Connect with us

ជីវិតកម្សាន្ដ

តាមពិត មហាសេដ្ឋី Chen Jinfei ជាអ្នកនាំ Liu Yifei ឲ្យក្លាយជាតារាសម្ដែងល្បីល្បាញសព្វថ្ងៃ

បានផុស

នៅ

យោងតាម ​​East Money បានបញ្ចាក់ថា មហាសេដ្ឋីហិរញ្ញវត្ថុ Chen Jinfei បានដើរតួយ៉ាងសំខាន់ក្នុងការនាំយកតារាសម្តែង Liu Yifei ពីសហរដ្ឋអាមេរិកទៅកាន់ប្រទេសចិន និងជួយនាងឲ្យសម្រេចក្តីសុបិនចង់ក្លាយជាតារាសម្តែងមកដទល់សព្វថ្ងៃនេះ។

ចំណាប់អារម្មណ៍សាធារណៈចំពោះទំនាក់ទំនងរវាងសេដ្ឋីហិរញ្ញវត្ថុ Chenនិង Liu បានលេចចេញជារូបរាងឡើងវិញ បន្ទាប់ពីលោកបានផលិតខ្សែភាពយន្តទូរទស្សន៍ចុងក្រោយបង្អស់ដែលមានចំណងជើងថា “The Tale of Rose” និងចាក់បញ្ចាំងនៅថ្ងៃទី ០៨ ខែមិថុនា។ ក្នុងពេលដែល Chen ក៏ជានាយកប្រតិបត្តិនៃទីភ្នាក់ងារគ្រប់គ្រងរបស់ Liu Hongxingwu Entertainment ហើយកាន់កាប់ភាគហ៊ុន ៩០% របស់ក្រុមហ៊ុន ហើយបច្ចុប្បន្ន Liu គឺជាសិល្បករតែមួយគត់នៅក្នុងក្រុមហ៊ុនមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មែនទែនទៅ ទំនាក់ទំនង​រវាង Chen និង Liu មាន​តាំងពី​កុមារភាព ដោយសារ​គាត់​ជា​មិត្ត​របស់​ម្តាយ​នាង​។ Chen ធ្លាប់បានចែករំលែកនៅក្នុងអន្តរកម្មប្រព័ន្ធផ្សព្វផ្សាយថា “Yifei បានហៅខ្ញុំថាប៉ា តាំងពីនាងមានអាយុ ០៥ ឆ្នាំមកម្ល៉េះ។​ បើ​និយាយ​ពី​លោក​ខាង​លិច ខ្ញុំ​ជា​ឪពុក​របស់​នាង”។

បន្ទាប់ពីការលែងលះរបស់ឪពុកម្តាយនាង តារាស្រីវ័យ៣៦ឆ្នាំរូបនេះ បានផ្លាស់ទៅសហរដ្ឋអាមេរិកជាមួយម្តាយនៅអាយុ ១៣ ឆ្នាំ នាងបានប្រាប់ពីបំណងប្រាថ្នារបស់នាងចំពោះលោក ដែលបន្ទាប់មកបានចាប់ផ្តើមរៀបចំផែនការដើម្បីគាំទ្រមហិច្ឆតាផ្ទាល់ខ្លួន។ សេដ្ឋីហិរញ្ញវត្ថុរូបនេះបាននាំ Liu ត្រឡប់មកប្រទេសចិនវិញនៅឆ្នាំក្រោយ ហើយបានសម្របសម្រួលផ្ទាល់ឲ្យនាងចូលក្នុងឧស្សាហកម្មកម្សាន្តតែម្ដង។

ទន្ទឹមនឹងការខិតខំប្រឹងប្រែងរបស់ Chen បានជួយ Liu ទទួលបានតួនាទីលេចធ្លោនៅក្នុងគម្រោងធំៗ រួមជាមួយនឹងអ្នកដឹកនាំរឿង និងតារាសម្ដែងល្បីៗរបស់ចិន ដែលរួមចំណែកធ្វើឲ្យនាងមានភាពល្បីល្បាញយ៉ាងឆាប់រហ័ស។ តួនាទីរបស់នាងនៅក្នុងរឿងភាគទូរទស្សន៍ដូចជារឿង “The Story of a Noble Family” (២០០៣), “Demi-Gods and Semi-Devils” (២០០៣) និង “The Return of the Condor Heroes” (២០០៦) ទទួលបានប្រជាប្រិយភាពពេញអាស៊ី មុនពេលនាងមានអាយុ ១៨ ឆ្នាំមក។

ក្រោយមក នៅអាយុ ១៨ឆ្នាំ Chen បានប្រារព្ធពិធីចូលដល់វ័យរបស់ Liu ជាមួយនឹងពិធីដ៏ថ្លៃថ្លាដែលមានតម្លៃ ១.៨ លានយ័ន (២៤៨,៣៥៤ ដុល្លារអាមេរិក) ។ យោង​តាម​សារព័ត៌មាន Mtime ​បាន​បញ្ជាក់​នៅ​ពេល​នោះ​ថា “​នេះ​ជា​ប្រាក់​ដែល​ខ្ញុំ​រក​បាន​ដោយ​មិន​ធ្វើ​បាប​អ្នក​ណា​ម្នាក់​ឡើយ​។​ ខ្ញុំចង់ឲ្យ Yifei មានសុភមង្គល រក្សាភាពរីករាយ និងសុភមង្គលនៃការឈានចូលវ័យ” ។

អាជីពរបស់ Liu បានបន្តកើនឡើង ខណៈដែលនាងបានក្លាយជាតារាសម្តែងដើមកំណើតចិនដំបូងគេដែលដើរតួជា “princess”ដែលជាការតែងតាំងសម្រាប់តួអង្គស្រីឈានមុខគេនៅក្នុងរឿងផ្តាច់មុខរបស់ Disney ជាមួយនឹងតួនាទីរបស់នាងនៅក្នុងខ្សែភាពយន្ត “Mulan” ឆ្នាំ ២០១៧ ។ Chen បានកត់សម្គាល់ថា Liu បានចុះទៅផ្នែកនេះបន្ទាប់ពីការសម្ដែងជាច្រើនជុំ ហើយបានសរសើរការប្តេជ្ញាចិត្តរបស់នាងក្នុងការហ្វឹកហាត់ក្បាច់គុន ការពង្រឹងរាងកាយ និងការសម្ដែង។

បន្ថែមពីលើការធានាឲ្យនាងក្លាយជាតារាសម្តែងឈានមុខគេនៅក្នុងប្រទេសចិន ចាប់តាំងពីការបង្ហាញខ្លួនដំបូងរបស់នាង Chen ក៏បានសម្របសម្រួលកិច្ចសន្យាផ្សាយពាណិជ្ជកម្មឲ្យ Liu ជាមួយនឹងម៉ាកយីហោអន្តរជាតិដូចជា Louis Vuitton, Bulgari, Shiseido និង Tissot ។

ការរំពឹងទុកអំពីភាពស្និទ្ធស្នាលរវាង Chen និង Liu កាន់តែខ្លាំងឡើង បន្ទាប់ពី Chen ត្រូវបានគេមើលឃើញថាកំពុងគាំទ្រតារាសម្តែង Yang Caiyu ដែលត្រូវបានគេស្គាល់ថាស្រដៀងនឹង Liu ។ ទោះបីជាមានពាក្យចចាមអារ៉ាមអំពីទំនាក់ទំនងស្នេហារវាង Chen និង Yang ដែលរួមបញ្ចូលរូបភាពចុះបញ្ជីអាពាហ៍ពិពាហ៍ដែលត្រូវបានផ្សព្វផ្សាយជាសាធារណៈក៏ដោយ ក៏ទំនាក់ទំនងរបស់ពួកគេមិនដែលត្រូវបានបញ្ជាក់ជាផ្លូវការនោះទេ៕

អត្ថបទ៖ សាង ស្រីល័ក្ខ

ចុចអាន៖ការលក់ផ្កាកុលាបពណ៌លឿងកើនឡើងខ្លាំង ក្រោយ Liu Yifei សម្ដែងក្នុងរឿង “The Tale of Rose”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ៣ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ៤ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ៦ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៨ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

ព័ត៌មានអន្ដរជាតិ១០ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ព័ត៌មានជាតិ២០ ម៉ោង មុន

បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព

ក្រុងប៉ោយប៉ែត
សន្តិសុខសង្គម៩ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ១០ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ១០ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

Sokha Hotels

ព័ត៌មានពេញនិយម