ជីវិតកម្សាន្ដ

រងអំពើអយុត្តិធម៌តារាសម្តែង លី ណូរ៉ា បានត្រឹមបង្ហោះសារឈឺចាប់ផ្តាំអ្នកគាំទ្រ

បានផុស

៩ ខែ មុន

នៅ

ថ្ងៃសុក្រ ២៨ មិថុនា ២០២៤

ដោយ

គិតរហូតមកទល់ពេលនេះករណីរឿងក្ដីក្ដាំរបស់តារាសម្តែងលោក លី ណូរ៉ា បានអូសបន្លាយពេលជាច្រើនខែមកហើយ ខណៈកន្លងមកសាមីខ្លួនរូបនេះតែងចេញមុខទទូចស្នើដល់តុលាការផ្តល់ភាពយុត្តិធម៌សម្រាប់រូបលោកនៅក្នុងករណីនារីម្នាក់ប្តឹងពីបទឆបោកលុយប្រមាណចំនួន ៣ម៉ឺនដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីយ៉ាងណាកន្លងទៅលោក លី ណូរ៉ា ក៏ទទួលបានការផ្តល់មេធាវីការពារក្តីរបស់សមាគមសិល្បករខ្មែរតាំងពីអាណត្តិអ្នកនាង ចន ច័ន្ទលក្ខិណា រហូតចូលដល់អាណិតថ្មីដែលគ្រប់គ្រង់ដោយលោកជំទាវអ្នកឧកញ៉ា ម៉ៅ ចំណាន ផងដែរ។ ប៉ុន្តែទាក់ទងលទ្ធផលបែបណាគេក៏មិនទាន់ដឹងនៅឡើយដែរ។

ស្របពេលជាមួយគ្នានេះ រឿងដែលធ្វើឲ្យមហាជន និងអ្នកដែលគាំទ្រលោក លី ណូរ៉ា កាន់ចាប់អារម្មណ៍ថែមពីនេះដោយថ្មីៗនេះលោកបានបង្ហោះខ្លឹមសារមួយនៅលើគណនីហ្វេសប៊ុកផ្ទាល់ខ្លួនហាក់បង្ហាញការអស់សង្ឃឹមលើរឿងទទួលបានយុត្តិធម៌។ ក្នុងនោះ ណូរ៉ា គឺបានត្រឹមបង្ហោះសារឈឺចាប់ផ្តាំអ្នកគាំទ្រប៉ុន្មានឃ្លារ។

តារាសម្តែងប្រុសរូបនេះបាននិយាយថា “ពិតជាឈឺចាប់នៅលើរឿងអយុត្តិធម៌ រឹតតែឈឺចាប់ដែលយើងរងភាពអយុត្តិធម៌មិនអាចហាស្ដីអ្វីបានស្អែកជូនដំណឹងបងប្អូន”។ យ៉ាងណាតាមរយៈខ្លឹមសារនេះ ត្រូវបានអ្នកគាំទ្រយល់ថា លោកកំពុងតែអស់សង្ឃឹមលើរឿងនេះ ខណៈយើងមិនទាន់អាចទាក់ទងដើម្បីសុំការបកស្រាយបន្ថែមពីលោក លី ណូរ៉ា បាននៅឡើយទេ។

គេចាំបានថា តារាសម្តែងលោក លី ណូរ៉ា កាលពីថ្មីកន្លងទៅធ្លាប់ ចេញមុខអះអាងថា លោកបាននឹងកំពុងរងភាពអយុត្តិធម៌ត្រូវបានស្ត្រីម្នាក់ប្ដឹងពីបទឆបោកលុយប្រមាណចំនួន ៣ម៉ឺនដុល្លារ ដោយសារមានជនអនាមិកលួចរូបថតរបស់លោកទៅបង្កើត Account Facebookក្លែងក្លាយ។ ភ្លាមៗនោះលោកបានទទូចស្នើសុំការផ្តល់យុត្តិធម៌ពីស្ថាប័នតុលាការផងដែរក្រោយលោករងបណ្តឹងពីបទឆបោកលុយ ៣ម៉ឺនដុល្លារ។

លោកបានបញ្ជាក់ដែរថា ត្រឹមរូបថតរបស់អ្នកគេអាចប្ដឹងអ្នកពីបទល្មើសព្រហ្មទណ្ឌបានដូច្នេះអ្នកលេងFacebookទាំងអស់សូមប្រុងប្រយ័ត្នFacebook Fake ក៏យករូបអ្នកទៅលេងបោកគេគេមកប្ដឹងយើង ម្ចាស់រូបដូចខ្ញុំ។ លោកថា លោកក៏ជាជនរងគ្រោះដែរដោយសារតែមានជនអនាមិកបានយករូបថបត ឬឈ្មោះខ្លួនទៅបង្ហើត Account Facebookក្លែងក្លាយដើរបោកលុយគេដើម្បីផលប្រយោជន៍ផ្ទាល់ខ្លួន៕

អត្ថបទ៖ ចាន់រ៉ា