ជីវិតកម្សាន្ដ

កម្រឃើញ Jun Ji Hyun នាំគ្រួសារទៅទស្សនាការប្រកួត Euro 2024

បានផុស

៧ ខែ មុន

នៅ

ថ្ងៃព្រហស្បតិ៍ ២៧ មិថុនា ២០២៤

ដោយ

តារាសម្ដែងកូរ៉េខាងត្បូង Jun Ji Hyun និងជាតួឯកស្រីក្នុងរឿង “សង្សារខ្ញុំជាមនុស្សភពផ្កាយ” បានបង្ហាញខ្លួនក្នុងការប្រកួតបាល់ទាត់ Euro 2024 ជារូបភាពមួយកម្រឃើញ ខណៈដែលគេដឹងថាតារាស្រី K-drama រូបនេះ មានកេរ្តិ៍ឈ្មោះល្បីល្បាញ តែជីវិតផ្ទាល់ខ្លួនកម្រមានអ្នកដឹងណាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែងស្រីវ័យ ៤២ ឆ្នាំត្រូវបានគេប្រទះឃើញនៅក្នុងការបង្ហាញខ្លួនដ៏កម្រជាមួយក្រុមគ្រួសាររបស់នាង ដោយបានចូលរួមការប្រកួត Euro 2024 រវាងប្រទេសបារាំង និងហូឡង់ក្នុងប្រទេសអាល្លឺម៉ង់ កាលពីថ្ងៃសៅរ៍ទី២២ មិថុនា។ ថ្វីដ្បិតតែនាងស្លៀកពាក់ធម្មតាក្នុងអាវខ្មៅ និងខោខ្លី ប៉ុន្តែនាងត្រូវបានអ្នកគាំទ្រមើលស្គាល់យ៉ាងរហ័សដោយសារតែរូបរាងក្នុងនាមជាតារាល្បីប្រចាំប្រទេសកូរ៉េខាងត្បូង។

លើសពីនេះ Jun Ji Hyun បានអមដំណើរដោយស្វាមីអ្នកជំនួញរបស់នាងឈ្មោះ Choi Joon Hyuk និងកូនប្រុសពីរនាក់គឺ Won Woo អាយុ៨ ឆ្នាំ និង Pyeong Woo អាយុ ៦ ឆ្នាំដែលស្ថិតក្នុងអាវក្រុមហូឡង់។ រូបថតជាច្រើនសន្លឹករបស់គ្រួសារបានផ្ទុះឡើង ដោយមានអ្នកលេងអ៊ីនធឺណេតជាច្រើន បានបញ្ចេញមតិថា ពួកគេស្អាតខ្លាំង ជាពិសេសក្មេងប្រុសដែលមានរូបរាងបែបអាស៊ី។

អ្នកប្រើអ៊ីនធឺណិតម្នាក់បានបញ្ចេញមតិថា «ជាមួយឪពុកម្ដាយដែលមានមុខមាត់ល្អបែបនេះ វាមិនចម្លែកទេដែលកូនរបស់ពួកគេសង្ហា»។ អ្នកខ្លះថែមទាំងបានកត់សម្គាល់ថា កូណប្រុសច្បងមានមុខមាត់ស្រដៀងនឹង Ji Hyun ខណៈដែលកូនពៅកាត់តាមឪពុក។

នេះមិនមែនជាលើកទីមួយទេ ដែល Ji Hyun បង្ហាញពីការស្រឡាញ់កីឡាបាល់ទាត់។ កាលពីខែកក្កដាឆ្នាំមុន នាងត្រូវបានគេប្រទះឃើញសួរកីឡាករសញ្ជាតិន័រវេស និងតារាបាល់ទាត់ Manchester City Erling Haaland សម្រាប់ប័ណ្ណសម្គាល់ ដែលភាគច្រើនជាការកម្សាន្តរបស់ស្វាមីរបស់នាង៕

អត្ថបទ៖ សាង ស្រីល័ក្ខ

ចុចអាន៖លេចមុខ Fan Bingbing ទទួលទានអាហារពេលល្ងាចជាមួយគ្រួសារមហាសេដ្ឋី ម៉ាឡេស៊ី