ជីវិតកម្សាន្ដ

Jennie ដើរតាមគន្លង Lisa បង្កើត TikTok ត្រៀមវិលវិញក្នុងគម្រោងថ្មីស្រឡាង

បានផុស

៤ ថ្ងៃ មុន

នៅ

ថ្ងៃអង្គារ ១៨ មិថុនា ២០២៤

ដោយ

កាលពីប៉ុន្មានថ្ងៃមុននេះ ទង្វើរបស់ Jennie បង្កឲ្យមានការរំជើបរំជួលក្នុងចំណោមមនុស្សជាច្រើន ក្នុងពេលដែលពេលនាងបានសម្រេចបង្កើតគណនី TikTok ផ្ទាល់ខ្លួន។ ប៉ុន្មានម៉ោងក្រោយមក ប៉ុស្តិ៍ TikTok របស់សមាជិកក្រុម Blackpink ទទួលបានអ្នកតាមដានជាង ៣០០ ពាន់នាក់ឯណោះ។

ថ្វីបើយ៉ាងណាក៏ដោយ សកម្មភាពរបស់ Jennie បានធ្វើឲ្យអ្នកគាំទ្រមានការចាប់អារម្មណ៍យ៉ាងខ្លាំង ហើយគិតថា តារាចម្រៀងស្រីរូបនេះ ត្រៀមខ្លួនសម្រាប់ការវិលត្រលប់មកវិញហើយ។ ការបង្កើតប៉ុស្តិ៍ TikTok នឹងគាំទ្រយ៉ាងខ្លាំងដល់ការផ្សព្វផ្សាយគម្រោងថ្មីៗ ដែលជានិន្នាការពេញនិយមបំផុតមួយនាពេលបច្ចុប្បន្ន។

ម្យ៉ាងវិញទៀត ក្នុងកម្មវិធី Met Gala កាលពីប៉ុន្មានខែមុន តារាចម្រៀងកើតឆ្នាំ ១៩៩៦ មិនអាចលាក់បាំងអារម្មណ៍រំភើបរបស់ខ្លួនបានឡើយ ពេលចែករំលែកអំពីអាល់ប៊ុមថ្មីរបស់នាងថា “ទើបតែឆ្នាំនេះ ខ្ញុំបានបង្កើតក្រុមហ៊ុនផ្ទាល់ខ្លួន ដោយសហការជាមួយម៉ាកល្បីៗជាច្រើន ហើយក្រៅពីនេះខ្ញុំក៏បានពិសោធន៍ជាមួយបទចម្រៀងថ្មីៗជាច្រើនជាមួយ សិល្បករផ្សេងៗគ្នាជាច្រើន វាគឺជាការចាប់ផ្តើមសម្រាប់ខ្ញុំ ហើយអ្វីគ្រប់យ៉ាងគឺអស្ចារ្យ គ្រប់ជំហានដែលខ្ញុំធ្វើ។ ខ្ញុំក៏មានច្រើនទៀតដែលមកជាមួយនឹងអាល់ប៊ុមរបស់ខ្ញុំ។ ដូច្នេះ ខ្ញុំសង្ឃឹមថាអ្នករាល់គ្នានឹងទន្ទឹងរង់ចាំវាផងដែរ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការចែករំលែកពីអារម្មណ៍ផ្ទាល់ខ្លួនរបស់នាង អ្នកគាំទ្រអាចទទួលបាននូវអារម្មណ៍រីករាយដែល Jennie មានចំពោះអាល់ប៊ុមទោលថ្មីគ្រោងនឹងចេញនាពេលខាងមុខ។ អាចនិយាយបានថា Jennie គឺជាសមាជិកម្នាក់ក្នុងចំណោមសមាជិកដែលទទួលបានជោគជ័យបំផុតក្នុងក្រុម BLACKPINK ជាពិសេស និង MV Solo របស់នាង នាថ្មីៗនេះមានអ្នកចូលមើលដល់ទៅ១ពាន់លានដង ដែលបានក្លាយជាតារា Kpop ស្រីដំបូងគេដែលធ្វើដូច្នេះបាន។ ជាមួយនឹងកេរ្តិ៍ឈ្មោះដែលកើនឡើងឥតឈប់ឈរ ការត្រលប់មកវិញរបស់តារាស្រីរូបនេះ នៅក្នុងឧស្សាហកម្មតន្ត្រីនឹងបង្កើតរលករញ្ជួយនៅលើតារាងល្បីៗលើពិភពលោកសារជាថ្មីជាក់ជាមិនខានឡើយ។

ដោយឡែក កាលសប្ដាហ៍មុនសមាជិកម្នាក់ទៀតគឺ Lisa ក៏បានចូលរួម TikTok ជាមួយនឹងគណនីផ្ទាល់ខ្លួន ហើយត្រូវបានគេនិយាយថា នាងចូលមកដើម្បីផ្សព្វផ្សាយការវិលត្រលប់របស់ខ្លួននាពេលខាងមុខ។ ស្របពេលដែលសមាជិកដទៃដូចជា Jisoo និង Rosé ពុំទាន់មានអីថ្មីបង្ហាញទៅកាន់ហ្វេនៗជុំវិញពិភពលោកនូវឡើយទេ៕