ជីវិតកម្សាន្ដ
តារាកំប្លែងវ័យចំណាស់ តាចេក ធ្លាក់ខ្លួនដើរសំលៀងកាំបិតតាមផ្ទះគេ
តារាកំប្លែងវ័យចំណាស់ តាចេក ដោយសារតែបញ្ហាជីវភាពគ្រួសារ ទើបរុញច្រានឲ្យ លោកតា ខំប្រឹងពុះពាររាល់ឧបសគ្គ ដើម្បីរកប្រាក់ចំណូលបន្ថែមជួយផ្គត់ផ្គង់ដល់ជីវភាពរស់នៅប្រចាំថ្ងៃ។
![](https://www.kampucheathmey.com/wp-content/uploads/2024/06/IMG_20240629_091639.jpg)
តាចេក ធ្លាប់ជាតារាកំប្លែងស្ងួត ដែលផ្តល់ភាពសើចសប្បាយរីករាយជួនទស្សនិកជននាពេលកន្លងមក។ តួយ៉ាងកន្លងមក មហាជន និងអ្នកគាំទ្រ ធ្លាប់បានដឹងហើយថា តារាកំប្លែងលោកតា ចេក ក្រៅតែអាជីពសិល្បៈ គឺគាត់ចាប់មុខរបរលក់បន្លែផ្លែឈើ និងភេសជ្ជៈ នៅម្តុំផ្លូវទៅគិរីរម្យជាដើម។ ប៉ុន្តែយ៉ាងណាមិញ បន្ទាប់ពីស្ងប់ស្ងាត់មួយរយៈធំ ស្រាប់តែថ្មីៗ នេះ មានការទម្លាយរឿងដ៏ភ្ញាក់ផ្អើល ក្រោយឃើញសភាពតារាកំប្លែងរូបនេះ ធ្លាក់ខ្លួនដើរសំលៀងកាំបិតតាមផ្ទះ។
នៅលើបណ្ដាញសង្គមហ្វេសប៊ុកគេឃើញមានការចែករំលែកវីដេអូខ្លីមួយបង្ហាញពីសកម្មភាពរបស់តារាកំប្លែងលោកតា ចេក កំពុងអង្គុយសំលៀងកាំបិតបង្កប់ដោយក្តីទុក្ខព្រួយយ៉ាងកម្សត់ ខណៈរូបភាពនេះ បានធ្វើឲ្យមហាជនមានក្តីអាណិតអាសូរ និងខ្លោចចិត្តជាខ្លាំង។
![](https://www.kampucheathmey.com/wp-content/uploads/2024/06/IMG_20240629_091706.jpg)
តាមរយៈខ្លឹមសារដែលបង្ហោះភ្ជាប់វីដេអូនោះ បានរៀបរាប់ថា «សូមជួយស៊ែរឲ្យបានដល់ថ្នាក់ដឹកនាំផង ដែលជាម្លប់ដល់កូនចៅ,ខ្ញុំបានជួបលោកអ៊ំ កាលពី ៣ ឆ្នាំមុន លោកអ៊ំលក់ផ្លែឈើនៅភ្នំគិរីរម្យ!ហ៊ឹម…ឥឡូវគាត់ ដើរសំលៀងកាំបិតតាមផ្ទះគេ គួរតែបងៗ ខាងសិល្បៈគិតគូរគាត់ផង គាត់ក៏ជាសិល្បៈជើងចាស់មួយរូបដែរ ទឹកមុខបង្ហាញពីទុក្ខ សូមជួយគាត់ផង គាត់អាយុច្រើនហើយ ពេលវេលានៅមានតិចណាស់»។
ជាការកត់សម្គាល់ តារាកំប្លែងជើងចាស់ លោកតា ចេក បច្ចុប្បន្ន ត្រូវបានទស្សនិកជនដឹងហើយថា នាយជាតារាកំប្លែងជើងចាស់មួយរូបដែលមានប្រវត្តិតស៊ូ និងជួបការលំបាកជាច្រើន សម្រាប់ជីវភាពគ្រួសារប្រចាំថ្ងៃ ពោលគឺខុសប្លែកពីតារារួមជំនាន់ដទៃទៀតដែលមានជីវភាពធូរធារ៕
អត្ថបទ ៖ ចាន់រ៉ា
![](https://www.kampucheathmey.com/wp-content/uploads/2024/06/IMG_20240629_092015.jpg)
![](https://www.kampucheathmey.com/wp-content/uploads/2024/06/IMG_20240629_091945_408.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៥ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី