តារាខ្មែរល្បីៗ និងម្ចាស់ប្រេនផ្ទុះការគាំទ្រកូនខ្មែរនៅថៃ អេឡិច រ៉ាយុទ្ធ កំពុងជោគជ័យលើមុខជំនួញ

អតីតារាហ្វេសប៊ុកដែលចូលចិត្តនិយាយកំប្លុកកំប្លែង និងបច្ចុប្បន្នបានវិវឌ្ឍខ្លួនក្លាយជាថៅកែលក់សម្លៀកបំពាកដ៏ពេញនិយមនៅលើទឹកដីប្រទេសថៃ លោក អេឡិច រ៉ាយុទ្ធ ត្រូវបានតារាល្បីៗរបស់ខ្មែរ និងម្ចាស់ប្រេនព្រមទាំងបុគ្គលល្បីៗជាច្រើនទៀតផ្ទុះការគាំទ្រទៅលើការលក់សម្លៀកបំពាក់នារីទាន់សម័យនៅប្រទេសថៃ។

នេះគឺអាចចាត់ទុកថា ជាជោគជ័យរបស់កូនខ្មែរដែលបាននិងកំពុងរស់នៅលើទឹកដីថៃ ដែលអាចមានសមត្ថភាពទាក់​ទាញការចាប់អារម្មណ៍ពីសំណាក់អ្នកគាំទ្ររួមនឹងតារាខ្មែរល្បីៗ និងម្ចាស់ប្រេនអនឡាញផ្ទុះការគាំទ្រលើអាជីពសព្វថ្ងៃរបស់ខ្លួន ខណ:កន្លងមកលោកក៏ស្ងាត់មួយរយៈស្រាប់តែពេលនេះ រ៉ាយុទ្ធ បានលេចមុខលើការលក់សម្លៀកបំពាក់នារីទាន់សម័យនៅប្រទេសថៃទៅវិញ។ 

នៅក្នុងកិច្ចសម្ភាសន៍ អេឡិច រ៉ាយុទ្ធ បានបញ្ជាក់ថា រាល់ថ្ងៃនេះមានអតិថិជន និងតារាល្បីៗព្រមទាំងអ្នក ជំនួញអន​ឡាញ​ល្បីៗនៅកម្ពុជាជាច្រើនតែងតែទំនាក់ទំនងទៅកាន់លោកដើម្បីទិញសម្លៀកបំពាក់​​ ហើយនេះក៏មិនមែនជារឿងចៃដន្យឡើយ ដែលលោកអាចទាក់ចិត្តអតិថិជនបានច្រើនរាប់សិបនាក់នៅក្នុងមួយថ្ងៃៗ នោះព្រោះតែតម្លៃ គុណភាព សេវាកម្មជាដើម។

លោកនិយាយទៀតថា អ្នកសិល្ប: និងអតិថជនដែលបានទិញសម្លៀកបំពាក់ពីលោកទៅស្លៀកចូលរួមកម្មវិធីផ្សេងៗតែងទទួលបានការសរសើរ និងសួរនាំថាកុម្ម៉ង់មកពីណាទៀតផង។ លោកថា សម្រាប់លោកផ្ទាល់តែងផ្តល់ទំនុកចិត្តខ្ពស់ទៅកាន់អ្នកគាំទ្ររាល់ផលិតផលរបស់លោកជានិច្ច។ ចំណែកឯ ស្រីណៃ ដែលជាអ្នកគាំទ្រសម្លៀកបំពាក់នៅហាង អេឡិច រ៉ាយុទ្ធ បានបញ្ជាក់ថា ចង់បានសម្លៀកបំពាក់ស្អាតៗ និងមានគុណភាព គឺមានតែនៅហាង អេឡិច រ៉ាយុទ្ធ ដែលកំពុង​បោះជំហ៊ានខ្លាំងនៅប្រទេសថៃ និងទទួលបានការគាំទ្រនៅស្រុកខ្មែរ។

សូមជម្រាបដែរថា នេះអាចនិយាយបានថាជាមោទកភាពមួយសម្រាប់កូនខ្មែរដែលមានលទ្ធភាពអាចបើកអាជីវកម្មជារបស់ខ្លួនឯងនៅក្រៅប្រទេស ហើយនេះក៏ជារឿងមួយនឹកស្មានមិនដល់ព្រោះកន្លងមកធ្លាប់តែឮគេនិយាយថា ពលរដ្ឋខ្មែរតែងចំណាកស្រុកទៅធ្វើការនៅប្រទេសគេរួមមានថៃ ម៉ាឡេស៊ី កូរ៉េ និងជប៉ុនជាដើម។ គេចាំបានថា តារាហ្វេសប៊ុក​អេឡិក រ៉ាយុទ្ធ គឺបុគ្គលមួយរូបដែលតែងតែបង្កភាពសប្បាយរីយរាយដល់អ្នកទស្សនាតាមរយៈទេពកោសល្យ និងការនិយាយស្ដីបែបកំប្លុកកំប្លែង និងការតុបតែងខ្លួនប្លែកបង្ហាញនៅបណ្ដាញសង្គម៕

អត្ថបទ​៖ ចាន់រ៉ា