ជីវិតកម្សាន្ដ
លោក ហ៊ុយ យ៉ាឡេង សម្រេចផលិតភាពយន្តរឿង”កុំស្លាប់” ក្រោយជីវិតជួបវិបត្តិចង់សម្លាប់ខ្លួន ៣ ដង
បន្ទាប់ពីជួបរឿងរ៉ាវវិបត្តិផ្លូវចិត្តរហូតប៉ងសម្លាប់ខ្លួន ៣ ដង មកនោះ ផលិតករល្បីឈ្មោះ លោក ហ៊ុយ យ៉ាឡេង បានប្រកាសផលិតខ្សែភាពយន្តរឿង “កុំស្លាប់” ដើម្បីជាសារដាស់តឿនអ្នកធ្លាប់ជួបបញ្ហាវិបត្តិផ្លូវចិត្តដែលប៉ងសម្លាប់ខ្លួនឯង។
![](https://www.kampucheathmey.com/wp-content/uploads/2024/06/IMG_20240627_122926.jpg)
លោក ហ៊ុយ យ៉ាឡេង បញ្ជាក់ថា ដំបូងឡើយ លោកមានគម្រោងសរសេររឿង “សម្លាប់ខ្លួន” ប៉ុន្តែក្រោយមក ដោយបានការផ្តល់យោបល់ពីមិត្តភ័ក្ដិចង់ឲ្យប្តូរពីការផលិតរឿងនេះមកសរសេររឿង “កុំស្លាប់” លោកក៏បានយល់ស្របតាមគំនិតនេះវិញ។
លោក ហ៊ុយ យ៉ាឡេង បាននិយាយថា «សម្លាប់ខ្លួន ជាចំណងជើងភាពយន្តដែលខ្ញុំសរសេរ បន្ទាប់ពីមានវិបត្តិកូវីដ-១៩ វាមានរឿងរ៉ាវច្រើនណាស់ដែលបណ្ដាលចិត្តឲ្យសរសេររឿងនេះ»។
![](https://www.kampucheathmey.com/wp-content/uploads/2024/06/IMG_20240627_122533.jpg)
ផលិតករភាពយន្តរូបនេះ បានបន្តថា លោកប្រឡូកវិស័យសិល្បៈតាំងពីឆ្នាំ ២០០០ តាំងពីតួ ២ ដុល្លារ ឡើងជាជំនួយការដឹកនាំ ឡើងជាអ្នកដឹកនាំ អត់មានអ្នកស្គាល់ មកចៃដន្យគេស្គាល់ដោយសាររឿង “វិកលចរិត” អ្នកដឹកនាំដើរតួខ្លួនឯង អត់មានអ្នកមើល ខ្ចីលុយគេមកថតកុន អត់មានអ្នកមើល សល់កង់មួយចង់ជិះកង់ចូលឡាន ចង់សម្លាប់ខ្លួនលើកទី ១។ លើកទី ២ ពេលមានវិបត្តិកូវីដ-១៩ ចង់ថតរឿងវិបត្តិកូវីដ-១៩ ឲ្យគេចងចាំវិបត្តិនោះ តែគ្មានអ្នកមើល ពេលនោះចង់លោតចូលភ្លើង តែចៃដន្យភ្លើងធ្វើឲ្យរលាក ក៏មិនបានលោត។ លើកទី ៣ ពេលអស់មែនទែន ប្រកាសលក់ផ្ទះ ដើម្បីបន្តដំណើរ ក៏គ្មានអ្នកជួយ ក៏សម្រេចចិត្តចេញពីភ្នំពេញទៅសៀមរាប ពេលចេញជិះកាត់ស្ពានជ្រោយចង្វារ ក៏គិតថាកាច់ចង្កូតឡានទម្លាក់ស្ពានជ្រោយចង្វារ តែហាក់ដូនតាទះកំផ្លៀង ឡានពួក ម៉ាកឲ្យខ្ចីជិះ ហេតុអ្វីបានត្រូវទាញឡានគេឲ្យរងគ្រោះ បំណុលធនាគារអ្នកណាអ្នកសងជំនួសយើង។
លោក ហ៊ុយ យ៉ាឡេង បន្តទៀតថា ថ្ងៃនោះ លោកជាន់ហ្វ្រាំងជាប់ កុំអីគ្មានអ្វីអស្ចារ្យក្រៅពីប្រជាជនគេសើចយំទេ ហើយរឿងរ៉ាវសម្លាប់ខ្លួនហាក់មានជើងកបផ្លុំត្រចៀក។
![](https://www.kampucheathmey.com/wp-content/uploads/2024/06/FB_IMG_1719462238683.jpg)
លោកថា «មិត្តភ័ក្ដិខ្ញុំលេបថ្នាំសម្លាប់ខ្លួនម្តងអត់ស្លាប់ ហាក់ដូចមានអ្វីមកទាញ ប៉ុន្តែលើកទី ២ គាត់ស្លាប់ទាល់តែបាន ហេតុនេះហើយខ្ញុំសម្រេចសរសេររឿងដែលមានចំណងជើងថា “សម្លាប់ខ្លួន”»។
ផលិតករ ហ៊ុយ យ៉ាឡេង បញ្ជាក់បន្ថែមថា ប៉ុន្តែក្រោយមកទៀត លោកបានរកឃើញចម្លើយមួយពីមិត្តភ័ក្ដិដែលគេបានដឹងពីសុខភាពជីវិតលោក ហើយលោកក៏ដឹងខ្លួនឯងដូចគ្នា មនុស្សដែលឆ្លងកាត់ការចង់សម្លាប់ខ្លួនឯង ៣ ដងហើយមិនស្លាប់ គឺក្លាយជាមនុស្សរឹងមាំ ហើយមិត្តភ័ក្ដិលោកដែលបានជួយឲ្យផលិតរឿងនេះហើយ ក៏បានសុំប្ដូរចំណងជើងរឿងនេះថា ”កុំស្លាប់”៕
អត្ថបទ ៖ ចាន់រ៉ា
![](https://www.kampucheathmey.com/wp-content/uploads/2024/06/FB_IMG_1719462241406.jpg)
![](https://www.kampucheathmey.com/wp-content/uploads/2024/06/FB_IMG_1719464061242-683x1024.jpg)
![](https://www.kampucheathmey.com/wp-content/uploads/2024/06/IMG_20240627_122604.jpg)
![](https://www.kampucheathmey.com/wp-content/uploads/2024/06/FB_IMG_1719464077860-680x1024.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានអន្ដរជាតិ៥ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ២០ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៦ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី