ជីវិតកម្សាន្ដ

រូបភាពដ៏កម្ររវាង Taylor Swift និង ព្រះអង្គម្ចាស់ William

បានផុស

៨ ខែ មុន

នៅ

ថ្ងៃសុក្រ ២៨ មិថុនា ២០២៤

ដោយ

រូបភាពដ៏កម្ររវាង ព្រះអង្គម្ចាស់ William ព្រះអង្គម្ចាស់នៃប្រទេសវែលនៃចក្រភពអង់គ្លេសបានអមដំណើរដោយព្រះរាជបុត្រានិងបុត្រី គឺព្រះអង្គម្ចាស់ George និងព្រះនាង Charlotte ទតការប្រគំតន្ត្រី The Eras Tour 2024 របស់ Taylor Swift នៅកីឡដ្ឋាន Wembley ទីក្រុងឡុងដ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីពួកទ្រង់ប្រគំតន្ត្រីចប់ ព្រះអង្គម្ចាស់ William បុត្រទាំងពីរអង្គក៏បានថតរូបមិត្តភាពជាមួយតារាចម្រៀងប៉ុបរូបនេះភ្លាមៗ ហើយនោះគឺជារូបភាពដែលបានធ្វើឲ្យមនុស្សជាច្រើនស្រលាញ់ចូលចិត្ត និងបញ្ចេញមតិលើការបង្ហោះយ៉ាងច្រើនលើសលុបលើបណ្ដាញអ៉ិនធើណេត។

លើសពីនេះទៀតក្នុងអំឡុងពេលប្រគំតន្ត្រី ឃ្លិបវីដេអូមួយដែលមានអ្នកទស្សនាជាង១៧ លានដង បានបង្ហាញពីសកម្មភាពរបស់ព្រះអង្គម្ចាស់ William រាំយ៉ាងសប្បាយរីករាយជាមួយនឹងបទចម្រៀង Shake It Off រួមនឹងមតិរបស់ប្រជាពលរដ្ឋនិយាយជាឯកច្ឆ័ន្ទ ថាទ្រង់កំពុងតែប្រើជីវិតបែបឯកជននិងសាមញ្ញបំផុតក្នុងនាមជាសែរាជវង្ស។

ជាមួយគ្នានោះដែរ ព្រះអង្គម្ចាស់បានថ្លែងអំណរគុណដល់ Taylor Swift សម្រាប់ការប្រគំតន្ត្រីដ៏អស្ចារ្យ នៅពេលដែលទ្រង់បានចែករំលែករូបថតអមជាមួយនឹងសារបង្ហាញនៅលើ Instagram ថា “សូមអរគុណ Taylor Swift សម្រាប់រាត្រីដ៏អស្ចារ្យ” ។

យ៉ាងណាមិញ យោងតាមរបាយការណ៍បានបញ្ចាក់ថា ការប្រគំតន្ត្រីដ៏អស្ចារ្យ Taylor Swift នឹងជំរុញសេដ្ឋកិច្ចទីក្រុងឡុងដ៍ចំនួន ៣០០ លានផោន ខណៈដែលទីក្រុងរៀបចំកម្មវិធី Eras Tour ច្រើនជាងទីក្រុងផ្សេងទៀតនៅលើពិភពលោកដែលមានមនុស្សជិត ៦៤០,០០០ នាក់ឯណោះ៕