ជីវិតកម្សាន្ដ

Song Hye Kyo ត្រូវគេរិះគន់ថា មិនស័ក្តិសមនឹងឧស្សាហកម្មម៉ូដឡើយ

បានផុស

៧ ខែ មុន

នៅ

ថ្ងៃសុក្រ ១៤ មិថុនា ២០២៤

ដោយ

នៅលើទឹកដីនៃប្រទេសកូរ៉េខាងត្បូង ឈ្មោះរបស់តារាស្រី Song Hye Kyo ត្រូវគេហៅជាច្រើនឆ្នាំមកហើយទាក់ទិននឹងអាជីពសម្ដែងដ៏ល្អឥតខ្ចោះ។ ប៉ុន្តែ នៅក្នុងវិស័យម៉ូដសម្លៀកបំពាក់ នាងតែងតែត្រូវបានមហាជនជាច្រើនរិះគន់ថា មិនសូវស្អាត និងមិនសូវពូកែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីដែលសំខាន់បំផុតនោះគឺ មនុស្សជាច្រើនគិតថាសម្រស់របស់តារាស្រីត្រកូល Song មិនស័ក្តិសមនឹងឧស្សាហកម្មម៉ូដទេ។ ជាការពិត នាងស្លៀកសម្លៀកបំពាក់ម៉ាកល្បីៗជាច្រើនដង ហើយរាល់ពេលជួយម៉ាកយីហោឲ្យទទួលបានការលក់យ៉ាងច្រើន។ ចំនួននេះភាគច្រើនមកពីកេរ្តិ៍ឈ្មោះរបស់ Song Hye Kyo មិនមែនដោយសារស្ទីលផ្ទាល់ខ្លួនរបស់តារាស្រីរូបនេះទេ។

នាព្រឹកថ្ងៃទី ១២ មិថុនា ព្រឹត្តិការណ៍របស់ Chaumet បានប្រព្រឹត្តទៅជាផ្លូវការនៅទីក្រុង Venice ប្រទេសអ៊ីតាលី ដោយមនាតារាកូរ៉េ២រូបគឺ Song Hye Kyo និង Cha Eun Woo បានជួបជុំគ្នាម្តងទៀតក្នុងព្រឹត្តិការណ៍ម៉ាកយីហោនេះបន្ទាប់ពីរយៈពេល ១ ឆ្នាំ។ បង្ហាញខ្លួនជាមួយនឹងសម្រស់ដ៏គួរឲ្យភ្ញាក់ផ្អើល Song Hye Kyo បានធ្វើឲ្យមនុស្សម្នាស្រឡាំងកាំងនឹងសម្រស់វ័យ ៤២ ឆ្នាំរបស់នាង។

តារាសម្ដែងស្រីរូបនេះ ស្លៀកឈុតពណ៌សសាមញ្ញដែលរចនាឡើងដោយខ្សែក Chaumet។ ការបង្ហាញខ្លួនរបស់ Song Hye Kyo នេះត្រូវបានអ្នកលេងអ៊ីនធឺណែតរិះគន់ថា មានភាពស្រពិចស្រពិល និងអន់ជាងការបង្ហាញខ្លួនមុនៗក្នុងព្រឹត្តិការណ៍ល្បីៗ។ មនុស្សជាច្រើនក៏គិតដែរថា នាងកំពុងបាត់បង់ប្រជាប្រិយភាពរបស់នាងបន្តិចម្តងៗ នៅពេលដែលនាងមានអាយុ ៤២ ឆ្នាំ៕