ជីវិតកម្សាន្ដ

ខាន់ ជេមស៍ បង្ហាញតម្រុយពួតដៃជាមួយរៀមច្បង ព្រាប សុវត្ថិ ចេញបទចម្រៀងរួមគ្នា

បានផុស

៧ ខែ មុន

នៅ

ថ្ងៃព្រហស្បតិ៍ ២៧ មិថុនា ២០២៤

ដោយ

ទស្សនិកជន និងអ្នកគាំទ្រកត់សម្គាល់ថា បច្ចុប្បន្នតារាចម្រៀងម្ចាស់បទ “របាំចងស្នេហ៍”លោក ខាន់ ជេមស៍ និង កំពូលតារាចម្រៀងល្បីឈ្មោះដែលមានងារជាឧកញ៉ា ព្រាប សុវត្ថិ ឃើញថា ទំនាក់ទំនងអ្នកទាំងពីរតែងតែធ្វើឲ្យមហាជនជាច្រើនចាប់អារម្មណ៍ ទាំងក្នុងសកម្មភាពសិល្បៈ ឬក៏អាជីវកម្មផ្ទាល់ខ្លួនជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែករឿងដែលកាន់តែធ្វើឲ្យអ្នកគាំទ្រ និងអ្នកតាមដានវិស័យសិល្បៈមានការចាប់អារម្មណ៍ថែមទៀតគឺស្រាប់តែតារាចម្រៀងលោក ខាន់ ជេមស៍ បានបង្ហាញតម្រុយក្នុងការពួតដៃជាមួយតារារៀមច្បងលោក ព្រាប សុវត្ថិ ដើម្បីចេញបទចម្រៀងរួមគ្នាផងដែរ។ ស្របពេលមហាជនមួយចំនួនគាំទ្រចង់ឲ្យលោក និងលោក ព្រាប សុវត្ថិ ចេញមុខច្រៀងរួមគ្នាឆាប់ៗនេះ។

ក្រៅពីការបង្ហាញតម្រុយចេញបទចម្រៀងរួមគ្នាជាមួយកំពូលតារាចម្រៀង ព្រាប សុវត្ថិ នោះលោក ខាន់ ជេមស៍ ក៏បានចោទជាសំនួរទៅអ្នកគាំទ្រថា” តើបងប្អូនចង់ឃើញខ្ញុំបាទនឹងបងប្រុសជាទីស្រលាញ់ចេញបទចម្រៀងរួមគ្នាទេបាទ?Preap Sovath”។ តាមរយៈខ្លឹមសារនេះ មានការបញ្ចេញមតិលើកទឹកចិត្ត និងជម្រុញឲ្យលោក ខាន់ ជេមស៍ ពួតដៃជាមួយរៀមច្បង ព្រាប សុវត្ថិ ដើម្បីបំពេអារម្មណ៍ទស្សនិកជន។

គួររម្លឹកដែរថា កាលពីពេលថ្មីៗកន្លងទៅគេនៅចាំបានថាតារាចម្រៀងល្បីឈ្មោះទាំងពីរខាងលើធ្លាប់បានធ្វើឲ្យហ្វេនៗជាច្រើនភ្ញាក់ផ្អើលបន្ទាប់ពីឃើញ វីដេអូរបស់លោក ខាន់ ជេមស៍ និង ព្រាប សុវត្ថិ បកស្រាយចម្រៀងរួមគ្នាយ៉ាងពិតជាពិរោះរណ្ដំចិត្ត ធ្វើឲ្យទស្សនិកជនកោតសរសើរគ្រប់គ្នាព្រោះកម្រឃើញអ្នកទាំងពីរបកស្រាយចម្រៀងរួមគ្នាបែបនេះណាស់៕

អត្ថបទ៖ ចាន់រ៉ា