រៀង One Of The Girls មានអ្នកចូលមើលដល់ទៅ ២៦១ លានដង ទាំង MV និង Audio ដែលគ្រប់គ្រងលើតារាងធំៗនិងតូច រួមទាំង Billboard Hot 100 ដែលទទួលបានវិញ្ញាបនបត្រដ៏កិត្យានុភាពជាបន្តបន្ទាប់។ ទោះបីជានាងទើបតែលេចមុខជាតារាចម្រៀងដ៏មានទេពកោសល្យ មិនអាចប្រកែកបានថា នាងបានរួមចំណែកយ៉ាងច្រើនដល់ភាពជោគជ័យនៃបទនេះ។

ទន្ទឹមនោះដែរ សមិទ្ធិផលដែល Jennie សម្រេចបាននៅពេលរួមចំណែកបញ្ចេញសំឡេងរបស់នាងក្នុងបទចម្រៀង The Idol គឺជាអ្វីដែលសិល្បករ Kpop ជាច្រើនមិនធ្លាប់ទទួលបាន។ ទោះបីជានាងទទួលបានការរិះគន់ច្រើនចំពោះការសម្ដែងរបស់នាងក៏ដោយ ក៏តារាស្រីកូរ៉េរូបនេះបានពង្រឹងភាពខ្លាំងខាងផ្នែកតន្ត្រីរបស់នាងយ៉ាងច្បាស់ជាមួយនឹងបទចម្រៀង The Idol ។

ក្នុងកម្មវិធី Met Gala តារាចម្រៀងកើតឆ្នាំ ១៩៩៦ មិនអាចលាក់បាំងអារម្មណ៍រំភើបរបស់ខ្លួនបានឡើយ នៅពេលចែករំលែកអំពីអាល់ប៊ុមថ្មីនាងថា៖ “ទើបតែឆ្នាំនេះខ្ញុំបង្កើតក្រុមហ៊ុនផ្ទាល់ខ្លួន សហការជាមួយម៉ាកល្បីៗជាច្រើន ហើយក្រៅពីនេះខ្ញុំក៏បានពិសោធន៍ជាមួយបទចម្រៀងថ្មីៗជាច្រើនជាមួយ សិល្បករផ្សេងៗគ្នាជាច្រើន វាគឺជាការចាប់ផ្តើមសម្រាប់ខ្ញុំ ហើយអ្វីគ្រប់យ៉ាងគឺអស្ចារ្យ គ្រប់ជំហានដែលខ្ញុំធ្វើ។ ខ្ញុំក៏មានច្រើនទៀតដែលចេញអាល់ប៊ុមរបស់ខ្ញុំ។ ដូច្នេះ ខ្ញុំសង្ឃឹមថាអ្នករាល់គ្នានឹងទន្ទឹងរង់ចាំវាផងដែរ”។

យ៉ាងណាមិញ ចាប់តាំងពីភាពយន្ត “The Idol” ចាក់បញ្ចាំងជាសាធារណៈមក Jennie សមាជិកក្រុម BLACKPINK តែងតែទទួលរងនៅការរិះគន់ជាច្រើននៅក្នុងរឿងដែលនាងសម្រេចសម្ដែងលើកដំបូង។ ក្នុងនោះតាំងពីចេញវគ្គមួយមក តារាស្រីរូបនេះត្រូវគេប្រៀបធៀបជាមួយសមាជិកក្រុមនិងតារាផ្សេងៗទៀតផងដែរ។ ដ្បិតថាថាទទួលរងការរិះគន់នៅជុំវិញពិភពលោកក៏ដោយ ប៉ុន្តែក៏នៅតែអ្នកនិយមលេងអ៊ីនធឺណិតជាច្រើនសម្រុកការពារនាង ក្រោយត្រូវគេលាបពណ៌ថាជាតារាបែបនេះបែបនោះ។ ស្របពេលភាពយន្តដំបូងរបស់នាងទទួលការសរសើរពីជំនាញសម្ដែងដូចគ្នា៕