ជីវិតកម្សាន្ដ

ពេជ្រ ចរណៃ ប្ដេជ្ញាលើកស្ទួយ និងផ្សព្វផ្សាយក្បាច់គុនបុរាណខ្មែរ “ល្បុក្កតោ” រហូតដល់ដង្ហើមចុងក្រោយ

បានផុស

៨ ខែ មុន

នៅ

ថ្ងៃអង្គារ ២៥ មិថុនា ២០២៤

ដោយ

តារាសម្ដែង និងជាគ្រូបង្ហាត់គុនល្បុក្កតោខ្មែរកញ្ញា ពេជ្រ ចរណៃ បច្ចុប្បន្នក្រៅតែពីការលេចមុខនៅលើវិស័យភាពយន្តខ្មែរនាងក៏ជាតារាស្រីមួយរូបដែលចូលរួមយ៉ាងសកម្មក្នុងការលើកស្ទួយវិស័យគុនល្បុក្កតោ និងតាមរយៈការបំផុសដល់យុវជនឲ្យចូលរួមលើកស្ទួយបង្ហាញសិល្បៈវប្បធម៌របស់ខ្មែរទៅកាន់ពិភពលោកផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ដើម្បីបង្ហាញពីការស្រលាញ់ និងឆន្ទៈរបស់ខ្លួនជាមួយវិស័យក្បាច់គុនបុរាណខ្មែរ “ល្បុក្កតោ” តារាស្រីរូបស្រស់កញ្ញា ពេជ្រ ចរណៃ បានចេញមកអះអាងពីគោលជំហររបស់ខ្លួនថា នាងនឹងបន្តការហាត់រៀនក្នុងការចូលរួមលើកស្ទួយ និងផ្សព្វផ្សាយក្បាច់គុនបុរាណខ្មែរ”ល្បុក្កតោ”រហូតដល់ដង្ហើមចុងក្រោយ ។

កញ្ញា ពេជ្រ ចរណៃ បានបញ្ជាក់ឲ្យដឹងថា “ទោះបីជាមានរឿងអ្វីកើតឡើងមកលើខ្ញុំក៏ដោយ ខ្ញុំសូមសន្យាជាមួយនឹងដូនតា បុព្វបុរសថា ខ្ញុំនឹងនៅតែបន្តហាត់រៀន លើកស្ទួយ និងផ្សព្វផ្សាយនៅក្បាច់គុនបុរាណខ្មែរល្បុក្កតោ រហូតដល់ដង្ហើមចុងក្រោយ”។ ចរណៃ បានបន្ថែមទៀតថា ក្បាច់គុនបុរាណខ្មែរ ល្បុក្កតោ មេគុនកិន្ទរ,ដំណែលដូនតា ឆ្លាក់លើសិលា ចារលើស្លឹករឹត ល្បុក្កតោល្បីល្បាញក្នុងប្រវត្តិសាស្រ្តពិតសាកលលោកជុំជិតអភិរក្សរក្សា។

ជាការពិតកន្លងទៅអ្នកស្នេហាវិស័យភាពយន្ត និងគុនក្បុក្កតោខ្មែរពិតជាស្គាល់ច្បាស់តារាសម្តែងស្រីរូបស្រស់កញ្ញា ពេជ្រ ចរណៃ ដែលតែងតែបង្ហាញវត្តមានក្នុងតួអង្គវ៉ៃទាត់ធាត់តាមរយៈខ្សែភាពយន្តខ្មែរស្ទើរគ្រប់រឿង ជាពិសេសការចូលរួមលើកស្ទួយវិស័យល្បុក្កតោតែម្តង។

តួយ៉ាងកាលពីថ្មីៗកន្លងមកនេះតារាសម្តែងកញ្ញា ពេជ្រ ចរណៃ គឺតែងបានចេញមុខបំផុសដល់យុវជនឲ្យចូលរួមលើកស្ទួយ និងបង្ហាញសិល្បៈវប្បធម៌របស់ខ្មែរទៅកាន់ពិភពលោកតាមរយៈសកម្មភាពនានាដូចជា, ការបង្ហាញក្បាច់គុនល្បុក្កតោ, ល្ខោនខោល និងបង្ហោះ រូបភាពស្លៀកពាក់សំលៀកបំពាក់បុរាណខ្មែរជាដើម។ ម្យ៉ាងទៀត ពេជ្រ ចរណៃ ក៏បានចេញមកអំពាវនាវដល់យុវជនខ្មែរគួរនាំគ្នាចូលរួមលើកស្ទួយផ្សព្វផ្សាយពីវប្បធម៌ខ្មែរប្រសើរជាងតាមដានរឿងអត់ប្រយោជន៍ផងដែរ៕

អត្ថបទ៖ ចាន់រ៉ា