ជីវិតកម្សាន្ដ

ចំពេលមានពាក្យចចាមអារ៉ាមប្រេះឆា ឪពុក Baifern បែរអបអរដំណឹងល្អកូនស្រីទៅវិញ

បានផុស

៩ ខែ មុន

នៅ

ថ្ងៃព្រហស្បតិ៍ ២៧ មិថុនា ២០២៤

ដោយ

ឪពុករបស់ Baifern Pimchanok កាលពីពេលថ្មីៗនេះ លោកស្រាប់តែបង្ហោះ IG story ផ្ទាល់ខ្លួន ហើយថេកឲ្យកូនស្រីតែម្នាក់គត់ក្នុងន័យអបអរដល់តារាសម្ដែងស្រីរូបនេះទទួលបានអ្នកតាមដាន Instagram លើសពី១៣លាននាក់ ចំពេលមានពាក្យចចាមអារ៉ាមអំពីទំនាក់ទំនងប្រេះឆារវាង Baifern និង Naphat ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា រឿងរ៉ាវនៃទំនាក់ទំនងស្នេហាមួយគូនេះត្រឹមតែជាពាក្យចចាមអារ៉ាមតែប៉ុណ្ណោះ ដ្បិតថាមិនមានភាគីណាចេញមកផ្តល់បទសម្ភាសន៍អំពីបញ្ហាមួយនេះឡើយ ខណៈដែលព្រឹត្តិការណ៍នេះក៏បានធ្វើឲ្យអ្នកលេងអ៊ីនធឺណិតទូទាំងប្រទេសមិនចង់ឲ្យវាក្លាយជាការពិត។ ព្រោះកាលពីពេលថ្មីៗ អ្នកទាំងពីរទើបតែត្រឡប់ពីដំណើរកម្សាន្តដ៏ផ្អែមល្ហែមទៅប្រទេសស្វីសនោះទេ។

យ៉ាងណាមិញ ដោយសារតែដំណឹងបែកបាក់របស់កូនស្រីនិងមិត្តប្រុស ក្លាយជារឿងរសើបក្នុងប្រទេសថៃ ដូច្នេះមិនមែនជារឿងចម្លែកឡើយ ដែលមានមហាជនសម្រុកចុចតានដានរឿងរ៉ាវស្នេហារបស់គូស្នេហ៍មួយគូនេះ។ ជាលទ្ធផល ចំនួនអ្នកតាមដានរបស់តារាស្រីវ័យ៣១ឆ្នាំបានកើនឡើងលើស ១៣លាននាក់ យ៉ាងឆាប់រហ័ស។

ជាមួយនឹងជោគជ័យក្នុងអាជីពរបស់កូនស្រីកាន់តែឡើងស្រឺតៗ ទើបឪពុករបស់នាងបាន Screenshot មុននឹងបង្ហោះក្នុង IG story របស់គាត់ រួមជាមួយនឹងការសរសេរសារភ្ជាប់មកជាមួយ “សូមអបអរសាទរសម្រាប់អ្នកតាមដាន ១៣ លាននាក់។”

គួរបញ្ចាក់ដែរថា រឿងរ៉ាវដ៏រសើបរវាងគូស្នេហ៍ Baifern និង Naphat បែកគ្នាគឺជាពាក្យចចាមអារ៉ាមមួយកំពុងតែត្រូវបានទស្សនិកជនជាច្រើនតាមដានយ៉ាងដិតដល់ ខណៈម្នាក់ៗបានបន់ស្រន់សុំកុំឲ្យក្លាយជាការពិត។ ព្រោះ Nai-Baifern ជាគូស្នេហ៍ដែលស័ក្តិសមបំផុត ប៉ុន្តែពួកគេចង់លើកទឹកចិត្តអ្នកទាំងពីរក្នុងពេលតែមួយ។ អ្វីដែលអាចធ្វើបាន គឺគ្រាន់តែរង់ចាំពេលវេលាឲ្យគូស្នេហ៍នេះចេញមកបើកចំហឲ្យបានច្បាស់ដោយខ្លួនឯងថាតើនេះគឺជារឿងពិតឬគ្រាន់តែជាពត៌មានចចាមអារ៉ាម៕