ជីវិតកម្សាន្ដ

លី អ៊ីវ៉ាធីណា ទម្លាយរឿងហួសចិត្ត ខណៈធ្លាប់មានគេរិះគន់កែបបូរមាត់ពីធំមកតូច

បានផុស

៨ ខែ មុន

នៅ

ថ្ងៃអង្គារ ២៥ មិថុនា ២០២៤

ដោយ

តារាចម្រៀងកូនកាត់ចិនកញ្ញា លី អ៉ីវ៉ាធីណា បានចេញមកទម្លាយរឿងរ៉ាវដ៏ហួសចិត្តអំឡុងពេលចូលប្រឡូកនៅក្នុងវិស័យសិល្បៈជាលើកដំបូងដោយមានអ្នករិះគន់ថា នាងមានបបូរមាត់ធំ ខណៈក្រោយមកទៀតក៏មានគេនិយាយថា ខ្លួនចាយលុយដើម្បីកែបបូរមាត់ពីធំមកតូច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការកត់សម្គាល់ តារាចម្រៀងស្រីចេះពីរភាសារខ្មែរ-ចិន លី អ៉ីវ៉ាធីណា មួយរយៈចុងក្រោយនេះហាក់បាត់មុខពីសិល្បៈបន្ទាប់ពីនាងបានសាងកេរ្តិ៍ឈ្មោះលើវិថីចម្រៀងជាច្រើនឆ្នាំមកនោះ។ យ៉ាងមិញជារឿយៗគេក៏ឃើញកញ្ញា លី អ៊ីវ៉ាធីណា បានសម្តែងការនឹករលឹកដល់អ្នកគាំទ្រផងដែរ។

ដោយឡែកស្រាប់តែមុននេះកញ្ញា លី អ៉ីវ៉ាធីណា បានបង្ហើបរឿងដ៏ហួសចិត្តដូច្នេះថា «ពេលទើបប្រឡូកចូលសិល្បៈដំបូង រឿងដែរគេbully គឺថាមីមួយអ្នកចម្រៀងកាត់ចិននោះមិចមាត់ធំម៉្លេស ឃើញតែមាត់សោះហើយរំលងទៅ ១០ឆ្នាំជាងមុខមាត់យើងបានផ្លាស់ប្តូរស្អាតជាងមុនបន្តិចគេថាមីមួយនិងឥឡូវមាត់វាតូចស្អាតដោយសារវាទៅកែមាត់ហ្នឹង»។

តារាចម្រៀងកញ្ញា លី អ៉ីវ៉ាធីណា បានបញ្ជាប់បន្ថែមថា «ត្រង់ចំណុចនេះខ្ញុំចង់ប្រាប់ថា មាត់ខ្ញុំគឺនៅដដែលទេ អត់មានកាត់ចោលទៅណាទេ ធម្មជាតិម្តាយឲ្យមកប៉ុណ្ណាគឺនៅប៉ុណ្ណឹង»។ ជាមួយគ្នានេះ លី អ៊ីវ៉ាធីណាក៏

បានលើកឡើងទៀតថា នាងអត់ចូលចិត្តអ្នកនិយាយមិនពិតទេហើយបើនាងកែ និងទទួលស្គាល់តែនេះយើងអត់មានកែអី្វផង។

គួររម្លឹកថា បើទោះបីកន្លងមកតារាស្រីកញ្ញា លី អ៉ីវ៉ាធីណា បានឃ្លាតឆ្ងាយសិល្បៈមួយសន្ទុះក៏ពិតមែនតែសម្រាប់មហាជន និងអ្នកគាំទ្រនៅតែបង្ហាញការនឹករលឹកដោយចង់ឲ្យនាងបង្ហាញវត្តចេញបទចម្រៀងដូចគ្រាមុនៗដើម្បីបម្រើអារម្មណ៍ទស្សនិកជនផងដែរ៕

អត្ថបទ៖ ចាន់រ៉ា