ជីវិតកម្សាន្ដ

ជំនួបរវាងមេ YG និង 2NE1 មិនមែនជាការវិលមកវិញរបស់ក្រុមទេ

បានផុស

៧ ខែ មុន

នៅ

ថ្ងៃអង្គារ ២៥ មិថុនា ២០២៤

ដោយ

បន្ទាប់ពីមានពាក្យចចាមអារ៉ាមពីការជួបជុំគ្នាជាថ្មីទៀតនៅមុនខួបលើកទី១៥ឆ្នាំ របស់ក្រុម 2NE1 ផលិតកម្ម YG Entertainment បានចេញមុខបញ្ជាក់ថា Yang Hyun Suk គ្រោងនឹងជួបជាមួយសមាជិកទាំង៤រូបមែន ប៉ុន្តែវាជាជំនួបធម្មតាតែប៉ុណ្ណោះ។ នេះបើយោងតាមការចុះផ្សាយពីកាសែត Allkpop នៅថ្ងៃទី ២៥ ខែមិថុនា ។

យោងតាមរបាយការណ៍របស់ប្រព័ន្ធផ្សព្វផ្សាយជាច្រើនបានបញ្ចាក់ថា សមាជិកក្រុម 2NE1 និងលោក Yang Hyun Suk ត្រូវបានគេរំពឹងថា នឹងពិភាក្សាអំពីការជួបជុំគ្នាដ៏មានសក្តានុពល និងគម្រោងគម្រប់ខួប ១៥ ឆ្នាំ។ កាលពីខែមុន មានព័ត៌មានលេចលឺថា Yang Hyun Suk និងមេក្រុម CL បានជួបគ្នា។ នៅពេលនោះ YG បាននិយាយថា “វាមិនមែនជាកិច្ចប្រជុំផ្លូវការរបស់ក្រុមហ៊ុនទេ ហើយយើងមិនអាចបញ្ជាក់ព័ត៌មានលម្អិតបានទេ” ។

យ៉ាងណាក៏ដោយ កាលពីខែឧសភា ក្រុម 2NE1 បានប្រារព្ធខួបលើកទី ១៥ របស់ពួកគេដោយការចូលរួមក្នុងការថតរូបជាក្រុម បង្កើនក្តីសង្ឃឹមរបស់អ្នកគាំទ្រសម្រាប់ការជួបជុំគ្នាជាថ្មីម្តងទៀត។ ការបង្ហាញខ្លួនរបស់សមាជិកនីមួយៗបានធ្វើឲ្យអ្នកគាំទ្រទូទាំងពិភពលោកហាក់មានក្ដីរំពឹងជាខ្លាំងថាពួកគេនឹងត្រលប់មកអាជីពនេះរួមគ្នាវិញ។

សូមបញ្ចាក់ដែរថា ក្រុម 2NE1 បានបង្ហាញខ្លួនជាលើកដំបូងក្នុងឆ្នាំ ២០០៩ ដោយបានបង្កើតបទចម្រៀងជាច្រើនដូចជា “Fire” “I Don’t Care” “Clap Your Hands” “Lonely” “I Am the Best” និង “Missing You” ។ ក្រុមនេះបានរំសាយនៅខែវិច្ឆិកា ឆ្នាំ ២០១៦។ នៅខែមេសា ឆ្នាំ ២០២២ ពួកគេបានបង្កើតចំណងជើងដោយសម្តែងរួមគ្នានៅមហោស្រពតន្ត្រី និងសិល្បៈ Coachella Valley នៅសហរដ្ឋអាមេរិក៕