ជីវិតកម្សាន្ដ

លេចមុខ Fan Bingbing ទទួលទានអាហារពេលល្ងាចជាមួយគ្រួសារមហាសេដ្ឋី ម៉ាឡេស៊ី

បានផុស

៨ ខែ មុន

នៅ

ថ្ងៃពុធ ២៦ មិថុនា ២០២៤

ដោយ

សារព័ត៌មាន The Star បានរាយការណ៍ថា អាហារដែលបានធ្វើឡើងនៅថ្ងៃទី ២០ ខែមិថុនា ត្រូវបានបង្ហាញនៅលើ Instagram ដោយកូនស្រីរបស់ Vincent Chryseis Tan នាងបានចូលរួមក្នុងព្រឹត្តិការណ៍នេះជាមួយស្វាមី Faliq Nasimuddin និងម្តាយរបស់ Fan Bingbing ។

Chryseis បានបង្ហោះនៅលើ Instagram ផ្ទាល់ខ្លួន អំពីការជួបគ្នាដ៏រីករាយថា “ការជួប Fan Bingbing និងម្តាយរបស់នាង! សូមស្វាគមន៍មកកាន់ក្រុងកូឡាឡាំពួ”។ ក្នុងនោះកូនសេដ្ឋីម៉ាឡេស៊ីបានបង្ហាញអារម្មណ៍រំភើប ដែលខ្លួនបានជូនកាដូផលិតផលថែរក្សាសម្រស់ដល់តារាចិនថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាហារពេលល្ងាចនេះគឺជាផ្នែកមួយនៃដំណើរទស្សនកិច្ចរបស់ Fan ទៅប្រទេសម៉ាឡេស៊ី ដែលនាងបានមកនៅដើមខែនេះ ដើម្បីចូលរួមក្នុងសកម្មភាពផ្សព្វផ្សាយសម្រាប់រដ្ឋ Malaka របស់ប្រទេស។ ជាពិសេសត្រូវបានតែងតាំងជាឯកអគ្គរដ្ឋទូតទេសចរណ៍ប្រចាំតំបន់កាលពីដើមឆ្នាំ ដោយគេរំពឹងថានាងនឹងប្រើប្រាស់ប្រជាប្រិយភាពរបស់នាងដើម្បីបង្កើនវិស័យទេសចរណ៍។

សូមជម្រាបជូនថា Fan Bingbing បច្ចុប្បន្ននេះមានអាតុ៤៣ឆ្នាំ បានចូលប្រឡូកក្នុងវិស័យសិល្បៈនៅអាយុ ១៧ ឆ្នាំ ហើយទទួលបានការទទួលស្គាល់ជាអន្តរជាតិក្នុងនាមជាតារាសម្តែង ម៉ូដែល ផលិតករទូរទស្សន៍ និងតារាចម្រៀង។ នាងត្រូវបានទស្សនាវដ្ដី Time ចាត់ទុកជាមនុស្សម្នាក់ក្នុងចំណោមមនុស្សដែលមានឥទ្ធិពលបំផុតទាំង ១០០ នាក់ក្នុងឆ្នាំ ២០១៧។

ទោះបីជាយ៉ាងណា បន្ទាប់ពីការផាកពិន័យចំនួន ១២៨លានដុល្លារអាមេរិក ពីបទគេចពន្ធក្នុងឆ្នាំ ២០១៨ នាងបានរក្សាភាពស្ងៀមស្ងាត់និងបាត់មុខពីវិស័យសិល្បៈអស់រយៈកាលយ៉ាងយូរ។ ក្រោយវិលត្រលប់មកកាន់អាជីពដើរម៉ូដវិញ កេរ្តិ៍ឈ្មោះរបស់តារាស្រីត្រកូល Fan ហាក់វិលត្រលប់មកសាជាថ្មីម្ដងទៀត៕