ជីវិតកម្សាន្ដ
តារាជំនាន់ដើមថៃ លោកយាយ Add Chomchai ទទួលមរណភាពក្នុងវ័យ ៧៣ ឆ្នាំ
ជាដំណឹងមួយដ៏សោកសៅក្នុងវិស័យកម្សាន្តថៃ បន្ទាប់ពីតារាសម្ដែងវ័យចំណាស់ Add Chomchai Chatwilai បានទទួលមរណភាព ក្នុងអាយុ ៧៣ឆ្នាំ ។ នេះបើយោងតាមការចុះផ្សាយពីកាសែត Sanook នៅថ្ងៃទី២១ ខែមិថុនា ឆ្នាំ២០២៤។
នៅលើហ្វេសប៊ុក Wipavee Charoenpura បានបង្ហោះរូបភាពរបស់លោកយាយ ជាមួយនឹងចំណងជើងដ៏ក្រៀមក្រំដោយបញ្ជាក់ថា «ខ្ញុំសូមចូលរួមរំលែកទុក្ខយ៉ាងក្រៀមក្រំបំផុតចំពោះគ្រួសាររបស់ Mae Aed Chomchai Chatwilai»។
![](https://www.kampucheathmey.com/wp-content/uploads/2024/06/image-1172.png)
ប្រឡូកក្នុងវិស័យសិល្បៈអស់រយៈពេលជិត៦០ឆ្នាំ និងបានសាងកេរ្តិ៍ឈ្មោះល្បីល្បាញមកជាយូរ តារាសម្តែងជើងចាស់រូបនេះ ត្រូវទស្សនិកជនជាច្រើនតែងតែចំណាំថា គាត់និយមដើរតួលោកយាយក្នុងភាពយន្តថៃជារឿយៗ។ ជាពិសេសទៀត គាត់ត្រូវបានតារាប្រុសស្រីស្រករក្រោយ គោរពស្រលាញ់ និងចាត់ទុកដូចជាសាច់ញាតិម្នាក់ផងដែរ។
តារាសម្ដែងវ័យចំណាស់ Add Chomchai បានចូលប្រឡូកក្នុងវិស័យសិល្បៈដំបូងនៅអាយុត្រឹមតែ ៦ ឆ្នាំប៉ុណ្ណោះ ហើយបានចាប់ផ្ដើមអាជីពជាអ្នកចម្រៀងក្នុងក្រុមតន្ត្រី Chamrat Wiphatawat និងបានឈ្នះការប្រលងចម្រៀងក្នុងកម្មវិធី Rak Rakphong រហូតល្បីល្បាញ។ ក្រោយមកគាត់បានសម្ដែងក្នុងរឿងភាគ និងរឿងភាគទូរទស្សន៍នៅប៉ុស្ដិ៍លេខ៤ តាមរយៈការសម្ដែងក្នុងរឿងចំនួន៥៧រឿង រឿងភាគទូរទស្សន៍១៨១ និងរឿងភាគ៦ដុំ។
លើសពីនេះ លោកយាយក៏ទទួលបានពានរង្វាន់វិទ្យាស្ថានភូមិន្ទសរសើរសម្រាប់ឆ្នាំ២០១១ ក្នុងប្រភេទអ្នកប្រើភាសាថៃឆ្នើម និងពានរង្វាន់បុគ្គលទូរទស្សន៍កិត្តិយស ពានរង្វាន់ទូរទស្សន៍មាសឆ្នាំ ២០១៥ កាលកន្លងមកដែរ។
យ៉ាងណាមិញ ការបាត់បង់តារាជើងចាស់ថៃឆ្នើមរូបនេះ មហាជនជាច្រើននៅមិនទាន់ដឹងថាជារោគាឬជាអ្វីឲ្យពិតប្រាកដនោះទេ។ នាពេលនេះមានតែរង់ចាំឲ្យក្រុមគ្រួសារសពបានធ្វើពិធីបុណ្យចប់សព្វគ្រប់ ហើយពន្យល់ប្រាប់អ្នកគាំទ្ររបស់លោកយាយឲ្យបានដឹងលម្អិតតែប៉ុណ្ណោះ៕
![](https://www.kampucheathmey.com/wp-content/uploads/2024/06/image-1170-624x1024.png)
![](https://www.kampucheathmey.com/wp-content/uploads/2024/06/image-1173.png)
អត្ថបទ៖ សាង ស្រីល័ក្ខ
ចុចអាន៖ធ្លាយចចាមអារ៉ាមថាបវរកញ្ញា Engfa និង Charlotte ឈ្លោះគ្នាបែកផ្សែង
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព